மதுரை மாவட்டம்

இந்தக் கட்டுரை மாவட்டம் பற்றியது. அதன் தலைநகரம் குறித்து பார்க்க, மதுரை என்பதைப் பாருங்கள்.

மதுரை மாவட்டம் (Madurai district) என்பது இந்திய மாநிலமான தமிழ்நாட்டின் 38 மாவட்டங்களில் ஒன்றாகும். இதன் நிர்வாகத் தலைமையிடம் மதுரை ஆகும். தற்போதைய திண்டுக்கல், தேனி, சிவகங்கை, இராமநாதபுரம் மற்றும் விருதுநகர் மாவட்டத்தின் சில பகுதிகளையும் இருந்தது அதனால் இந்த மாவட்டங்கள் முன்பு மதுரை மாவட்டத்தில் ஒரு பகுதியாக இருந்தன.

மதுரை
மாவட்டம்
மீனாட்சியம்மன் கோவில்
மதுரை மாவட்டம்:அமைந்துள்ள இடம்
நாடு	இந்தியா
மாநிலம்	தமிழ்நாடு
தலைநகரம்	மதுரை
பகுதி	தென் மாவட்டம்
ஆட்சியர்	மா. சௌ. சங்கீதா, இ.ஆ.ப.
காவல்துறைக் கண்காணிப்பாளர்	-
மாநகராட்சி	1
நகராட்சிகள்	3
வருவாய் கோட்டங்கள்	4
வட்டங்கள்	11
பேரூராட்சிகள்	9
ஊராட்சி ஒன்றியங்கள்	13
ஊராட்சிகள்	420
வருவாய் கிராமங்கள்	655
சட்டமன்றத் தொகுதிகள்	10
மக்களவைத் தொகுதிகள்	1
பரப்பளவு	3,710 ச.கி.மீ
மக்கள் தொகை	30,38,252 (2011)
அலுவல் மொழி(கள்)	தமிழ்
நேர வலயம்	இசீநே (ஒசநே+5:30)
அஞ்சல் குறியீடு	625 xxx
தொலைபேசிக் குறியீடு	0452
வாகனப் பதிவு	TN-58, TN-59, TN-64
பாலின விகிதம்	ஆண் 50.5% ♂/ பெண் 49.5% ♀
கல்வியறிவு	81.5%
இணையதளம்	madurai

வரலாறு

ஆங்கிலேயர் ஆட்சிக்காலத்தில் மதராசு மாகாணத்தில் இருந்த சில மாவட்டங்களில் மதுரை மாவட்டமும் ஒன்று. இது தற்போது மதுரையை சுற்றியுள்ள திண்டுக்கல், தேனி, சிவகங்கை, இராமநாதபுரம் மற்றும் விருதுநகர் மாவட்டத்தின் சில பகுதிகளையும் இருந்தது அதனால் இந்த மதுரை மாவட்டங்களை உள்ளடக்கியதாக இருந்தது. இந்திய விடுதலைக்குப் பிறகு நிர்வாக வசதிக்காக இது பல்வேறு மாவட்டங்களாகப் பிரிக்கப்பட்டது. திண்டுக்கல் மாவட்டம் 1985 ஆம் ஆண்டு செப்டம்பர் மாதம் மதுரையில் இருந்து பிரிக்கப்பட்டு தனி மாவட்டமாக உருவாக்கப்பட்டது.

மாவட்ட வருவாய் நிர்வாகம்

மதுரை மாவட்டம் 4 வருவாய் கோட்டங்களாகவும், 11 வருவாய் வட்டங்களாகவும், 51 உள்வட்டங்களாகவும், 665 வருவாய் கிராமங்களாகவும் பிரித்து நிர்வகிக்கப்படுகிறது.^[1]

வருவாய்க் கோட்டங்கள்

மதுரை மாவட்டம் 4 வருவாய்க் கோட்டங்களாகப் பிரிக்கப்பட்டுள்ளது. அவையாவன;

1. மதுரை
2. மேலூர்
3. திருமங்கலம்
4. உசிலம்பட்டி

வருவாய் வட்டங்கள்

மதுரை மாவட்ட ஆட்சியாளர் அலுவலக முகப்பு

இம்மாவட்டம் 11 வட்டங்களாகப் பிரிக்கப்பட்டுள்ளது. அவையாவன:

1. மதுரை வடக்கு
2. மதுரை தெற்கு
3. மதுரை கிழக்கு
4. மதுரை மேற்கு
5. திருப்பரங்குன்றம்
6. திருமங்கலம்
7. பேரையூர்
8. உசிலம்பட்டி
9. வாடிப்பட்டி
10. மேலூர்
11. கள்ளிக்குடி

மக்கள்தொகை

இம்மாவட்டத்தில் 2011ஆம் ஆண்டு கணக்கெடுப்பின்படி மொத்த மக்கள் தொகை 30,41,038 பேர் ஆவர். இதில் 15,28,308 பேர் ஆண்களும் 15,12,730 பேர் பெண்களுமாக உள்ளனர்.

	மொத்தம்	ஆண்கள்	பெண்கள்
மக்கள் தொகை	30,41,038[2]	15,28,308	15,12,730
கல்வியறிவு	82	86.55	76.74
0-6 வயதுடைய குழந்தைகள்	2,87,101	1,48,050	1,39,051
மாவட்டத்தில் மக்கள் அடர்த்தி சதுர கிலோமீட்டருக்கு	823

2011 ஆம் ஆண்டின் மதவாரியான கணக்கெடுப்பின் படி இந்துக்கள் அதிக எண்ணிக்கையில் உள்ளனர். மொத்த மக்கள்தொகையில் இந்துக்கள் 27,60,502 (90.86%) ஆக இருக்கின்றனர். அதையடுத்து இஸ்லாமியர்கள் 1,68,881 (5.56%), கிறித்தவர்கள் 97,711 (3.22%), மதம் குறிப்பிடாதோர் 8,602 (0.28%), சமணர்கள் 1,532 (0.05%), சீக்கியர்கள் 520, புத்த மதத்தினர் 199, மற்றவர்கள் 305 என்ற எண்ணிக்கையில் இருக்கின்றனர்.^[3]

உள்ளாட்சி & ஊராட்சி அமைப்புகள்

இம்மாவட்டம் மதுரை மாநகராட்சி தவிர, 3 நகராட்சிகள், 9 பேரூராட்சிகள்^[4], 13 ஊராட்சி ஒன்றியங்கள், 420 கிராம ஊராட்சிகள் என உள்ளாட்சி மற்றும் ஊரக அமைப்புகள் உள்ளன.^[5]

மாநகராட்சி	நகராட்சி	பேரூராட்சி	ஊராட்சி ஒன்றியம்
மதுரை	திருமங்கலம் மேலூர் உசிலம்பட்டி	ஏ. வெள்ளாளப்பட்டி அலங்காநல்லூர் சோழவந்தான் டி. கல்லுப்பட்டி எழுமலை வாடிப்பட்டி பேரையூர் பாலமேடு பரவை	அலங்காநல்லூர் கள்ளிகுடி உசிலம்பட்டி கொட்டாம்பட்டி செல்லம்பட்டி சேடபட்டி திருப்பரங்குன்றம் திருமங்கலம் தே. கல்லுப்பட்டி மதுரை கிழக்கு மதுரை மேற்கு மேலூர் வாடிபட்டி

அரசியல்

மதுரை மாவட்டத்தில் ஒரு மக்களவைத் தொகுதியும்,

1. மதுரை மக்களவைத் தொகுதி

பத்து சட்டமன்றத் தொகுதிகளும் (கீழ்க்குறிப்பிட்டவாறு) உள்ளன:^[6]

1. மேலூர்
2. மதுரை கிழக்கு
3. சோழவந்தான்
4. மதுரை வடக்கு
5. மதுரை தெற்கு
6. மதுரை மத்தி
7. மதுரை மேற்கு
8. திருப்பரங்குன்றம்
9. திருமங்கலம்
10. உசிலம்பட்டி

வரைபடம்

கீழ்க்காணும் மதுரை மாவட்டம் வரைபடத்தில் சில முக்கிய ஊர்கள் குறிப்பிடப்பட்டுள்ளன.

மதுரை

திருமங்கலம்

உசிலம்பட்டி

மேலூர்

அழகர் கோவில்

சமயநல்லூர்

மதுரை மாவட்டம் (Madurai)

சுற்றுலா மற்றும் வழிபாட்டுத் தலங்கள்

மதுரை மற்றும் அதனைச் சுற்றி மாவட்டத்தின் பிறபகுதிகளில் உள்ள சுற்றுலா, வழிபாட்டுத் தலங்கள் மற்றும் ஈர்ப்புகள்:

வழிபாட்டுத் தலங்கள்

1. மீனாட்சியம்மன் கோயில்
2. ஆதிசொக்கநாதர் கோயில்
3. தென்திருவாலவாய் கோயில்
4. இம்மையிலும் நன்மை தருவார் கோயில்
5. செல்லத்தம்மன், கண்ணகி கோயில்
6. பேச்சி அம்மன் கோயில்
7. கூடல் அழகர் கோயில்
8. மதனகோபால சுவாமி கோயில்
9. திருப்பரங்குன்றம் முருகன் கோவில்
10. பரங்கிநாதர் கோயில்
11. அழகர் கோயில்
12. பழமுதிர்சோலை
13. வண்டியூர் மாரியம்மன் திருக்கோயில்
14. முக்தீஸ்வரர் கோயில்
15. திருவாப்புடையார் கோயில்
16. பாண்டி கோயில்
17. திருமோகூர் காளமேகப் பெருமாள் கோயில்
18. திருவாதவூர் திருமறைநாதர் கோயில்
19. நரசிங்கம் யோகநரசிங்கப் பெருமாள் கோயில்
20. சுந்தரமகாலிங்கம் மலைக்கோயில்
21. சிக்கந்தர் தர்கா
22. கோரிப்பாளையம் தர்கா

சுற்றுலாத் தலங்கள்

1. குட்லாடம்பட்டி நீர்வீழ்ச்சி
2. திருமலை நாயக்கர் அரண்மனை
3. ஆயிரங்கால் மண்டபம்
4. புதுமண்டபம்
5. மாரியம்மன் தெப்பக்குளம்
6. பத்து கல்தூண்கள்
7. அழகர் மலை
8. யானைமலை
9. சமணர் மலை
10. மாங்குளம் கல்வெட்டுகள்
11. உலகத் தமிழ்ச் சங்க வளாகம்
12. அரிட்டாபட்டி பல்லுயிர் சூழலியல் பாரம்பரியத் தளம்

அருங்காட்சியகங்கள்

1. காந்தி நினைவு அருங்காட்சியகம்
2. சங்கத் தமிழ் காட்சிக் கூடம்
3. அரசு அருங்காட்சியகம் (காந்தி நினைவு அருங்காட்சியகம்) வளாகம்

கல்வி மற்றும் ஆய்வு நிலையங்கள்

முதன்மைக் கட்டுரை: மதுரையில் உள்ள கல்வி நிலையங்கள்

1. மதுரை காமராசர் பல்கலைக்கழகம்
2. மதுரை மருத்துவக் கல்லூரி
3. மதுரை சட்டக் கல்லூரி
4. தியாகராசர் பொறியியல் கல்லூரி
5. மதுரைக் கல்லூரி
6. அமெரிக்கன் கல்லூரி
7. சௌராஷ்டிரா கல்லூரி
8. பாத்திமா கல்லூரி
9. லேடி டோக் கல்லூரி
10. தியாகராசர் கலைக்கல்லூரி, மதுரை
11. சௌராட்டிர மேல்நிலைப் பள்ளி, மதுரை
12. தமிழ்நாடு பல்தொழில்நுட்பக் கல்லூரி
13. தமிழ்நாடு இசையியல் கல்லூரி
14. உலகத் தமிழ்ச் சங்கம்
15. மதுரைத் தமிழ்ச் சங்கம்

போக்குவரத்து

வானூர்தி நிலையம்

மதுரை பன்னாட்டு வானூர்தி நிலையத்திலிருந்து துபாய், கொழும்பு வெளிநாட்டு நகரங்களுக்கும், மற்றும் சென்னை, பெங்களூரு, ஹைதராபாத், மும்பய் போன்ற இந்திய நகரங்களுக்கு நேரடி வானூர்திகள் உண்டு.

தொடருந்து

மதுரை சந்திப்பு தொடருந்து நிலையத்திலிருந்து இந்தியாவின் முக்கிய நகரங்களை தொடருந்துகள் இருப்புப்பாதை வழியாக மதுரையை இணைக்கிறது.^[7]

பேருந்து நிலையங்கள்

1. எம். ஜி. ஆர். ஒருங்கிணைந்த பேருந்து நிலையம் (மாட்டுத்தாவணி)
2. பெரியார் பேருந்து நிலையம்.
3. அண்ணா பேருந்து நிலையம். (மாவட்ட ஆட்சியர் அலுவலகம்)
4. ஆரப்பாளையம் பேருந்து நிலையம்.

சாலைகள்

தே நெடுஞ்சாலைகளும் மாநில நெடுஞ்சாலைகளும் நாட்டின் அனைத்து நகரங்கள் சாலைகள் வழியாக மதுரையை இணைக்கிறது.

மாவட்ட ஆட்சியர்கள்

வ.எண்	நாள் முதல்	நாள் வரை	பெயர்	குறிப்பு
00	1972		ஆர். ஏ. சீத்தாராமதாஸ்[8]
00	1985		இரா. வரதராஜூலு[9]
00			ஆதிசேஷையா
00			ஐயர்
00		2004 சூன் 2[10]	டாக்டர் பி. சந்திரமோகன்
00	2004 சூன் 2[10]		டி. இராசேந்திரன்
00			?
00		2009 மே 28[11]	பி. சீதாராமன்
00	2009 மே 27[12]	?	என். மதிவாணன்
00		2010 ஏப்ரல் 18 [13]	தினேசு பொன்ராசு ஆலிவர்	பொறுப்பு (மாவட்ட வருவாய் அலுவலர்)
00	2010 ஏப்ரல் 18 [13]	2011 மார்ச் 21	சி. காமராசு[14]
00	2011 மார்ச்சு 22[15]	2012 மே 23[16]	உ. சகாயம்
00	2012 மே 28[17]	2013 சூன் 28 [18]	அன்சுல் மிசுரா
00	2013 சூலை 7[19]	2016 சனவரி 21 [20]	இல. சுப்பிரமணியன்
00	2016 சனவரி 22 [20]	2018 ஆகஸ்ட் 23 [21]	கே. வீரராகவராவ்
00	2018 ஆகஸ்ட் 24 [22]	2019 ஏப்ரல் 28 [23]	எஸ்.நடராசன்
211	2019 ஏப்ரல் 28 [23]	2019 சூன் 5[23]	ச. நாகராஜன்
212	2019 சூன் 5	2019 சூலை 1	சாந்தகுமார் [24]	மாவட்ட வருவாய் அலுவலர் (பொறுப்பு)[23]
213	2019 சூலை 1	2019 அக்டோபர் 4	த. சு. ராஜசேகர் [25]
214	2019 அக்டோபர் 14	2020 அக்டோபர் 30	டி.ஜி.வினய்
215	2020 அக்டோபர் 30		த. அன்பழகன் [26]

இதையும் காண்க

• மதுரை மாவட்டம் (சென்னை மாகாணம்)