Mkoa wa Arusha

Mkoa wa Arusha ni mmojawapo kati ya mikoa 31 ya Tanzania wenye postikodi namba 23000, na ni wa pili kwa utajiri nchini.

Mkoa wa Arusha Chimbuko la Binadamu
Mahali paMkoa wa Arusha Mahali pa Mkoa wa Arusha katika Tanzania
Nchi	Tanzania
Wilaya	6
Mji mkuu	Arusha
Serikali
- Mkuu wa Mkoa	John Mongella
Eneo
- Jumla	34,526 km²
- Kavu	33,809 km²
- Maji	707 km²
Idadi ya wakazi (2022)
- Wakazi kwa ujumla	2,356,255[1]
Jina la watu	Arushan
Msimbo wa posta	23xxx
Tovuti:  http://www.arusha.go.tz/

Wakazi ni 2,356,255^[2].

Eneo

Eneo lake ni km za mraba 34,526 zikiwemo km² 707 za maji ya ndani.^[3].

Umepakana na Kenya upande wa kaskazini. Mikoa ya jirani, kufuatana na mwendo wa saa, ni: Kilimanjaro, Manyara, Shinyanga na Mara.

Wilaya zake ni Monduli, Longido, Meru, Arusha Vijijini, Arusha Mjini, Ngorongoro na Karatu.

Makao makuu yapo Arusha mjini.

Kati ya milima yake Oldoinyo Lengai (m 2,878) ni volkeno hai bado, na mlima Meru ni volkeno iliyolala tangu mwaka 1910.

Mvua hunyesha kati ya milimita 1,800 kwa mwaka mlimani Arusha hadi mm 508 kwa mwaka katika maeneo makavu.

Uchumi

Mkoa wa Arusha ndio kitovu cha utalii Tanzania Bara. Kuna mbuga za taifa na hifadhi za wanyamapori Ngorongoro, Serengeti, Olduvai, Arusha, na Ziwa Manyara. Hifadhi ya Mlima Kilimanjaro na Hifadhi ya Tarangire ziko karibu.

Barabara ya lami Dar es Salaam-Nairobi inavuka eneo lake. Uwanja wa Kimataifa wa Ndege wa Kilimanjaro wahudumia miji ya Arusha na Moshi.

Arusha hulimwa kahawa, nafaka, pareto, katani, pamba, alizeti.

Fosfati inachimbuliwa Minjingu Mkoani Arusha, na takribani tani 48,000 kwa mwaka hutumiwa katika uzalishaji wa mbolea.

Kati ya wakazi asili wa mkoa ndio Waarusha, Wameru, Wairaqw na Wamasai.

Majimbo ya bunge

Wakati wa uchaguzi mkuu wa Tanzania mwaka 2015 mkoa huu ulikuwa na majimbo ya uchaguzi yafuatayo:

• Arumeru Magharibi: mbunge ni Noah Lembris (Chama Cha Mapinduzi)
• Arumeru Mashariki: mbunge ni Dkt. John D. Pallangyo (Chama Cha Mapinduzi)
• Arusha Mjini: mbunge ni Mrisho M. Gambo (Chama Cha Mapinduzi)
• Karatu: mbunge ni Daniel Awack (Chama Cha Mapinduzi)
• Longido: mbunge ni Dkt. Steven Lemomo Kiruswa (Chama Cha Mapinduzi)
• Monduli: mbunge ni Fredrick Lowassa (Chama Cha Mapinduzi)
• Ngorongoro: mbunge ni Emmanuel Ole shangai (Chama Cha Mapinduzi)

Tazama pia

• Orodha ya milima ya mkoa wa Arusha
• Orodha ya mito ya mkoa wa Arusha

Tanbihi

1. https://assengaonline.com/2022/11/05/matokeo-ya-sensa-2022-tanzania/
2. https://assengaonline.com/2022/11/05/matokeo-ya-sensa-2022-tanzania/
3. Historia, tovuti rasmi ya mkoa wa Arusha

Viungo vya nje

• Tovuti ya Mkoa wa Arusha

Mikoa ya Tanzania
Arusha | Dar es Salaam | Dodoma | Geita | Iringa | Kagera | Katavi | Kigoma | Kilimanjaro | Lindi | Manyara | Mara | Mbeya | Morogoro | Mtwara | Mwanza | Njombe | Pemba Kaskazini | Pemba Kusini | Pwani | Rukwa | Ruvuma | Shinyanga | Simiyu | Singida | Songwe | Tabora | Tanga | Unguja Kaskazini | Unguja Kusini | Unguja Mjini Magharibi

Makala hii kuhusu maeneo ya Mkoa wa Arusha bado ni mbegu. Je unajua kitu kuhusu Mkoa wa Arusha kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.