కె. రాఘవేంద్రరావు

కె. రాఘవేంద్రరావు
కె. రాఘవేంద్రరావు
	కె. రాఘవేంద్రరావు
జననం	కోవెలమూడి రాఘవేంద్రరావు; 1942 మే 23 (వయసు 82); కృష్ణా జిల్లా, కంకిపాడు మండలం, కోలవెన్ను గ్రామం
ఇతర పేర్లు	దర్శకేంద్రుడు
విద్య	బి. ఎ
వృత్తి	దర్శకుడు, నిర్మాత, రచయిత
జీవిత భాగస్వామి	సరళ
పిల్లలు	2 (కోవెలమూడి ప్రకాష్ తో సహా)
తల్లిదండ్రులు	కోవెలమూడి సూర్యప్రకాశరావు (తండ్రి); జి.వరలక్ష్మి (సవతి తల్లి) (తల్లి);
బంధువులు	కె.బాపయ్య (సోదరుడు), శోభు యార్లగడ్డ (అల్లుడు)

కోవెలమూడి రాఘవేంద్రరావు లేదా కె. రాఘవేంద్ర రావు తెలుగు సినీ రంగంలో దర్శకేంద్రుడు అని పిలువబడే శతాధిక చిత్రాల దర్శకుడు, రచయిత, నిర్మాత. ఈయన 50 ఏళ్ళకి పైగా చిత్ర పరిశ్రమలో ఉన్నాడు. ఈయన తండ్రి కోవెలమూడి సూర్యప్రకాశరావు కూడా తెలుగు సినీ దర్శకుడే. రాఘవేంద్రరావు మొత్తం ఎనిమిది నంది పురస్కారాలు, ఒక IIFA పురస్కారం, ఒక సైమా అవార్డు, ఐదు ఫిల్మ్ ఫేర్ సౌత్ పురస్కారాలు, రెండు సార్లు సినీ మా (Cinemaa) అవార్డులు అందుకున్నాడు. వెంకటేష్, మహేష్ బాబు, అల్లు అర్జున్ లాంటి తారలు కె. రాఘవేంద్ర రావు దర్శకత్వంలోనే కథానాయకులుగా ప్రస్థానం మొదలుపెట్టారు.^[2]

త్వరిత వాస్తవాలు కె. రాఘవేంద్రరావు, జననం ...

మూసివేయి

Remove ads

జననం, విద్య

రాఘవేంద్ర రావు మే 23, 1942 తేదీన కృష్ణా జిల్లా, కంకిపాడు మండలానికి చెందిన కోలవెన్ను గ్రామంలో సుర్యప్రకాశ రావు దంపతులకు జన్మించాడు. రాఘవేంద్రరావు తండ్రి కోవెలమూడి సూర్యప్రకాశరావు దర్శకుడే. రాఘవేంద్రరావు కొడుకు పేరు కూడా కోవెలమూడి సూర్య ప్రకాష్. ఇతను కూడా సినీ రంగంలో నటుడు, దర్శకుడు, నిర్మాతగా కూడా వ్యవహరించాడు. దర్శకుడు కె.బాపయ్య వీరి పెదనాన్న కుమారుడు.

సినీ రంగం

తండ్రి కోవెలమూడి ప్రకాశరావు దర్శకుడయినా మరో దర్శకుడి కమలాకర కామేశ్వరరావు దగ్గర కొన్నాళ్ళు సహాయకుడిగా పనిచేశాడు. దర్శకుడిగా ఆయన మొదటి చిత్రం 1975లో వచ్చిన బాబు. ఈ చిత్రంలో శోభన్ బాబు, వాణిశ్రీ, లక్ష్మి ముఖ్య పాత్రల్లో నటించారు. ఆ తర్వాత ఎంతో మంది కథానాయకులతో ఎన్నో విజయవంతమైన చిత్రాలు తీశాడు. స్త్రీ పాత్రలే ప్రధానంగా జ్యోతి, ఆమె కథ, కల్పన లాంటి చిత్రాలు తీశాడు. అన్నమయ్య, శ్రీ మంజునాథ, శ్రీరామదాసు, శిరిడి సాయి, ఓం నమో వేంకటేశాయ లాంటి ఆధ్యాత్మిక చిత్రాలు రూపొందించాడు.

శ్రీదేవితో రాఘవేంద్రరావు 24 సినిమాలు చేశాడు.^[3]

అవార్డులు.

1984: ఉత్తమ దర్శకుడు, నంది అవార్డు, బొబ్బిలి బ్రహ్మన్న.

Remove ads

టి. వి. రంగం

కేవలం వెండితెరమీదే కాక బుల్లితెర మీద కూడా రాఘవేంద్రరావు తన ముద్ర వేశాడు. ఈటీవీలో ప్రసారమైన శాంతి నివాసం అనే ధారావాహికకు రచయిత, దర్శకత్వ పర్యవేక్షకుడిగా వ్యవహరించాడు. ఈటీవీలో సౌందర్యలహరి అనే పేరుతో ఆయన సినీ జీవిత విశేషాలతో ఒక కార్యక్రమం ప్రసారమైంది.^[4]