2018 ఆసియా కప్
From Wikipedia, the free encyclopedia
2018 ఆసియా కప్ (స్పాన్సర్షిప్ వల్ల యునిమోని ఆసియా కప్ [1] కూడా అంటారు) [2] అనేది వన్డే అంతర్జాతీయ (వన్డే) క్రికెట్ టోర్నమెంటు. ఇది యునైటెడ్ అరబ్ ఎమిరేట్స్లో 2018 సెప్టెంబరులో జరిగింది. ఇది ఆసియా కప్ టోర్నమెంట్లలో 14వది. 1984, 1995 టోర్నమెంట్ల తర్వాత యునైటెడ్ అరబ్ ఎమిరేట్స్లో ఆడడం ఇది మూడవసారి. డిఫెండింగ్ ఛాంపియనైనభారతదేశం,[3] ఫైనల్లో బంగ్లాదేశ్ను మూడు వికెట్ల తేడాతో ఓడించి టైటిల్ను నిలబెట్టుకుంది. [4]
2018 ఆసియా కప్ | |
---|---|
తేదీలు | సెప్టెంబరు 16 – సెప్టెంబరు 28 |
నిర్వాహకులు | ఆసియన్ క్రికెట్ కౌన్సిల్ |
క్రికెట్ రకం | వన్ డే ఇంటర్నేషనల్ |
టోర్నమెంటు ఫార్మాట్లు | రౌండ్ రాబిన్, నాకౌట్ |
ఆతిథ్యం ఇచ్చేవారు | యునైటెడ్ అరబ్ ఎమిరేట్స్ |
ఛాంపియన్లు | భారతదేశం (7th title) |
పాల్గొన్నవారు | 6 |
ఆడిన మ్యాచ్లు | 13 |
మ్యాన్ ఆఫ్ ది సీరీస్ | శిఖర్ ధావన్ |
అత్యధిక పరుగులు | శిఖర్ ధావన్ (342) |
అత్యధిక వికెట్లు | రషీద్ ఖాన్ (10) ముస్తాఫిజుర్ రహమాన్ (10) కుల్దీప్ యాదవ్ (10) |
← 2016 2022 → |
ఆసియా క్రికెట్ కౌన్సిల్లోని ఐదు పూర్తి సభ్యులు ఆఫ్ఘనిస్తాన్, బంగ్లాదేశ్, ఇండియా, పాకిస్థాన్, శ్రీలంక టోర్నమెంటులో పాల్గొన్నాయి. 2018 ఆసియా కప్ క్వాలిఫైయర్ టోర్నమెంటును గెలుచుకున్న హాంకాంగ్ వారితో చేరింది. [5] 2018 మార్చిలో క్రికెట్ ప్రపంచ కప్ క్వాలిఫైయర్లో పదో స్థానంలో నిలిచిన తర్వాత హాంకాంగ్ తమ వన్డే హోదాను కోల్పోయింది. [6] [7] అయితే, 2018 సెప్టెంబరు 9న, అంతర్జాతీయ క్రికెట్ కౌన్సిల్ (ఐసిసి), ఈ టోర్నమెంటులోని అన్ని మ్యాచ్లకు వన్డే హోదాను ఇచ్చింది. [8]