From Wikipedia, the free encyclopedia
கிறிஸ்டோபர் ராபர்ட் எவன்ஸ் (ஆங்கில மொழி: Christopher Robert Evans) (பிறப்பு: ஜூன் 13, 1981)[1] என்பவர் அமெரிக்க நாட்டு நடிகர் ஆவார். இவர் மார்வெல் திரைப் பிரபஞ்சத் திரைப்படங்களில் கேப்டன் அமெரிக்கா என்ற கதாபாத்திரத்தில் நடித்ததன் மூலம் மிகவும் அறியப்படும் நடிகர் ஆனார்.
| கிறிஸ் எவன்ஸ் | |
|---|---|
.jpg) | |
| பிறப்பு | கிறிஸ்டோபர் ராபர்ட் எவன்ஸ் சூன் 13, 1981 பாஸ்டன், மாசச்சூசெட்ஸ், ஐக்கிய அமெரிக்கா |
| பணி | நடிகர் |
| செயற்பாட்டுக் காலம் | 2000–இன்று வரை |
| உறவினர்கள் | ஸ்காட் எவன்ஸ் (சகோதரன்) மைக் கேப்னொ (மாமா) |
இவர் 2000 ஆம் ஆண்டில் 'ஆப்போசிட் செக்ஸ்' என்ற தொலைக்காட்சித் தொடரின் மூலம் தனது நடிப்பு வாழ்க்கையைத் தொடங்கினார். 2001 இல் 'இன் நாட் அனதர்' உள்பட பல விடலைப்பருவ திரைப்படங்களில் தோன்றியதைத் தொடர்ந்து, 2005 ஆம் ஆண்டில் ஃபெண்டாஸ்டிக் ஃபோர் மற்றும் 2007 இல் ஃபெண்டாஸ்டிக் ஃபோர் 2 போன்ற படங்களில் 'கியூமன் டோர்சு' என்ற மார்வெல் வரைகதை கதாபாத்திரத்தில் நடித்தார்.
2011 ஆம் ஆண்டு முதல் மார்வெல் திரைப் பிரபஞ்சத் திரைப்படங்களான கேப்டன் அமெரிக்கா: முதல் அவெஞ்சர், தி அவேஞ்சர்ஸ் (2012), கேப்டன் அமெரிக்கா: த வின்றர் சோல்யர் (2014), அவெஞ்சர்ஸ்: ஏஜ் ஆஃப் அல்ட்ரான் (2015), கேப்டன் அமெரிக்கா: சிவில் வார் (2016), அவெஞ்சர்ஸ்: இன்பினிட்டி வார் (2018), அவெஞ்சர்ஸ்: எண்ட்கேம் (2019) போன்ற படங்களில் கேப்டன் அமெரிக்கா என்ற கதாபாத்திரத்தில் நடித்துள்ளார்.
கிறிஸ்டோபர் ராபர்ட் எவன்ஸ் ஜூன் 13, 1981 ஆம் ஆண்டில் பாஸ்டன் நகரில் பிறந்து[2] ஸட்பெரீ நகரில் வளர்ந்தார்[3]. இவரது தாயார் லிசா மேரி, கான்கார்ட் யூத் தியேட்டரில் ஒரு கலை இயக்குனர்[4][5] மற்றும் இவரது தந்தை ஜி ராபர்ட் பாப் எவன்ஸ் ஒரு பல் மருத்துவர்[6] ஆவார்கள். இவரது பெற்றோர்கள் 1999 ஆம் ஆண்டில் விவாகரத்து பெற்று பிரிந்துவிட்டார்கள்.
இவருக்கு இரண்டு சகோதரிகள் மற்றும் ஒரு சகோதரன் உண்டு. இவரது தாயார் அரை இத்தாலியர் மற்றும் அரை ஐரிஷ் வம்சாவளியை சேர்ந்தவர். இவர் சட்பெரீ ரீஜனல் உயர்நிலை பள்ளியில் பட்டம் பெற்றார். இவர் புத்த மதத்தைப் பின்பற்றுபர் என்பது குறிப்பிடத்தக்கது.[7]
இவர் 2000 ஆம் ஆண்டு தி நியூ கம்மர்ஸ் என்ற திரைப்படத்தின் மூலம் துணை நடிகராக சினிமாதுறைக்கு அறிமுகமானார். ’நாட் அனதர் டீன் மூவி’ என்ற திரைப்படத்தில் இவர் கதாநாயகனாக நடித்தார். அதை தொடர்ந்து தி பெர்ஃபெக்ட் ஸ்கோர், செல்லுலார், மற்றும் ஃபியர்ஸ் பீப்பிள் போன்ற பல வெற்றி திரைப்படங்களில் நடித்தார். இவர் தனது இளம் வயதில் பல் தொலைக்காட்சி தொடர்களிலும் தோன்றியுள்ளார்.
2005 ஆம் ஆண்டு இவரது முதல் வரைகதை புத்தகத்தை மையமாக வைத்து எடுக்கப்பட்ட திரைப்படமான ஃபெண்டாஸ்டிக் ஃபோர் படத்தில் நடித்துளளார். இந்த திரைபபடமானது மார்வெல் வரைகதையில் இதே பெயரில் தோன்றிய வரை கதை குழுவில் ஒரு அங்கத்துவரான 'கியூமன் டோர்சு' என்ற கதாபாத்திரத்தில் நடித்தார். இந்த திரைப்படத்தின் தொடர்சியாக ஃபெண்டாஸ்டிக் ஃபோர் 2 2007 இல் வெளியானது.
அதை தொடர்ந்து 2011 ஆம் ஆண்டு முதல் மார்வெல் திரைப் பிரபஞ்சத் திரைப்படங்களான கேப்டன் அமெரிக்கா: முதல் அவெஞ்சர், தி அவேஞ்சர்ஸ் (2012), கேப்டன் அமெரிக்கா: த வின்றர் சோல்யர் (2014), அவெஞ்சர்ஸ்: ஏஜ் ஆஃப் அல்ட்ரான் (2015), கேப்டன் அமெரிக்கா: சிவில் வார் (2016), அவெஞ்சர்ஸ்: இன்பினிட்டி வார் (2018), அவெஞ்சர்ஸ்: எண்ட்கேம் (2019) போன்ற படங்களில் கேப்டன் அமெரிக்கா என்ற கதாபாத்திரத்தில் நடித்துள்ளார்.
இவர் நடித்த திரைப்படங்கள் சில:
இவர் கேப்டன் அமெரிக்கா நடித்ததுக்கு பல பிரிவுகளில் விருதுகளுக்கு பரிந்துரை செய்யப்பட்டார். ஃபெண்டாஸ்டிக் ஃபோர் மற்றும் தி அவேஞ்சர்ஸ் திரைப்படங்களில் நடித்தற்காக விருதுகளை வென்றார்.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
