కేథ‌రిన్ థ్రెసా

కేథరీన్ థెరీసా (జననం : సెప్టెంబరు 10 1996) దక్షిణ భారత నటి. ఈమె మలయాళ, కన్నడ, తెలుగు భాషల్లో నటించింది.

కేథ‌రిన్ థ్రెసా
జననం	కేథరీన్ థెరీసా అలెగ్జాండర్ (1996-09-10) సెప్టెంబరు 10, 1996 (age 28) దుబాయి
ఇతర పేర్లు	కేథరీన్
వృత్తి	నటి, మోడల్
క్రియాశీల సంవత్సరాలు	2011 నుండి ఇప్పటివరకు

సినీ జీవితం

కన్నడంలో ప్రముఖ నటుడు దునియా విజయ్ సరసన శంకర్ IPS సినిమాతో తెరంగేట్రం చేసిన కేథరీన్ అదే సంవత్సరంలో పృథ్వీరాజ్ సరసన మలయాళంలో ది ధ్రిల్లర్ సినిమాలో నటించింది. అదే సంవత్సరంలో కన్నడ భాషలో ఉప్పుకుండం బ్రదర్స్, విష్ణు సినిమాలలో నటించింది. 2012లో ఉపేంద్ర సరసన గాడ్ ఫాదర్ సినిమాలో నటించిన కేథరీన్ ఆ సినిమాతో మంచి గుర్తింపును సాధించింది. 2013లో కేథరీన్ వరుణ్ సందేశ్ సరసన చమ్మక్ చల్లో సినిమాతో తెలుగులో తెరంగేట్రం చేసింది. ఆ సినిమా విఫలమైనా కేథరీన్ కు మంచి గుర్తింపు వచ్చింది. విమర్శకులు కూడా ఆమె నటన, అందచందాలే ఆ సినిమాకున్న ఏకైక మంచి అంశంగా అభివర్ణించారు. ప్రస్తుతం కేథరీన్ నానీ సరసన పైసా, అల్లు అర్జున్ సరసన ఇద్దరమ్మాయిలతో అనే తెలుగు సినిమాల్లో నటిస్తోంది.

వ్యక్తిగత జీవితం

కేథరీన్ దుబాయికి చెందిన మలయాళం కేథలిక్ కుటుంబంలో జన్మించింది.^[1] ఆమె చెప్పిన ప్రకారం "నేను అనర్గళంగా మలయాళం మాట్లాడలేను. మేము ఇంటిలో ఆంగ్లంలో మాట్లాడుకుంటాము. నేను హిందీ లో కూడా చక్కగా మాట్లాడాగలను. ప్రస్తుతం తెలుగు భాషను నేర్చుకుంటున్నాను".^[2] ఈమె దుబాయిలో 12 గ్రేడు వరకు చదివింది. అచటనుండి బెంగళూరుకు ఉన్నత విద్య అభ్యసించటానికి వచ్చింది. ఈమె సెయింట్ జోసెఫ్ కాలేజీ, బెంగళూరులో రెండు సంవత్సరములు విద్యాభ్యాసం చేసింది.^[3] ఈమె విద్యాభ్యాసం చేసే కాలంలో సంగీత వాద్యాలను ఉపయోగించుట, పాడుట, నృత్యం నేర్చుకుంది. ఈమె ఐస్ స్కేటింగ్ కూడా చేయగలదు.^[2] ఈమె "నల్లి సిల్క్స్", "చెన్నై సిల్క్స్", "ఫాస్ట్ ట్రాక్", "జోస్కో జ్యుయలర్స్", "దక్కన్ క్రానికల్" లకు మోడల్ గా వ్యవహరిస్తున్నది. ఈమె "శ్రీకంఠదత్త వొడియార్ కాలెండర్"లో ఒక షాట్ లో గలదు. ఈమె అనేక నగరాలలో గల వివిధ రాంప్ షోలలో పాల్గొంది.^[4]

నటించిన చిత్రాలు

సంవత్సరం	చలన చిత్రం	పాత్ర	భాష	ఇతర వివరాలు
2010	శంకర్ ఐ.పి.ఎస్.	శిల్పా	కన్నడ
	ది త్రిల్లర్	మీరా	మళయాళం
2011	ఉప్పుకండం బ్రదర్స్ బ్యక్ ఇన్ యాక్షన్	వినిలా సత్యనేశన్	మళయాళం
	విష్ణు	మీనాక్షి	కన్నడ
2012	గొడ్‌ఫాదర్	వాణి	కన్నడ
2013	చమ్మక్ చల్లో	సునైనా	తెలుగు
	ఇద్దరమ్మాయిలతో	ఆకాంక్ష	తెలుగు
2014	పైసా	నూర్	తెలుగు
	మద్రాస్	కలైయరసి	తమిళం
	ఎర్రబస్సు	రాజి	తెలుగు
2015	రుద్రమదేవి	అన్నంబిక	తెలుగు
2016	కదకళి	మీను కుట్టి	తమిళం
	కణితన్	అను	తమిళం
	సరైనోడు	ఎం.ఎల్.ఏ. హంసితా రెడ్డి	తెలుగు
2017	కదంబన్ \ గజేంద్రుడు (2019 తెలుగు)	రతి	తమిళం
	గౌతమ్ నంద	ముగ్ధా	తెలుగు
	నేనే రాజు నేనే మంత్రి	దెవికా రాణి	తెలుగు
	జయ జానకి నాయక		తెలుగు	"ఎ ఫర్ అప్పిలు" అనే పాటలో ప్రత్యేక ప్రదర్శన
	కథా నాయగన్	కన్మణి	తమిళం
2018	కలగలప్పు 2	హేమ	తమిళం
	ఆనెంగులుం అల్లెంగులుం		మళయాళం	చిత్రీకరణ జరుగుతుంది
2019	వదలడు		తెలుగు \ తమిళ్
2020	వరల్డ్ ఫేమస్ లవర్[5]	స్మిత	తెలుగు
2022	భళా తందనానా		తెలుగు
	బింబిసారా	ఐర	తెలుగు
	మాచర్ల నియోజవర్గం		తెలుగు