From Wikipedia, the free encyclopedia
வாட் இப்...? (ஆங்கில மொழி: What If...?) என்பது 2021 ஆம் ஆண்டு வெளியான அமெரிக்க நாட்டு இயங்குபட மீநாயகன் தொலைக்காட்சி தொடர் ஆகும். இந்த தொடரை இதே பெயரான மார்வெல் காமிக்ஸ் தொடரை அடிப்படையாக கொண்டு டிஸ்னி+ ஓடிடி தளத்திற்காக 'ஏ.சி. பிராட்லி' என்பவர் உருவாக்கியுள்ளார்.
வாட் இப்...? | |
---|---|
![]() | |
வகை |
|
உருவாக்கம் | ஏ.சி. பிராட்லி |
மூலம் | அடிப்படையில்: (வாட் இப்...?) மார்வெல் காமிக்ஸ் |
இயக்கம் | பிரையன் ஆண்ட்ரூஸ் |
நடிப்பு | ஜெப்ரி ரைட் |
பின்னணி இசை | லாரா கார்ப்மேன் |
நாடு | ஐக்கிய அமெரிக்கா |
மொழி | ஆங்கிலம் |
அத்தியாயங்கள் | 9 |
தயாரிப்பு | |
நிருவாக தயாரிப்பு |
|
அசைவூட்டம் | ஸ்டீபன் ஃபிராங்க் |
தயாரிப்பு நிறுவனங்கள் | மார்வெல் ஸ்டுடியோ ஸ்குயீஸ் |
விநியோகம் | டிஸ்னி இயங்குதள விநியோகம் |
ஒளிபரப்பு | |
அலைவரிசை | டிஸ்னி+ |
ஒளிபரப்பான காலம் | ஆகத்து 11, 2021 – ஒளிபரப்பில் |
Chronology | |
தொடர்புடைய தொடர்கள் | மார்வெல் சினிமா யுனிவர்ஸ் தொலைக்காட்சி தொடர்கள் |
வெளியிணைப்புகள் | |
தயாரிப்பு இணையதளம் |
இந்த தொடர் மார்வெல் திரைப் பிரபஞ்ச படங்களின் முக்கிய தருணங்கள் வித்தியாசமாக நிகழ்ந்தால் என்ன நடக்கும் என்பதை இது ஆராய்கிறது.[1] இந்த தொடரை மார்வெல் ஸ்டுடியோஸ்நிறுவனம் தயாரிக்கிறது. இந்த நிறுவனம் அவர்களின் சொந்த தயாரிப்பு நிறுவனமாக மாறிய பின்னர் அவர்கள் தயாரிக்கும் முதல் இயங்குபடம் தொடராகும். 'ஏ.சி. பிராட்லி' என்பவர் இந்த தொடரின் தலைமை எழுத்தாளராக பணியாற்றுகிறார் மற்றும் 'பிரையன் ஆண்ட்ரூஸ்' என்பவர் இயக்குகிறார்.
இந்த தொடரை விவரிக்கும் நபராக ஜெப்ரி ரைட் என்பவர் நடிக்கிறார்.[2] செப்டம்பர் 2018 ஆம் ஆண்டில் மார்வெல் ஸ்டுடியோஸ் நிறுவனம் டிஸ்னி+ க்காக பல வரையறுக்கப்பட்ட ஓடிடி தளத் தொடர்களை உருவாக்கி வருகிறது. மேலும் வாட் இப்...? என்ற வரைகதை தொடரை இயக்கப்போவதாக முதன் முதலில் மார்ச் 2019 இல் தெரிவிக்கப்பட்டது. இந்தத் தொடர் பற்றிய தகவல்கள் ஒரு மாதத்திற்குப் பிறகு அதிகாரப்பூர்வமாக அறிவிக்கப்பட்டது, இந்தத் தொடரில் பல கதாபாத்திரங்களுக்கு படங்களில் சித்தரிக்கும் நடிகர்களால் குரல் கொடுக்கப்பட உள்ளன.
வாட் இப்...? இன் முதல் பருவம் 11 ஆகத்து 2021 ஆம் ஆண்டு வரை ஒளிபரப்பானது, மேலும் இது 9 அத்தியாயங்களைக் கொண்டிருந்தது. இது மார்வெல் திரைப் பிரபஞ்சத்தின் நான்காம் கட்டத்தின் ஒரு பகுதியாக உருவாக்கப்பட்டது. இந்த தொடரின் இரண்டாவது பருவம் மார்வெல் திரைப் பிரபஞ்சத்தின் ஐந்தாம் கட்டத்தின் ஒரு பகுதியாக டிசம்பர் 22, 2023 அன்று திரையிட திட்டமிடப்பட்டுள்ளது, அதன் ஒன்பது அத்தியாயங்கள் ஒவ்வொன்றும் டிசம்பர் 30 வரை தினமும் வெளியிடப்படுகிறது.
இந்தத் தொடர் பொதுவாக நேர்மறையான விமர்சனங்களைப் பெற்றது, குரல் நடிப்பு, இயங்குபடம், கதைக்களம் மற்றும் காட்சிகள் ஆகியவற்றிற்காகப் பாராட்டப்பட்டது, இருப்பினும் அத்தியாயங்களின் நீளம் மற்றும் எழுத்து சில எதிர்மறையான விமர்சனங்களைப் பெற்றது. இந்த மூன்றாவது பருவம், மார்வெல் ஜோம்பிஸ் என்ற தலைப்பிலான வழித்தொடரும் உருவாக்கத்தில் உள்ளன.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.