![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c1/%25D0%259C%25D0%25BE%25D1%2581%25D0%25BA%25D0%25BE%25D0%25B2%25D1%2581%25D0%25BA%25D0%25B8%25D0%25B9_%25D0%25BC%25D0%25B5%25D0%25B6%25D0%25B4%25D1%2583%25D0%25BD%25D0%25B0%25D1%2580%25D0%25BE%25D0%25B4%25D0%25BD%25D1%258B%25D0%25B9_%25D0%25B4%25D0%25B5%25D0%25BB%25D0%25BE%25D0%25B2%25D0%25BE%25D0%25B9_%25D1%2586%25D0%25B5%25D0%25BD%25D1%2582%25D1%2580_%25C2%25AB%25D0%259C%25D0%25BE%25D1%2581%25D0%25BA%25D0%25B2%25D0%25B0-%25D0%25A1%25D0%25B8%25D1%2582%25D0%25B8%25C2%25BB_14.07.2014.jpg/640px-%25D0%259C%25D0%25BE%25D1%2581%25D0%25BA%25D0%25BE%25D0%25B2%25D1%2581%25D0%25BA%25D0%25B8%25D0%25B9_%25D0%25BC%25D0%25B5%25D0%25B6%25D0%25B4%25D1%2583%25D0%25BD%25D0%25B0%25D1%2580%25D0%25BE%25D0%25B4%25D0%25BD%25D1%258B%25D0%25B9_%25D0%25B4%25D0%25B5%25D0%25BB%25D0%25BE%25D0%25B2%25D0%25BE%25D0%25B9_%25D1%2586%25D0%25B5%25D0%25BD%25D1%2582%25D1%2580_%25C2%25AB%25D0%259C%25D0%25BE%25D1%2581%25D0%25BA%25D0%25B2%25D0%25B0-%25D0%25A1%25D0%25B8%25D1%2582%25D0%25B8%25C2%25BB_14.07.2014.jpg&w=640&q=50)
உருசியப் பொருளாதாரம்
From Wikipedia, the free encyclopedia
உருசியா பொருளாதாரத்தின் தாக்கமிக்க துறைகள் அரசுரிமையாக்கப்பட்டுள்ள உயர் வருமான கலப்புப் பொருளாதாரம் ஆகும். 1990களில் மேற்கொள்ளப்பட்ட சந்தை சீர்திருத்தங்களால் உருசிய தொழிற்றுறையும் வேளாண்மையும் தனியார்மயமாக்கப்பட்டுள்ளது; ஆற்றல், பாதுகாப்புத் தொடர்புள்ள துறைகள் விலக்கப்பட்டுள்ளன.
உருசியா பொருளாதாரம் | |
---|---|
![]() மாசுக்கோ பன்னாட்டு வணிக மையம் | |
நாணயம் | ரஷ்ய ரூபிள் (RUB) |
நிதி ஆண்டு | நாட்காட்டி ஆண்டு |
சார்ந்துள்ள வர்த்தக அமைப்புகள் | உலக வணிக அமைப்பு, விடுதலை பெற்ற நாடுகளின் பொதுநலவாயம், ஏபெக், யூரேசிய பொருளாதார சமூகம், ஜி-20 மற்றும் பிற |
புள்ளி விவரம் | |
மொ.உ.உ | $1.175 டிரில்லியன் (ஏப்ரல் 2015) (பெயரளவு)[1] $3.458 டிரில்லியன் (ஏப்ரல் 2015) (பிபிபி)[2] |
மொ.உ.உ வளர்ச்சி | ![]() |
நபர்வரி மொ.உ.உ | $14,317 (2013) (பெயரளவு)[4] $24,764 (2013) (பிபிபி)[5] |
துறைவாரியாக மொ.உ.உ | வேளாண்மை: 4%, தொழில்: 36.3%, சேவைகள்: 59.7% (2014 மதிப்.)[6] |
பணவீக்கம் (நு.வி.கு) | 15.3% (சூன் 2015)[7] |
தொழிலாளர் எண்ணிக்கை | 76.8 மில்லியன் (அக்டோபர் 2015)[8] |
தொழில் வாரியாகத் தொழிலாளர் எண்ணிக்கை | வேளாண்மை: 9.7%, தொழில்: 27.8%, சேவைகள்: 62.5% (2012 மதிப்.)[6] |
வேலையின்மை | 5.5% (அக்டோபர் 2015)[8] |
சராசரி மொத்த வருவாய் | 33,140 ரூபிள்கள் (≈ $550) (செப்டம்பர் 2015)[9] |
முக்கிய தொழில்துறை | பட்டியல்
|
தொழில் செய்யும் வசதிக் குறியீடு | 62வது (2015)[10] |
வெளிக்கூறுகள் | |
ஏற்றுமதி | $233.6 பில்லியன் (சன–ஆக 2015)[11] |
ஏற்றுமதிப் பொருட்கள் | பெட்ரோலியமும் பெட்ரோலியப் பொருட்களும், இயற்கை வளி, மாழைகள், மரமும் மரப் பொருட்களும், வேதிப் பொருட்கள், பல்தரப்பட்ட குடிமை, படைத்துறை தயாரிப்புகள் |
முக்கிய ஏற்றுமதி உறவுகள் | ![]() ![]() ![]() ![]() ![]() ![]() ![]() ![]() |
இறக்குமதி | $127.0 பில்லியன் (சன-ஆக 2015)[11] |
இறக்குமதிப் பொருட்கள் | நுகர்வோர் பொருட்கள், பொறிகள், வண்டிகள், மருந்தகப் பொருட்கள், நெகிழி, பகுதி நிறைவுற்ற மாழைப் பொருட்கள், இறைச்சி, பழங்களும் கொட்டைகளும், ஒளியியல் மற்றும் மருத்துவ உபகரணங்கள், இரும்பு, எஃகு |
முக்கிய இறக்குமதி உறவுகள் | ![]() ![]() ![]() ![]() ![]() ![]() |
வெளிநாட்டு நேரடி முதலீடு | $552.8 பில்லியன் (2013 மதிப்.) |
மொத்த வெளிக்கடன் | $559.3 பில்லியன் (ஏப்ரல் 2015)[14] |
பொது நிதிக்கூறுகள் | |
பொதுக் கடன் | மொ.உ.உற்பத்தியில் 13.4% (2014), மொ.உ.உற்பத்தியில் 15.6% (2016)[15][16] |
வருவாய் | $416.5 பில்லியன் (2014 மதிப்.) |
செலவினங்கள் | $408.3 பில்லியன் (2014 மதிப்.) |
கடன் மதிப்பீடு |
|
அந்நியச் செலாவணி கையிருப்பு | $359.9 பில்லியன் (சூலை 2015)[21] |
Main data source: CIA World Fact Book ' |
பெரிய பொருளாதார நாடுகளில் ஓர் மாறான போக்காக உருசியா தனது வளர்ச்சிக்கு ஆற்றல் துறை வருமானங்களை சார்ந்துள்ளது. நாட்டில் கூடுதலான எண்ணெய், இயற்கை எரிவளி, அரிய உலோகம் போன்ற இயற்கை வளங்கள் இருப்பதால் இவை உருசியாவின் ஏற்றுமதியில் முக்கியப் பங்கு வகிக்கின்றன. As of 2012[update] எண்ணெயும் வளியும் மொத்த உள்நாட்டு உற்பத்தியில் 16% ஆகவும் கூட்டரசு நிதிநிலை வருமானத்தில் 52% ஆகவும் மொத்த ஏற்றுமதியில் 70% க்கும் கூடுதலாகவும் உள்ளது.[22][23]
உருசியாவின் ஆயுதத் தொழில் பெரிய அளவிலும் அதிநுட்பமிக்கதாகவும் உள்ளது; ஐந்தாம்-தலைமுறை தாக்கி வானூர்தி போன்ற உயர்நுட்ப பாதுகாப்பு சாதனங்களை வடிவமைக்கவும் தயாரிக்கவும் திறனுடையதாக உள்ளது. உருசிய ஆயுதங்களின் ஏற்றுமதியின் மதிப்பு 2013இல் மொத்தமாக $15.7 பில்லியனாக— ஐக்கிய அமெரிக்க நாட்டிற்கு அடுத்ததாக இரண்டாம் நிலையில்—இருந்தது. உருசியாவிலிருந்து ஏற்றுமதியாகும் படைத்துறை சாதனங்களாக தாக்கு வானூர்திகள், வான் பாதுகாப்பு அமைப்புகள், கப்பல்கள் மற்றும் நீர்மூழ்கிக் கப்பல்கள் உள்ளன.[24][25]
2014இல் உருசியப் பொருளாதாரம் உலகில் பிபிபி அடிப்படையில் ஆறாவது மிகப்பெரியப் பொருளாதாரமாகவும் சந்தை நாணயமாற்று வீதப்படி பத்தாவது மிகப்பெரியப் பொருளாதாரமாகவும் விளங்குகின்றது. இருப்பினும், ரூபிளின் மதிப்புக் குறைவின் காரணமாக அனைத்துலக நாணய நிதியம் 2015இல் பத்தொன்பதாவது நிலைக்கு இறங்கும் என மதிப்பிட்டுள்ளது. 2000க்கும் 2012க்கும் இடையே உருசியாவின் ஆற்றல் ஏற்றுமதிகள் மூலம் வாழ்க்கைத்தரம் விரைவான வளர்ச்சியைக் கண்டுள்ளது; செலவழிக்கக்கூடிய வருமானம் 160%ஆக உயர்ந்துள்ளது.[26] டாலர்-மதிப்பில் இது 2000 முதல் ஏழு மடங்கு உயர்ந்துள்ளது.[27] இருப்பினும், இந்த உயர்ச்சி சமூகத்தில் சமமாகப் பரவவில்லை. உருசியாவின் 110 மிகச்செல்வமிக்க நபர்கள் 35% உருசிய வீடுகளின் நிதி சொத்துக்களுக்கு உரிமையுள்ளவர்களாக இருப்பதாக கிரெடிட் சுவிசு மதிப்பிட்டுள்ளது.[28][29] ஆளுகை சரியில்லாத காரணத்தால் உருசியா மிகப்பெரும் தொகையை விதிமீறிய பணப் போக்குவரத்தில் கொண்டுள்ள இரண்டாவது நாடாக உள்ளது. 2002க்கும் 2011க்கும் இடையே $880 பில்லியனை உருசியா இவ்வாறு இழந்துள்ளது.[30] 2008இலிருந்து ஃபோர்ப்ஸ் மாஸ்கோவை "உலகின் பில்லியன் பணமுள்ளவர் தலைநகரம்" என அடிக்கடி அறிவித்துள்ளது.[31][32] உருசியப் பொருளாதாரம் 2014 துவக்கத்தில் பொருளாதாரப் பின்னடைவு ஏற்படும் எனக் கருதப்பட்டது; தொடர்ந்த எண்ணெய் விலைகளின் சரிவாலும் உக்ரைனில் உருசியாவின் படையெடுப்பாலும் அதைத் தொடர்ந்த மூலதன வெளியேற்றத்தாலும் இக்கருத்து நிலவியது.[33][34] இருப்பினும், 2014 உ.மொ.உற்பத்தி வளர்ச்சி நேர்மறையாக 0.6%ஆக இருந்தது.[35] உருசியாவின் பொருளாதாரம் 2015இல் 2.7 விழுக்காடாக சுருங்கும் என உலக வங்கி மதிப்பிட்டுள்ளது; ஆனால் வளர்ச்சி வீதம் 0.7 விழுக்காட்டிற்கு 2016இல் திரும்பும் எனவும் அறிவித்துள்ளது.[36]