சணல்
From Wikipedia, the free encyclopedia
சணல் (Hemp), அல்லது தொழில்சார் சணல் (industrial hemp), என்பது சணவிசு சத்தைவா (Cannabis sativa)எனும் தாவரச் சிற்றினத்தின் வகையாகும். இது தொழில்சார் பயன்களுக்காக வளர்க்கப்படும் பயிராகும்.[1] இது மிக வேகமாக வளரும் பயிர்களில் ஒன்றாகும்.[2] மேலும் இது 10,000 ஆண்டுகளுக்கு முன்பாகவே நார் திரிக்கப் பயன்பட்ட பயிராக விளங்கியது.[3] இது பலவணிகப் பொருள்களைச் செய்யப் பயன்படுகிறது. தாள், துணி, உடை, உயிரியலாக சிதைவுறும் நெகிழி, நெய்வணம், உயிர் எரிபொருள், உணவு, கால்நடைத் தீவனம், காப்பீட்டுப் பொருள்கள் போன்ற பொருள்களைச் சணலைப் பதப்படுத்திப் பெறலாம்.[4][5]
,
சணவிசு மருந்துப் பயிரும் தொழில்சார் சணலும் சணவிசு சத்தைவா எனும் சிறப்பினத்தில் இருந்தே தோன்றினும் நானீரச் சணவுனோ (tetrahydrocannabino-THC) எனும் உளத்தூண்டல் பொருளைக் கொண்டிருப்பினும், இவை மரபியலாக தாவர-வேதி உட்கூறிலும் பயன்களிலும் பெரிதும் விலகிய பயிர்களாகும்.[6] சணலில் நானீரச் சணவினோ மிகக் குறைவாக உள்ளதால் இதன் உளத் தூண்டல் விளைவு மிகவும் அருகிவிடுகிறது.[6] தொழில்சார் சணலின் சட்டவியலான ஏற்பு நாட்டுக்கு நாடு வேறுபடுகிறது. சில நாடுகள் நானீரச் சணவினோ அளவு குறைவாய் உள்ள தொழில்சார் சணலை மட்டுமே ஏற்கின்றன.[7][8]