Kaunti ya Murang'a

Kaunti ya Murang'a ni mojawapo ya kaunti za Kenya zilizopo baada ya katiba mpya ya Jamhuri ya Kenya kupatikana mwaka 2010.

Kuhusu mji, soma Murang'a

Kaunti ya Murang'a
Kaunti
Bunge la Kaunti ya Murang'a
Kaulimbiu: ""
Kaunti ya Murang'a katika Kenya
Nchi	Kenya
Nambari	21
Ilianzishwa	Tarehe 4 Machi, 2013
Ilitanguliwa na	Mkoa wa Kati
Mji mkuu	Murang'a
Miji mingine	Maragua, Kangema
Serikali
Gavana	Mwangi wa Iria
Naibu wa Gavana	James Kamau Maina
Seneta	Irungu Kang’ata
Mwakilishi wa wanawake	Sabina Wanjiru Chege
Bunge	Bunge la Kaunti ya Murang'a
Wawakilishi Wadi	35
Maeneo bunge	7
Eneo
Jumla	km2 2 524.2 (sq mi 974.6)
Idadi ya Watu
Jumla	1,056,640
Msongamano	419 /km²
Majira ya Saa	Saa za Afrika Mashariki (UTC+3)
Tovuti murang'a.go.ke

Wakati wa sensa ya mwaka 2019 wakazi walikuwa 1,056,640 katika eneo la km2 2,524.2, msongamano ukiwa hivyo wa watu 419 kwa kilometa mraba^[1].

Makao makuu yako Murang'a.

Jiografia

Majira ya joto 2022

Reli

Kaunti ya Murang'a imepakana na Nyeri (kaskazini), Embu, Machakos (mashariki), Kiambu (kusini) na Nyandarua (magharibi).

Kaunti hii iko kati ya m 914 na m 3353 juu ya usawa wa bahari wastani. Sehemu za magharibi zimekaribia Milima Aberdare na hivyo kuinuka zaidi. Ina mito kadhaa inayotiririka kutoka vitako vya Milima Aberdare kuelekea magharibi ambapo hutiririsha maji katika Mto Tana.

Murang'a ina vilima na mabonde ambayo huwezesha mito kutiririka. Topografia hii huwa na madhara wakati wa mvua kubwa kwa sababu ya mporomoko wa ardhi.

Udongo wa kaunti hii ni wa volkano ambao una rutuba inayowezesha kilimo. Murang'a huhusika katika kilimo cha kahawa, chai, ng'ombe wa maziwa na miti kama zao la biashara.

Murang'a ina maeneo matatu ya tabianchi:

• Msitu wa mvua wa tropiki, magharibi karibu na Milima Aberdare
• Nusutropiki, maeneo ya kati
• Nusuyabisi, mashariki

Utawala

Kaunti ya Murang'a imegawiwa katika maeneo bunge yafuatayo:

Eneo bunge/kaunti ndogo	Kata
Kangema	Kanyenya-Ini, Muguru, Rwathia
Mathioya	Gitugi, Kiru, Kamacharia
Kiharu	Wangu, Mugoiri, Mbiri, Township, Murarandia, Gaturi
Kigumo	Kahumbu, Muthithi, Kigumo, Kangari, Kinyona
Maragua	Kimorori/Wempa, Makuyu, Kambiti, Kamahuhu, Ichagaki, Nginda
Kandara	Ng'araria, Muruka, Kagundu-Ini, Gaichanjiru, Ithiru, Ruchu
Gatanga	Ithanga, Kakuzi/Mitubiri, Mugumo-Ini, Kihumbu-Ini, Gatanga, Kariara

Idadi ya wakazi katika kaunti ndogo (2019) [2]

• Murang'a East 110,311
• Kangema 80,447
• Mathioya 92,814
• Kahuro 88,193
• Murang'a South 184,824
• Gatanga 187,989
• Kigumo 136,921
• Kandara 175,098
  • Aberdare Forest 43

Tazama pia

• Orodha ya mito ya kaunti ya Murang’a
• Wilaya ya Murang'a
• Wilaya ya Maragua