![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ed/Sunny_Gavaskar_Sahara.jpg/640px-Sunny_Gavaskar_Sahara.jpg&w=640&q=50)
టెస్ట్ క్రికెట్లో 10,000 పరుగులు చేసిన ఆటగాళ్ల జాబితా
From Wikipedia, the free encyclopedia
క్రికెట్లోని ఏ ఫార్మాట్లోనైనా 10,000 కంటే ఎక్కువ పరుగులు చేయడాన్ని ఒక ముఖ్యమైన విజయంగా పరిగణిస్తారు.[1] అత్యధిక స్కోర్లను సాధించే ప్రయత్నంలో, వెస్ట్ ఇండియన్ గార్ఫీల్డ్ సోబర్స్ 1974లో మొత్తం 8,032 పరుగులతో టెస్ట్ క్రికెట్లో అత్యధిక పరుగులు చేసి రిటైరయ్యాడు [2] 1982లో భారత్తో జరిగిన సిరీస్లో ఇంగ్లండ్కు చెందిన జెఫ్రీ బాయ్కాట్ దాన్ని బద్దలుకొట్టే వరకు ఈ రికార్డు తొమ్మిదేళ్లపాటు కొనసాగింది. [3] [4] రెండు సంవత్సరాల తర్వాత 1983లో భారత బ్యాట్స్మన్ సునీల్ గవాస్కర్ ఆ స్కోరును అధిగమించాడు.[5] [6] 1987 మార్చిలో, పాకిస్థాన్తో జరిగిన మ్యాచ్లో గవాస్కర్ టెస్టుల్లో 10,000 పరుగుల మార్కును దాటిన మొదటి ఆటగాడిగా నిలిచాడు. [7] 2022 డిసెంబరు నాటికి, అంతర్జాతీయ క్రికెట్ కౌన్సిల్ (ICC)లో పూర్తి సభ్యదేశాలుగా ఉన్న ఏడు జట్లకు చెందిన పద్నాలుగు మంది ఆటగాళ్ళు-టెస్టులలో 10,000 పరుగులు సాధించారు. వీరిలో ముగ్గురేసి ఆస్ట్రేలియాకు, భారత్కూ చెందినవారు కాగా, ఇద్దరేసి ఇంగ్లండ్, శ్రీలంక, వెస్టిండీస్లకు చెందినవారు. పాకిస్తాన్, దక్షిణాఫ్రికాల నుండి ఒక్కో ఆటగాడు ఈ ఘనత సాధించారు. [7] బంగ్లాదేశ్, న్యూజిలాండ్, ఆఫ్ఘనిస్తాన్, ఐర్లాండ్, జింబాబ్వేల నుంచి ఇప్పటి వరకు ఎవరూ టెస్టుల్లో 10,000 పరుగుల గీతను చేరలేదు.
![Sunil Gavaskar](http://upload.wikimedia.org/wikipedia/commons/thumb/e/ed/Sunny_Gavaskar_Sahara.jpg/320px-Sunny_Gavaskar_Sahara.jpg)
ఇన్నింగ్స్ విషయానికొస్తే, వెస్టిండీస్కు చెందిన బ్రియాన్ లారా, సచిన్ టెండూల్కర్, కుమార సంగక్కర అత్యంత వేగంగా (195) 10,000 పరుగుల మార్క్ను చేరుకోగా, ఆస్ట్రేలియాకు చెందిన స్టీవ్ వా ఈ ఫీట్ను (244) సాధించడంలో నిదానంగా నిలిచాడు. [7] టెండూల్కర్కు అనేక రికార్డులున్నాయి-అత్యధిక మ్యాచ్లు (200 మ్యాచ్లు), అత్యధిక పరుగులు (15,921) అత్యధిక సెంచరీలు (51), అర్ధ సెంచరీలు (68) మొదలైనవి [5] ఇంగ్లండ్కు చెందిన జో రూట్ 9 సంవత్సరాల 174 రోజుల వ్యవధిలో అత్యంత వేగంగా ఈ గీత చేరగా, వెస్టిండీస్ ఆటగాడు శివనారాయణ్ చంద్రపాల్కు 18 సంవత్సరాల 37 రోజులు పట్టింది. జో రూట్, అలిస్టర్ కుక్ 10,000 పరుగులు చేసిన అతి పిన్న వయస్కులుగా రికార్డును పంచుకున్నారు, ఇద్దరూ 31 సంవత్సరాల 157 రోజుల వయస్సులో ఈ మైలురాయిని చేరుకున్నారు. [8]