ఆసియా కప్
From Wikipedia, the free encyclopedia
ఆసియా కప్, పురుషుల అంతర్జాతీయ క్రికెట్ టోర్నమెంటు. ఇది ఆసియా దేశాల మధ్య వన్డే ఇంటర్నేషనల్ రూపంలో (50 ఓవర్లు) గాని, ట్వంటీ 20 ఇంటర్నేషనల్ క్రికెట్ రూపంలో (20 ఓవర్లు) గానీ జరుగుతుంది. దీన్ని అధికారికంగా ఎసిసి పురుషుల ఆసియా కప్ అని అంటారు. ఇది ఆసియా దేశాల మధ్య సద్భావనను పెంపొందించే చర్యగా 1983లో ఏషియన్ క్రికెట్ కౌన్సిల్ స్థాపించబడినప్పుడు ఏర్పాటు చేసారు. వాస్తవానికి ప్రతి రెండేళ్లకోసారి నిర్వహించాలని తొలుత నిర్ణయించారు. ఆసియా కప్, క్రికెట్లో ఏకైక ఖండ ఛాంపియన్షిప్. గెలిచిన జట్టు ఆసియా ఛాంపియన్ అవుతుంది. ఇది ప్రతి 2 సంవత్సరాలకు ఒకసారి, వన్డే, T20 ఫార్మాట్ల మధ్య మారుతూ ఉంటుంది. ఇటీవలి 2023 ఎడిషన్ను గెలిచిన భారతదేశం ప్రస్తుత ఛాంపియన్గా ఉంది.
ఎసిసి ఆసియా కప్ | |
---|---|
![]() 2018 నుండి అధికారిక లోగో | |
నిర్వాహకుడు | ఆసియన్ క్రికెట్ కౌన్సిల్ |
ఫార్మాట్ | వన్డే, టి20ఐ |
టోర్నమెంటు ఫార్మాట్ | గ్రూప్ దశ, నాకౌట్ |
జట్ల సంఖ్య | ఎసిసి సభ్య దేశాలు |
ప్రస్తుత ఛాంపియన్ | ![]() |
అత్యధిక పరుగులు | ![]() |
అత్యధిక వికెట్లు | ![]() |
మొదటి ఆసియా కప్ 1984లో యునైటెడ్ అరబ్ ఎమిరేట్స్లోని షార్జాలో నిర్వహించారు. 1995 వరకు కౌన్సిల్ కార్యాలయాలు ఇక్కడే ఉండేవి. శ్రీలంకతో క్రికెట్ సంబంధాలు దెబ్బతిన్న కారణంగా 1986 టోర్నమెంట్ను భారత్ బహిష్కరించింది. భారతదేశంతో రాజకీయ సంబంధాలు దెబ్బతిన్న కారణంగా పాకిస్తాన్ 1990-91 టోర్నమెంట్ను బహిష్కరించింది. అదే కారణంతో 1993 టోర్నమెంటును రద్దు చేసారు. ఈ టోర్నమెంటును 2009 నుంచి రెండేళ్ళకోసారి నిర్వహిస్తామని ACC ప్రకటించింది. ఆసియా కప్లో ఆడే అన్ని గేమ్లకు అధికారిక వన్డే హోదా ఉంటుందని ఐసీసీ తేల్చి చెప్పింది.
2015లో ఆసియా క్రికెట్ కౌన్సిల్ పరిమాణాన్ని తగ్గించిన తర్వాత, రాబోయే ప్రపంచ ఈవెంట్ల ఫార్మాట్ ఆధారంగా 2016 నుండి ఆసియా కప్ ఈవెంట్లు వన్డే ఇంటర్నేషనల్, ట్వంటీ 20 ఇంటర్నేషనల్ ఫార్మాట్ల మధ్య మారుతూ జరుగుతాయని ICC ప్రకటించింది. ఫలితంగా 2016 పోటీ, T20I ఫార్మాట్లో ఆడిన మొదటి పోటీ అయింది. 2016 ICC వరల్డ్ ట్వంటీ20 కి ముందు సన్నాహక టోర్నమెంట్గా అది పనిచేసింది.
ఎనిమిది టైటిల్స్తో (ఏడు వన్డే, ఒక T20I) భారత్ ఈ టోర్నమెంటులో అత్యంత విజయవంతమైన జట్టు. శ్రీలంక 6 టైటిళ్ళతో రెండో స్థానంలో ఉంది, పాకిస్థాన్ రెండు టైటిళ్ళు గెలుచుకుంది. శ్రీలంక అత్యధిక ఆసియా కప్లు ఆడగా (16) తర్వాత భారత్, పాకిస్థాన్, బంగ్లాదేశ్ (తలా 14) ఆడాయి.