கிரிமியா தன்னாட்சிக் குடியரசு
From Wikipedia, the free encyclopedia
கிரிமியா (Crimea, உக்ரைனிய மொழி: Крим, கிரிமியத் துருக்கி: Qırım) என்பது கருங்கடலில் அமைந்துள்ள, உக்ரைனை சேர்ந்த மூவலந்தீவு ஆகும். இதன் தலைநகரமும் மிகப்பெரிய நகரமும் சிம்ஃபெரொபோல். கிரிமியா தன்னாட்சிக் குடியரசு என்கிற அரசியல் பிரிவாக உக்ரைன் இப்பகுதியை நிர்வாகிக்கிறது.[2][3][4]
கிரிமியா தன்னாட்சிக் குடியரசு Autonomous Republic of Crimea
| |
---|---|
குறிக்கோள்: Процветание в единстве "ஒற்றுமையில் செழிப்பு" | |
நாட்டுப்பண்: Нивы и горы твои волшебны, Родина தாய்நாடே, நிலமும் மலைகளும் உங்கள் மந்திரச்செயல்கள் | |
தலைநகரம் | சிம்பரோப்பொல் |
பெரிய நகர் | தலைநகர் |
ஆட்சி மொழி(கள்) | உக்குரேனிய மொழி |
பிராந்திய மொழிகள் | |
இனக் குழுகள் (2001) |
|
அரசாங்கம் | தன்னாட்சிக் குடியரசு |
• அரசுத்தலைவரின் பிரதிநிதி | செர்கி குனித்சின் |
• பிரதமர் | செர்கே அக்சியோனொவ்[1] |
சட்டமன்றம் | நாடாளுமன்றம் |
சுயாட்சி உருசியப் பேரரசு / சோவியத் ஒன்றியம் இலிருந்து | |
• அறிவிப்பு | அக்டோபர் 18, 1921 |
• முடிவு | சூன் 30, 1945 |
• மீள்விப்பு | பெப்ரவரி 12, 1992 |
• அரசியலமைப்பு | அக்டோபர் 21, 1998 |
பரப்பு | |
• மொத்தம் | 26,100 km2 (10,100 sq mi) (148வது) |
மக்கள் தொகை | |
• 2007 மதிப்பிடு | 1,973,185 (148வது) |
• 2001 கணக்கெடுப்பு | 2,033,700 |
• அடர்த்தி | 75.6/km2 (195.8/sq mi) (116வது) |
நாணயம் | ஹிருன்யா (UAH) |
நேர வலயம் | ஒ.அ.நே+2 (கிஐநே) |
ஒ.அ.நே+3 (கிஐநே) | |
அழைப்புக்குறி | +380d |
இணையக் குறி | crimea.uac |
| |
கிரிமியா பிராந்தியம் வரலாற்றில் அவ்வப்போது பலரால் ஆக்கிரமிக்கப்பட்டு ஆளப்பட்டது. ஆரம்பக் காலத்தில் சிமேரியன்கள், கிரேக்கர்கள், ஸ்கைத்தியர்கள், கோத்துகள், பல்காரிகள், கசாருகள், பைசாந்திய கிரேக்கர்கள், கிப்ச்சாக்குகள், உதுமானியத் துருக்கியர், மங்கோலியர் ஆகியோர் கிரிமியாவை ஆரம்பக் காலத்தில் ஆண்டார்கள். 13வது நூற்றாண்டில், இது வெனிசியர்களாலும், ஜெனோவியர்களும், பின்னர் 15 முதல் 18ம் நூற்றான்டு வரை கிரிமிய கனாத்துகளும், உதுமானியப் பேரரசும், பின்னர் 18 முதல் 20ம் நூற்றாண்டு வரை உருசியப் பேரரசாலும், இரண்டாம் உலகப் போரின் போது செருமனியாலும், 20ம் நூற்றாண்டில் பிற்பகுதியில் சோவியத் ஒன்றியத்தினுள் உருசியாவாலும், பின்னர் உக்ரைனாலும் ஆளப்பட்டது. இரண்டாம் உலகப் போரின் பொழுது இப்பகுதியில் கிரிமியப் போர்த்தொடர் நிகழ்ந்தது.
தற்போது இது உக்ரைன் நாட்டுக்குள் தன்னாட்சி அமைப்புடன் நாடாளுமன்றக் குடியரசாக,[2] உக்ரைனிய சட்டங்களுக்கமைய கிரிமிய அரசியலமைப்பு சட்டத்தால் ஆளப்படுகிறது. சிம்பெரோப்போல் இதன் தலைநகரமும், அரச நிருவாக மையமும் ஆகும். இது கிரிமியத் தீபகற்பத்தின் நடுவே அமைந்துள்ளது. கிரிமியாவின் பரப்பளவு 26,200 சதுரகிமீ. மக்கள்தொகை (2007 இல்) 1,973,185 ஆகும்.
கிரிமியத் தத்தார் மக்கள் மொத்த மக்கள்தொகையில் 12.1% (2001) ஆக உள்ளனர். இவர்களில் பெரும்பான்மையானோர் இசுலாமியர்கள் ஆவர்.[5] இவர்கள் நடுக்காலப் பகுதியின் இறுதியில் இங்கு குடியேறினர். ஜோசப் ஸ்டாலினின் ஆட்சிக் காலத்தில் இவர்கள் நடு ஆசியாவுக்குக் கட்டாயமாக நாடுகடத்தப்பட்டனர். சோவியத்தின் வீழ்ச்சிக்குப் பின்னர், இவர்கள் மீண்டும் இங்கு வந்து குடியேறினர்.[6] 2001 உக்ரைனிய மக்கள்தொகைக் கணக்கெடுப்பின் படி, 58% உருசியர்களும், 24% உக்ரைனியர்களும் இங்கு வாழ்கின்றனர்.[5] உக்ரைனிலேயே மிக அதிகமாக முசுலிம்கள் வாழும் பகுதி கிரிமியா ஆகும்.[7]
2014 மார்ச் 11 இல், கிரிமிய நாடாளுமன்றம் உக்ரைனில் இருந்து பிரிந்து செல்ல ஏகமனதாகத் தீர்மானித்தது.[8] 2014 மார்ச் 16 இல் பொதுவாக்கெடுப்பு நடத்தப்பட்டது. 97% மக்கள் உக்ரைனில் இருந்து விலகி உருசியாவுடன் இணைய விருப்பம் தெரிவித்தனர்.[9]