Lungsod Ho Chi Minh
From Wikipedia, the free encyclopedia
Ang Lungsod ng Ho Chi Minh (Biyetnames: Thành phố Hồ Chí Minh; pakinggan), na dating tinatawag na Saigon (Sài Gòn; pakinggan), ay ang pinakamalaking lungsod sa Biyetnam. Sa ilalim ng pangalang "Saigon", nagsilbi ito bilang kabisera ng kolonyang Pranses ng Cochinchina, at pagkatapos ng Timog Biyetnam mula 1955 hanggang 1975. Noong 30 Abril 1975, bumagsak ang Saigon sa huling bahagi ng Digmaang Biyetnam laban sa Hilagang Biyetnam, kung saan nagwagi ang mga Komunistang taga-hilagang nasa ilalim ni Ho Chi Minh, at ang kanilang puwersang pang-militar, ang Viet Cong. Noong 2 Hulyo 1976, ipinagsama ang Saigon sa karatig-lalawigan ng Gia Định, at pinangalanani ito kay Ho. Gayunpaman, karaniwan pa ring ginagamit ang lumang pangalan.[2]
Ho Chi Minh City Thành phố Hồ Chí Minh Thành phố Sài Gòn | |
---|---|
Munisipalidad (Thành phố trực thuộc trung ương) | |
Mula itaas, kaliwa-pakanan: Panoramang urbano ng Lungsod ng Ho Chi Minh; Gusaling panlungsod ng Lungsod ng Ho Chi Minh; Notre-Dame Katedral Basilika ng Saigon; Teatrong Munisipal (o Opera House) ng Lungsod ng Ho Chi Minh; Pamilihan ng Bến Thành; Tanawing panghimpapawid ng Lungsod ng Ho Chi Minh sa gabi | |
Palayaw: Paris of the Orient, Pearl of the Far East | |
Location sa Vietnam at Southern Vietnam | |
Mga koordinado: 10°48′N 106°39′E | |
Bansa | Vietnam |
Itinatag | 1698 |
Pagbabago ng pangalan | 1976 |
Demonym | Saigonese |
Pamahalaan | |
• Party Secretary: | Dinh La Thang |
• People's Committee Chairman: | Lê Hoàng Quân |
• People's Council Chairwoman: | Nguyễn Thị Quyết Tâm |
Lawak | |
• Kabuuan | 2.095,6 km2 (809.23 milya kuwadrado) |
Taas | 19 m (63 tal) |
Populasyon (2014)[1] | |
• Kabuuan | 7,955,000 |
• Ranggo | Una sa Vietnam |
• Kapal | 3,800,000/km2 (9,800/milya kuwadrado) |
[1] | |
Sona ng oras | UTC+07:00 (ICT) |
Area codes | 28 |
GDP (nominal) | 2014 estimate |
- Total | 41 billion USD |
- Per capita | 5131 USD |
- Growth | 9.5% |
Websayt | Official website |
May halos 9,000,000 katao ang kalakhan ng Lungsod ng Ho Chi Minh, na binubuo ng lungsod mismo at ang mga karatig-pook ng Thủ Dầu Một, Dĩ An, Biên Hòa at mga bayang nakapaligid.[nb 1] Ito ang kalakhang may pinakamalaking populasyon sa buong bansa.[3] Inaasahang lalaki ang populasyon ng lungsod sa 13.9 million pagsapit ng 2025.[4] Kung kasama ang mga lalawigan ng Tiền Giang at Long An, na inihayag sa ilalim ng bagong planong panrehiyon ng kalakhan, sakop ng kalakhan ang lupaing may lawak na halos 30,000 square kilometre (12,000 mi kuw), at may populasyon na halos 20 milyong katao pagsapit ng 2020.[5]
Ayon sa Mercer Human Resource Consulting, Economist Intelligence Unit at ECA International, pang-132 sa pinakamamahaling lungsod para sa mga manggagawang dayuhan ang Lungsod ng Ho Chi Minh.