![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e9/President_Benigno_S._Aquino_III_receives_Miss_Universe_2015_Pia_Wurtzbach_012616_%2528cropped%2529.jpg/640px-President_Benigno_S._Aquino_III_receives_Miss_Universe_2015_Pia_Wurtzbach_012616_%2528cropped%2529.jpg&w=640&q=50)
Miss Universe 2015
From Wikipedia, the free encyclopedia
Ang Miss Universe 2015 ay ang ika-64 na edisyon ng Miss Universe pageant, na ginanap sa Planet Hollywood Resort & Casino sa Las Vegas, Nevada, Estados Unidos noong 20 Disyembre 2015.[1] Ito ang unang edisyon ng kompetisyon na ginanap sa ilalim ng pagmamay-ari ng WME/IMG, na binili ang Miss Universe Organization mula kay Donald Trump noong 14 Setyembre 2015.[2] Dahil dito, ito ang edisyon ng kompetisyon na ipinalabas sa Fox at Azteca sa halip na sa NBC at UniMás.[3][4]
Miss Universe 2015 | |
---|---|
![]() Pia Wurtzbach, Miss Universe 2015 | |
Petsa | 20 Disyembre 2015 |
Presenters |
|
Entertainment |
|
Pinagdausan | The AXIS, Las Vegas, Nevada, Estados Unidos |
Brodkaster |
|
Lumahok | 80 |
Placements | 15 |
Hindi sumali |
|
Bumalik |
|
Nanalo | Pia Wurtzbach![]() |
Congeniality | Whitney Shikongo![]() |
Pinakamahusay na Pambansang Kasuotan | Aniporn Chalermburanawong![]() |
Photogenic | Samantha McClung![]() |
Pagkatapos ng kompetisyon, kinoronahan ni Paulina Vega ng Kolombiya si Pia Wurtzbach ng Pilipinas bilang Miss Universe 2015.[5] Ito ang pangatlong tagumpay ng Pilipinas sa kasaysayan ng kompetisyon.[6] Nagtapos bilang first runner-up si Ariadna Gutiérrez ng Kolombya samantalang nagtapos bilang second runner-up si Olivia Jordan ng Estados Unidos.[7]
Mga kandidata mula sa walumpung mga bansa at teritoryo ang kumalahok sa kompetisyong ito. Pinangunahan ni Steve Harvey ang kompetisyon, samantalang nagsilbi bilang backstage correspondent si Roselyn Sanchez.[7] Nagtanghal sina Charlie Puth, The Band Perry, at Seal sa edisyong ito.[8]