![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/39/MenandrosCoin.jpg/640px-MenandrosCoin.jpg&w=640&q=50)
மெனாண்டர்
From Wikipedia, the free encyclopedia
முதலாம் மெனாண்டர் சோத்தர் அல்லது மிலிந்தர் (Menander I Soter) (பண்டைக் கிரேக்கம்: Μένανδρος Α΄ ὁ Σωτήρ, (Ménandros A' ho Sōtḗr), இந்திய பாளி மொழியில் மிலிந்தர் என அழைக்கப்படுவர். இந்தோ கிரேக்க மன்னரான முதலாம் மெனாண்டர் தெற்காசியாவின் வடமேற்கில் ஒரு பேரரசை நிறுவியதுடன், பௌத்த சமயத்திற்கு ஆதரவளித்தவர்.(165/[3]/155[3] –130 BC)
முதலாம் மெனாண்டர் | |
---|---|
இந்தோ கிரேக்க மன்னர் | |
![]() மெனாண்டரின் வெள்ளி நாணயம் | |
ஆட்சி | கி மு 165/155–130 |
முன்னிருந்தவர் | ஆண்டிமசூஸ் II |
பின்வந்தவர் | முதலாம் ஸ்டாட்ரோ |
அரசி | அகதோக்லியா |
வாரிசு(கள்) | ஸ்டாட்ரோ |
மரபு | கிரேக்க பாக்திரியா அரச குலம் |
பிறப்பு | கலாசி, பக்ரம், தற்கால ஆப்கானித்தான்[1][2] |
இறப்பு | கி மு 130 |
அடக்கம் | இந்தோ கிரேக்க நாடு |
சமயம் | பௌத்தம் |
![Thumb image](http://upload.wikimedia.org/wikipedia/commons/thumb/7/76/MenanderCoin.jpg/320px-MenanderCoin.jpg)
![Thumb image](http://upload.wikimedia.org/wikipedia/commons/thumb/4/4d/King_Milinda_ask_questions.jpg/640px-King_Milinda_ask_questions.jpg)
![Thumb image](http://upload.wikimedia.org/wikipedia/commons/thumb/a/a0/MenanderChakra.jpg/640px-MenanderChakra.jpg)
![Thumb image](http://upload.wikimedia.org/wikipedia/commons/thumb/9/98/Coin_of_Menander_Dikaiou.jpg/320px-Coin_of_Menander_Dikaiou.jpg)
![Thumb image](http://upload.wikimedia.org/wikipedia/commons/thumb/b/b8/Gandhara_Buddha_%28tnm%29.jpeg/640px-Gandhara_Buddha_%28tnm%29.jpeg)
மெனாண்டர் துவக்கத்தில் கிரேக்க பாக்திரியப் பேரரசுப் பகுதிகளின் மன்னராக இருந்தவர். பின்னர் பஞ்சாப் பகுதியை[2] கைப்பற்றிய பிறகு தெற்காசியாவில் தனது பேரரசை, மேற்கில் காபூல் சமவெளி முதல் கிழக்கில் இராவி ஆறு வரையும், வடக்கில் சுவாத் பள்ளத்தாக்கு முதல் ஹெல்மண்டு மாகாணம் வரையிலும், தெற்கே இராஜஸ்தான் மற்றும் கிழக்கே கங்கைச் சமவெளியின் பாடலிபுத்திரம் வரையிலும் விரிவுபடுத்தினார். கிரேக்க-உரோமன் வரலாற்றாசிரியர் இசுட்ராபோவின் கூற்றுப் படி, அலெக்சாண்டரை விட கூடுதல் இனக் குழுவினர்களை வென்றவர் என்ற பெருமை முதலாம் மெனாண்டரைச் சாரும் எனக் குறிப்பிடுகிறார். மெனாண்டர் வெளியிட்ட நாணயங்களிலிருந்து, அவரது ஆட்சியில் செழிப்பாக இருந்த வணிகத்தை எடுத்துரைக்கிறது.