![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d3/Virender_Sehwag_2.jpg/640px-Virender_Sehwag_2.jpg&w=640&q=50)
వీరేంద్ర సెహ్వాగ్ అంతర్జాతీయ క్రికెట్ సెంచరీల జాబితా
From Wikipedia, the free encyclopedia
వీరేంద్ర సెహ్వాగ్ భారతీయ క్రికెటరు. ఎగువ బ్యాటింగ్ ఆర్డర్లో అతని దూకుడు బ్యాటింగు బాగా విజయం సాధించింది. [1] అతను టెస్టు క్రికెట్లో 23, వన్డే ఇంటర్నేషనల్ (వన్డే) లలో 15 సెంచరీలు చేసాడు. కానీ ట్వంటీ 20 ఇంటర్నేషనల్లో సెంచరీ చేయలేదు. [1] [2]
![Virender Sehwag in 2008](http://upload.wikimedia.org/wikipedia/commons/thumb/d/d3/Virender_Sehwag_2.jpg/320px-Virender_Sehwag_2.jpg)
టెస్టుల్లో, బంగ్లాదేశ్, జింబాబ్వే మినహా అన్ని టెస్టు క్రికెట్ ఆడే దేశాలపై సెహ్వాగ్ సెంచరీలు సాధించాడు. భారతదేశం తరపున ప్రముఖ టెస్టు సెంచరీ మేకర్ల జాబితాలో ఐదవ స్థానంలో ఉన్నాడు. [3] 2001లో, అతను దక్షిణాఫ్రికాపై 105 పరుగులతో తొలి టెస్టు లోనే సెంచరీ చేసిన పదకొండవ భారతీయ ఆటగాడిగా నిలిచాడు. [4] అతని సెంచరీలు పద్నాలుగు క్రికెట్ మైదానాల్లో నమోదవగా, వాటిలో ఎనిమిది భారతదేశం వెలుపల ఉన్నాయి. అతను 200 పరుగులు లేదా అంతకంటే ఎక్కువ స్కోర్లు ఆరు చేసాడు, [5] అందులో రికార్డు స్థాయిలో మూడు పాకిస్థాన్పై వచ్చాయి. [Notes 1] [6] [7] అలాంటి ఒక ఇన్నింగ్స్లో, లాహోర్లో చేసిన 254 తో అతను రాహుల్ ద్రవిడ్తో కలిసి 410 పరుగుల భాగస్వామ్యాన్ని నెలకొల్పాడు. ఇది 3 పరుగుల తేడాలో టెస్ట్లలో అత్యధిక మొదటి వికెట్ భాగస్వామ్య రికార్డును అందుకోలేకపోయింది. దాన్ని పంకజ్ రాయ్, వినూ మన్కడ్ నెలకొల్పారు. [8] ఆ ఇన్నింగ్సులో సెహవాగ్, 247 బంతులు మాత్రమే ఆడాడు. బంతికొక పరుగు చొప్పున చేసిన స్కోరుల్లో అతడిదే అత్యధికం.[9] సెహ్వాగ్ ట్రిపుల్ సెంచరీ సాధించిన మొదటి భారతీయుడు. అది రెండుసార్లు చేశాడు-2004లో ముల్తాన్లో పాకిస్తాన్పై 309, 2008 లో చెన్నైలో దక్షిణాఫ్రికాపై 319. [10] రెండోది టెస్టు క్రికెట్లో అత్యంత వేగవంతమైన ట్రిపుల్ సెంచరీ. కేవలం 278 బంతుల్లో 300 పరుగులు, 100 కంటే ఎక్కువ స్ట్రైక్ రేట్తో చేసిన అత్యధిక స్కోరు అది.[11] ICC ర్యాంకింగ్స్లో ఆల్ టైమ్ టాప్ 10 టెస్టు ఇన్నింగ్స్లలో ఒకటిగా కూడా గుర్తింపు పొందింది. గాలెలో అతని 201*తో పాటు ప్రత్యేక ప్రస్తావనను పొందింది, దీనిలో అతను ఇన్నింగ్సంతా ఆడాడు. 2008 లో అతను విజ్డెన్ లీడింగ్ క్రికెటర్గా పేరుపొందాడు. [12] సర్ డొనాల్డ్ బ్రాడ్మాన్, బ్రియాన్ లారా, క్రిస్ గేల్లతో పాటు రెండు ట్రిపుల్ సెంచరీలు సాధించిన నలుగురు బ్యాట్స్మెన్లలో అతను ఒకడు. [1] తన శతకాల్లో 12, 150 లేదా అంతకంటే ఎక్కువ స్కోర్లుగా మార్చాడు. [13] తొంభైలలో అతను ఐదుసార్లు ఔటయ్యాడు. [14]
వన్డేల్లో సెహ్వాగ్ ఆరుగురు ప్రత్యర్థులపై సెంచరీలు సాధించాడు. 2001లో కొలంబోలోని సింహళీస్ స్పోర్ట్స్ క్లబ్లో న్యూజిలాండ్పై అతని తొలి సెంచరీ సాధించాడు. శ్రీలంకతో ఐదు సెంచరీలు నమోదు చేసి రికార్డు సృష్టించాడు. [15] 2009లో హామిల్టన్లో 60 బంతుల్లో చేసినది, భారతీయుడు చేసిన అత్యంత వేగవంతమైన సెంచరీ. [16] [17] ఈ సెంచరీలలో ఐదు, భారత్లో చెయ్యగా, ఎనిమిది బయటి వేదికలలో చేసాడు. అతని అత్యధిక స్కోరు 219, ఇండోర్లోని హోల్కర్ క్రికెట్ స్టేడియంలో వెస్టిండీస్పై చేసాడు. భారతదేశం తరపున రెండవ అత్యధిక వన్డే స్కోరు అది. [18]