Miss Universe Philippines 2022
From Wikipedia, the free encyclopedia
Ang Miss Universe Philippines 2022 ay ang ikatlong edisyon ng Miss Universe Philippines pageant, na ginanap sa Mall of Asia Arena sa Pasay, Kalakhang Manila, Pilipinas noong 30 Abril 2022.[1][2]
Miss Universe Philippines 2022 | |
---|---|
Petsa | 30 Abril 2022 |
Presenters | |
Entertainment |
|
Tema | Uniquely Beautiful |
Pinagdausan | Mall of Asia Arena, Pasay City |
Brodkaster | |
Lumahok | 31 |
Placements | 16 |
Hindi sumali | |
Nanalo | Celeste Cortesi Pasay |
Congeniality | Jewel Alexandria Palacat Ilocos Sur |
Pinakamahusay na Pambansang Kasuotan | Julia Saubier Albay |
Photogenic | Celeste Cortesi Pasay |
ā 2021 |
Pagkatapos ng kompetisyon, kinoronahan ni Beatrice Gomez ng Lungsod ng Cebu si Celeste Cortesi ng Pasay bilang Miss Universe Philippines 2022.[3] Siya ay kumatawan sa Pilipinas sa Miss Universe 2022 na ginanap sa New Orleans, Louisiana, Estados Unidos noong 14 Enero 2023 kung saan siya ay hindi nakapasok sa semi-finals.[4] Kinoronahan bilang Miss Universe Philippines Tourism 2022 si Michelle Dee ng Makati, at kinoronahan bilang Miss Universe Philippines Charity 2022 si Pauline Amelinckx ng Bohol, habang nagtapos bilang 1st runner-up si Annabelle McDonnell ng Misamis Oriental, at nagtapos bilang second runner-up si Katrina Llegado ng Taguig.
Noong 8 Nobyembre 2022, iniluklok si Annabelle McDonnell ng Misamis Oriental bilang Miss Charm Philippines 2023 sa ilalim ng organisasyong EmpirePH.[5] Siya ay kumatawan sa Pilipinas sa Miss Charm 2023 na ginanap sa Lungsod ng Ho Chi Minh, Biyetnam noong 17 Pebrero 2023 kung saan siya ay nagtapos bilang first runner-up.[6][7]
Mga kandidata mula sa tatlumpu't-isang lungsod at lalawigan ang lumahok sa kompetisyong ito. Pinangunahan nina Miss Universe 2015 Pia Wurtzbach, Miss Universe 2016 Iris Mittenaere, at Miss Universe 2017 Demi-Leigh Tebow ang kompetisyon.[8][9] Nagtanghal sina Bamboo, Sam Concepcion, Yheen & Yuki, Ez Mil, Francisco Martin, Morissette, JM Bales, at Arthur Nery sa edisyong ito.[10][11][12]