1930ء فیفا عالمی کپ
From Wikipedia, the free encyclopedia
فیفا نے 1930ء میں پہلا فیفا عالمی کپ مردوں کی قومی ٹیموں کے درمیاں یوراگوئے میں منعقد کروایا۔ اس کی میزبانی کے لیے یوراگوئے، سپین، نیدرلینڈز، اٹلی اور سویڈن نے بولی لگائی، لیکن فیفا نے یوراگوئے کی بولی قبول کی اور اس طرح یوراگوئے پہلے عالمی کپ کی میزبانی کا اعزاز حاصل کر سکا۔ پہلے عالمی کپ میں صرف تیرہ ممالک کی قومی ٹیمیں شریک ہوئیں۔ جن کو شامل ہونے کے لیے کوئی مقابلہ نہیں کرنا پڑا، بلکہ پہلے عالمی کپ میں کسی بھی ملک کی قومی ٹیم شرکت کی اہل تھی، دنیا بھر کی ٹیموں کو دعوت نامے ارسال کیے گئے، مگر طویل سفر اور سفری اخراجات کی وجہ سے صرف تیرہ ممالک کی ہی ٹیمیں شامل ہوئیں، ان کو چار گروپوں میں تقسیم کیا گیا، پہلا گروپ چار ٹیموں پر اور باقی تین گروپوں میں تین تین ٹیمیں شامل تھیں، ہر گروپ کی ٹیم نے اپنے گروپ کی ہر ٹیم سے ایک ایک مقابلہ کرنا تھا، اس طرح پہلے مرحلہ میں نو ٹیمیں باہر ہو گئیں، دوسرا مرحلہ سیمی فائنل کا تھا، پہلے عالمی کپ میں تیسرے اور چوتھے درجہ کے لیے مقابلے منعقد نہیں کیے گئے۔ یوراگوئے میں منعقد ہونے والے 1930ء کے فیفا عالمی کپ کے فائنل میں میزبان یوراگوئے نے ارجنٹائن کو دو کے مقابلے میں چار گول سے شکست دے کر پہلے فیفا عالمی کپ کا فاتح بننے کا اعزاز حاصل کیا۔[1]
1er Campeonato Mundial de Fútbol | |
---|---|
ٹورنامنٹ کی تفصیل | |
میزبان ملک | یوراگوئے |
تاریخ | 13جولائی – 30 جولائی |
ٹیمیں | 13 |
میدان | 3 (1 میزبان شہر میں) |
سیمی فائنل کھیلنے والے | |
فاتحین | یوراگوئے (1 بار) |
دوسرے درجہ پر | ارجنٹائن |
تیسرے درجہ پر | ریاستہائے متحدہ |
چوتھے درجہ پر | یوگوسلاویہ |
اعداد و شمار | |
کل مقابلے | 18 |
گول | 70 (3.89 فی میچ) |
تماشائی | 590,549 (32,808 فی میچ) |
زیادہ گول کرنے والا | گلرمو سٹائبل (8 گول) |
1934 ← |