Njombe ni halmashauri ya mji wenye hadhi ya wilaya ambao ni makao makuu ya Mkoa wa Njombe, nchini Tanzania, yenye postikodi namba 59100. Kabla ya kugawiwa eneo la Njombe lilikuwa sehemu ya Mkoa wa Iringa.
| Njombe | |
  Njombe Mahali pa mji wa Njombe katika Tanzania |
|
| Majiranukta: 9°20′00″S 34°46′00″E | |
| Nchi | Tanzania |
|---|---|
| Mkoa | Mkoa wa Njombe |
| Wilaya | Wilaya ya Njombe Mjini |
| Idadi ya wakazi | |
| - Wakazi kwa ujumla | 182,127 katika eneo la halmashauri |
Misimbo ya posta ni 59101 (mjini, CBD) hadi 59117.
Njombe iko kwenye kimo cha mita 2,000 juu ya UB kwenye sehemu ya mashariki ya milima ya Kipengere, hivyo tabianchi ni baridi kiasi[1].
Mji uko takriban kilomita 200 kusini kwa Iringa na kilomita 150 upande wa kaskazini-mashariki kwa Mbeya.
Hadi mwaka 2012 kata za mji wa Njombe zilikuwa sehemu ya Wilaya ya Njombe ya awali; baadaye Njombe Mjini na Wilaya ya Njombe Vijijini zilitengwa kuwa halmashauri mbili za pekee.
Katika sensa ya mwaka 2022 wakazi walihesabiwa 182,127 [2]. Wakati wa sensa iliyofanyika mwaka wa 2012, wilaya ya Njombe Mjini ilikuwa na wakazi wapatao 130,223 waishio humo. [3]
Wenyeji ni hasa Wabena. Lakini pia, kuna wingi wa watu wa makabila mengine kama Wakinga na Wapangwa.
Barabara ya lami kutoka Makambako kwenda Songea inapita mjini. [4]
Kituo cha karibu cha treni za TAZARA kipo Makambako. Pia kuna uwanja wa ndege eneo la Chaugingi.
Hakuna huduma ya ndege za abiria.
Njombe ni makao makuu ya Dayosisi ya Kusini KKKT ya Kanisa la Kiinjili la Kilutheri Tanzania na pia ya Jimbo Katoliki la Njombe ya Kanisa Katoliki Tanzania. Kuna pia makanisa mengine na misikiti.
Eneo la Yakobi katika mji wa Njombe linatunza jina la kituo cha Wamisionari Walutheri Wajerumani waliofika mnamo mwaka 1899. Wakati wa Vita ya Majimaji kituo cha Yakobi kilishambuliwa na kikosi kilichoongozwa na chifu Mbeyela.[5]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
