மார்வெல் திரைப் பிரபஞ்சம்: இரண்டாம் கட்டம்
From Wikipedia, the free encyclopedia
மார்வெல் திரைப் பிரபஞ்சம்: இரண்டாம் கட்டம் என்பது மார்வெல் வரைகதை வெளியீடுகளில் தோன்றும் கதாபாத்திரங்களை அடிப்படையாக கொண்டு மார்வெல் இசுடியோசு நிறுவனம் தயாரித்த அமெரிக்க நாட்டு மீநாயகன் திரைப்படங்களின் வரிசையாகும்.
இரண்டாம் கட்டம் | |
---|---|
தயாரிப்பு | கேவின் பிகே |
நடிப்பு | கீழே பார் |
கலையகம் | மார்வெல் இசுடியோசு |
விநியோகம் | வால்ட் டிஸ்னி ஸ்டுடியோஸ் மோஷன் பிக்சர்ஸ் |
வெளியீடு | 2013–2015 |
நாடு | அமெரிக்கா |
மொழி | ஆங்கிலம் |
ஆக்கச்செலவு | மொத்தம் (6 படங்கள்): $1.179 பில்லியன் |
மொத்த வருவாய் | மொத்தம் (6 படங்கள்): $5.269 பில்லியன் |
இந்த கட்டம் 2013 இல் அயன் மேன் 3[1] வெளியீட்டில் தொடங்கி 2015 இல் ஆன்ட்-மேன் வெளியீட்டில் முடிந்தது. இது 2015 இல் வெளியான அவெஞ்சர்ஸ்: ஏஜ் ஆஃப் அல்ட்ரான் என்ற குறுக்குவழி திரைப்படத்தையும் உள்ளடக்கியது. கேவின் பிகே என்பவர் ஒவ்வொரு படத்தையும் தயாரித்துள்ளார். இந்த இரண்டாம் கட்டத்தில் ஆறு படங்கள் வெளியாகி, பொதுவாக விமர்சகர்களிடமிருந்து நேர்மறையான விமர்சனங்களைப் பெற்று, உலகளாவில் $5.2 பில்லியனுக்கும் அதிகமான வசூலைப் பெற்று வெற்றி பெற்றது.
இந்த கட்டத்தில் நடிகர் கிறிஸ் எவன்ஸ் என்பவர் மிக அதிகமாக தோன்றினார், இந்த இரண்டாம் கட்டத்தில் ஆறு படங்களில் நான்கு படங்களில் நடித்தார் அல்லது கௌரவத் தோற்றத்தில் தோன்றினார். மார்வெல் இசுடியோசு அவர்களின் மார்வெல் 'ஒன்-சாட்சு' திட்டத்திற்காக மார்வெல் திரைப் பிரபஞ்சத்தை விரிவுபடுத்துவதற்காக மேலும் இரண்டு குறும்படங்களை உருவாக்கியது, அதே நேரத்தில் ஒவ்வொரு திரைப்படமும் டை-இன் வரைகதை புத்தகங்களைப் பெற்றன. அத்துடன் அயர்ன் மேன் 3, தோர்: த டார்க் வேர்ல்டு மற்றும் கேப்டன் அமெரிக்கா: த வின்றர் சோல்யர் ஆகியவை நிகழ்பட ஆட்டங்களை பெற்றன, அதே நேரத்தில் 'லோகோ மார்வெல்ஸ் அவெஞ்சர்ஸ்' படமும் பல படங்களின் கதைக்களத்தைத் தழுவி வெளியிடப்பட்டது. இந்த மார்வெல் திரைப் பிரபஞ்சம்: இரண்டாம் கட்டம், மூன்றாம் கட்டம் மற்றும் முதலாம் கட்டம் ஆகியவை தி இன்பினிட்டி சாகாவாக உருவாக்கப்பட்டது.