Kombëtarja uruguajiane e futbollit

Kombëtarja uruguajiane e futbollit përfaqson Uruguajin në futbollin ndërkombëtar dhe kontrollohet nga Federata Uruguajiane e Futbollit, organi qeverisës i futbollit në Uruguaji. Trajneri aktual i ekipit është Óscar Tabárez. Ata njihen me pseudonimin La Celeste. Uruguaji e ka fituar Copa Américan 15 herë, për herë të fundit në vitin 2011, duke qënë ekipi më i suksesshëm në historinë e turnamentit. Ekipi gjithashtu ka fituar FIFA Kupën e Botës dy herë, përfshirë edicionin e parë në vitin 1930 ku ata ishin vendi organizator, duke mposhtur Argjentinën 4–2 në finale. Ata fituan titullin e dytë në vitin 1950, duke mposhtur në mënyrë surprizë Brazilin, vendin organizator, 2–1 në finale, e cila ishte një nga ndeshjet më të ndjekura të historisë së futbollit.

Uruguaji

Shoqata	AUF
Konfederata	CONMEBOL (Amerika e Jugut)
Trajneri	Óscar Tabárez
Kapiteni	Diego Godín
Më shumë ndeshje	Diego Godín (130)
Më shumë gola	Luis Suárez (58)
Stadiumi	Estadio Centenario
Kodi I FIFAs	URU
E para ngjyrë E dyta ngjyrë
Rënditja e FIFAs
Aktual	8 2 (14 qershor 2019)
Më i lartë	2 (qershor 2012)
Më i ulët	55 (dhjetor 1998)
E para ndërkombëtare
Uruguaji 2–3 Argjentina (Montevideo, Uruguaji; 16 maj 1901)[note 1][3]
Fitorja më e madhe
Uruguaji 9–0 Bolivia (Lima, Peru; 9 nëntor 1927)
Humbja më e madhe
Uruguaji 0–6 Argjentina (Montevideo, Uruguaji; 20 korrik 1902)
Kupa e Botës
Paraqitjet	13 (E para 1930)
Rezultati më i mirë	Kampionë (1930, 1950)
Copa América
Paraqitjet	45 (E para në 1916)
Rezultati më i mirë	Kampionë (1916, 1917, 1920, 1923, 1924, 1926, 1935, 1942, 1956, 1959, 1967, 1983, 1987, 1995, 2011)
FIFA Kupa e Konfederatave
Paraqitjet	2 (E para në 1997)
Rezultati më i mirë	Vendi i katërt (1997, 2013)
Website	auf.com.uy

Uruguaji ka fituar medaljen e artë në Lojërat olimpike verore dy herë, në vitet 1924 dhe 1928 para krijimit të Kupës së Botës. Ata gjithashtu kanë fituar Mundialiton 1980, një turnament ku garuan të gjithë fituesit e mëparshëm të Kupës së Botës.^[4] Gjithsej, Uruguaji ka fituar 20 trofe zyrtar, një rekord botëror.

Suksesi i tyre është amplifikuar nga fakti që popullsia e shtetit është rreth 3.4 milion banorë (censusi i 2011). Uruguaji deri tani është shteti me popullsinë më të vogël që ka fituar Kupën e Botës (ata kishin 1.75 milion banorë në vitin 1930).^[5] Ata janë gjithashtu edhe shteti më i vogël gjeografikisht që kanë fituar medalje të Kupës së Botës; vetëm shtatë vende me popullsi më të vogël se Uruguaji janë kualifikuar për në Kupën e Botës: Irlanda e Veriut (tre herë), Sllovenia (dy herë), Uellsi, Xhamajka, Trinidad dhe Tabago dhe Islanda.

Historia

1901–1928: FIllimet dhe suksesi në Copa América

Në vitin 1901, Uruguaji luajti ndeshjen e parë në historinë e tyre kundër Argjentinës, e cila fitoi 3–2. Para vitit 1916, Uruguaji kishte luajtur më shumë se 30 ndeshje, 29 prej të cilave kundër Argjentinës. Edicioni përurues Copa America i dha mundësinë Uruguajit për të luajtur me kundërshtarë të ndyshëm: fitoret kundër Kilit dhe Venezuelës, si dhe barazimi kundër Argjentinës, i dha mundësinë atyre të fitonin turnamentin.^[6] Uruguaji më pas u bë vendi organizator i turnamentit një vit më pas, duke ruajtur titullin pasi fituan çdo ndeshje.^[7] Ata u mposhtën për herë të parë në edicionin e vitit 1919, duke pësuar humbje 1–0 në finale nga Brazili pas dy kohësh shtesë; kjo ishte ndeshja më e gjatë e historisë së Copa Américas.^[8]

Në vitin 1924, Uruguaji u bë ekipi i parë Amerikano Jugor që udhëton në Paris për të marrë pjesë në Lojërat olimpike verore. Në konstrast me stilin e lojës fizik të ekipeve evropiane të asaj kohe, stili i lojës së Uruguajit bazohej në pasimet e shkurtra;^[9] ata fituan çdo ndeshje, përfshirë edhe finalen, ku ata mposhtën Zvicrën për të fituar medaljen e artë. Për të mbrojtur titullin, Uruguaji shkoi në Amsterdam, duke fituar sërisht medaljen e artë pasi mposhtën Argjentinën 2–1 në një përsëritje të finales (ndeshja e parë u mbyll në barazim pas kohës shtesë). FIFA sygjeroi që të ishte ajo përgjegjëse e organizimit të ndeshjeve të futbollit, që do të luheshin sipas rregullave të FIFA-s, kurse turnamentet do të njiheshin si Kampionate Botërore. Kjo ndodhi vetëm dy herë (në lojërat olimpike 1924 & 1928) deri sa FIFA krijoi turnamentin e saj, të quajtur FIFA Kupa e Botës, në vitin 1930.^[10]

1930–1950: Dy tituj të FIFA Kupës së Botës

Ekipi i Uruguajit që fitoi Kupën e Botës në vitin 1950.

Pas triumfit në Lojërat olimpike verore, Uruguaji u zgjodh si vendi mikpritës i edicionit të parë të FIFA Kupës së Botës, në vitin 1930, në njëqindvjetorin e kushtetutës së parë të shtetit. Gjatë turnamentit, Uruguaji i fitoi të gjitha ndeshjet, dhe përmbysi një disavantazh 1–2 në 4–2 në finale kundër Argjentinës në Estadio Centenario.^[11] Për shkak të refuzimit të disa shteteve evropiane për të luajtur në edicionin e parë të Kupës së Botës, Federata Uruguajiane e Futbollit i bëri kërkesë shteteve të tjera për të bojkotuar edicionin e vitit 1934 që do të zhvillohej në Itali.^[12] Një tjetër shtet evropian, Franca, u zgjodh si vendi organizator i Kupës së Botës 1938, në kundërshtim të marrëveshjes për zhvillimin e turnamentit një herë në Amerikën e Jugut e një herë në Evropë, duke bërë që Uruguaji të refuzonte pjesmarrjen për të dytën herë.^[12]

Uruguaji e fitoi sërisht Kupën e Botës në vitin 1950, duke mposhtur vendin mikpritës Brazil në një nga surprizat më të mëdhaja të historisë së Kupës së Botës. Ata përmbysën disavantazhin e një gol dhe në fund fituan 2–1 një ndeshje që më vonë do të quhej Maracanazo.^[13] Shumë brazilian morën ndihmën mjeksore pas shokut që pësuan pas fitores surprizë të Uruguajit.^[14]

1951–2009: Rënja në ekip mesatar

Pasi u renditën në vendin e katërt në edicionin e vitit 1954, ekipi pësoi rënje të konsiderueshme në vitet në vazhdim, duke e përsëritur rezultatin e edicionit të vitit 1954 vetëm një herë në vitin 1970. Uruguaji nuk ishte më një superfuqi në futboll dhe dështoi të kualifikohej për në turnament në pesë nga nëntë edicionet e rradhës. Ata arritën edhe rezultatin më të keq në histori në Renditjen botërore të FIFA-s, duke u renditur në pozicionin e 76të. Megjithatë, ata gjetën pak sukses në kontinentin e tyre, duke fituar Copa Américan në vitet 1956, 1959, 1967, 1983, 1987 dhe 1995.

2010–vazhdon: Gjenera e re dhe rikthimi te suksesi

Në vitin 2010, në gjeneratë e re futbollistësh, të udhëhequr nga Luis Suárez, Diego Forlán dhe Edinson Cavani, krijuan një ekip që besohej të ishte më e mira e Uruguajit në katër dekadat e fundit, duke e rikthyer shtetin në Kupën e Botës për edicionin 2010.^[15] Uruguaji barazoi me Francën në ndeshjen e parë, por më pas fitoi 3–0 dhe 1–0 respektivisht kundër Afrikës së Jugut dhe Meksikës për të fituar grupin me shtatë pikë.^[16] Në ndeshjen e raundit të 16-tave, Uruguaji mposhti Korenë e Jugut me rezultatin 2–1 falë dopietës së Luis Suárez, duke u rikthyer në çerek-finale për herë të parë që nga viti 1970.^[17] Në çerek-finale, Uruguaji barazoi 1–1 me Ganën në kohën e rregullt. Të dy ekipet kishin mundësitë e tyre në shtesë, me Ganën që kishte rastin më të pastër me një gjuajtje me kokë nga Dominic Adiyiah, e cila u prit në vijën fatale nga sulmuesi Suárez me dorë, duke shkaktuar një penallti; Suárez u ndëshkua me karton të kuq, por sulmuesi ganez Asamoah Gyan u tregua i pasaktë nga penalltia, duke goditur traversën e duke bërë që ndeshja të shkonte në gjuajtjet e penalltive, ku Uruguaji fitoi 4–2, duke u kualifikuar për në gjysëm-finale.^[18] Në gjysëm-finale, Uruguaji u ndal nga Holanda me rezultatin 3–2,^[19] kurse në finalen e vogël për vendin e tretë, u mposhtën nga Gjermania me të njëjtin rezultat.^[20]

Portierët e Uruguajit duke festuar kualifikimin pas fitores ndaj Italisë.

Një vit më vonë, Uruguaji fitoi Copa Américan për herë të parë pas 16 vitesh, duke u bërë ekipi më i suksesshëm i këtij kompeticioni.^[21] Në Kupën e Botës 2014, Uruguaji ishte vendosur në Grupi D sëbashku me Italinë, Kosta Rikën dhe Anglinë.^[22] Uruguaji u mposht në mënyrë surprizë nga Kosta Rika me rezultatin 3–1, edhe pse ishin ata të parët që kaluan në avantazh me një penallti nga Cavani.^[23]

Megjithatë, ekipi bëri kthesë në dy ndeshjet e tjera, duke fituar 2–1 me Anglinë dhe 1–0 ndeshjen vendimtare me Italinë, që i siguroi Uruguajit vendin e dytë në grup dhe kualifikimin për në fazën me eliminim direkt.^[24] Ndeshja kishte shumë polemika për shkak se gjyqtari nuk pa kafshimin që Luis Suárez i bëri mbrojtësit italian Giorgio Chiellini në shpatullën e majtë.^[25] Dy ditë më vonë, Këshilli i Disiplinës FIFA-s e dënoi uruguajianin me nëntë ndeshje, duke vendosur dënimin më të gjatë në historinë e Kupës së Botës, duke thyer rekordin me tetë ndeshje të Mauro Tassottit pasi italiani i theu hundën lojtarit të Spanjës Luis Enrique në vitin 1994.^[26] Ai gjithashtu u dënua të mos merrte pjesë në asnjë aktivitet futbollistik për katërt muajtë e ardhshëm, ju ndalua hyrja në çdo stadium dhe si dhe u gjobit me 100,000 Franga zvicerane.^[26] Në ndeshjen e raundit të 16-tave, Uruguaji u mposht me rezultatin 2–0 nga Kolumbia dhe u eliminua nga turnamenti.^[27]

Në edicionin 2015 të Copa Américas, pa sulmuesin e pezulluar Suárez, Uruguaji u eliminua në çerek-finale. Një vit më pas, në Copa América Centenario, Uruguaji zhgënjeu sërisht, këtë herë duke u eliminuar në fazën e grupeve.^[28] Pas një fushate të suksesshme kualifikuese, Uruguaji u kualifikua në Kupën e Botës 2018 në Rusi, ku pavarësisht tre fitoreve në grup dhe një në raundin e 16-tave kundër Portugalisë,^[29] u eliminua në çerek-finale nga Franca,^[30] e cila në fund fitoi turnamentin.^[31]

Fanellat

Uruguaji në Kupën e Botës 2014, duke veshur fanellën bojqielli, një fanellë që e kanë mbajtur nga viti 1910.

Nga viti 1901 e deri në 1910, Uruguaji luajti me disa fanella të ndryshme, përfshirë fanella me ngjyrë të jeshile dhe të bardhë. Një fanellë u modelia pas flamurit të Artigas, e cila është një nga tre famujtë zyrtar të Uruguajit. Më 10 prill 1910, River Plate F.C., tani i shpërbërë, mposhti 2–1 ekipin argjentinas Alumni, duke u bërë ekipi i parë uruguajian që mposht këtë ekip legjendar. Atë ditë, River Plate kishte veshur fanellat e dyta, të cilat ishin bojqielli, kjo për shkak se fanella e parë e tyre ishte e ngjashme me atë të Alumnit. Ricardo LeBas i propozoi Uruguajit që të luante me fanella të bojqielli si shenjë nderimi ndaj fitores së River Plates kundër Alumnit. Ky sygjerim u pranua nga presidenti i federatës, Héctor Gómez.^[32]

Fanella e kuqe, e vendosur si fanella e dytë, u përdor për herë të parë në edicionin e vitit 1935 të Copa América, e zhvilluar në Santa Beatriz të Perusë, ku Uruguaji fitoi. Ajo nuk u përdor më deri në vitin 1991 (me përjashtim të një ndeshje kundër Kolumbisë në Kupën e Botës 1962),^[33] ku u vendos zyrtarisht si fanella për ndeshjet si vizitor.

Fanella e Uruguajit ka të vendosur sipër stemës katër yje: dy përfaqsojnë fitoret e ekipit në edicionet 1934 dhe 1950 në Kupën e Botës, kurse dy të tjerat përfaqsojnë fitoret në edicionet 1924 dhe 1928 të lojërave olimpike verore, të njohura nga FIFA si kampionate botërore.^[34]

Prodhuesit e fanellave

Fanella e parë e Uruguajit, 2017.

Prodhuesi	Periudha
Adidas	1974–1982
Le Coq Sportif	1983–1986
Puma	1987–1991
Enerre	1992–1998
Meta	1999–2001
L-Sporto	2002–2004
Uhlsport	2004–2006
Puma	2006–vazhdon

Stadiumi

Që nga viti 1930, ekipi i ka luajtur ndeshjet si vendas në Estadio Centenario, e cila ndodhet në Montevideo, kryeqyteti i Uruguajit. Stadiumi u ndërtua si festë për njëqindvjetorin e kushtetutës së parë të shtetit. Në kohën e përurimit, stadiumi kishte kapacitet 90,000 ulëse.^[35] Stadiumi priti disa ndeshje të Kupës së Botës 1930, përfshirë edhe finalen, e cila u pa nga 93,000 spektatorë.^[36]

Estadio Centenario është një nga stadiumet më të mëdhenjë të botës me përmasa 100m gjërësi dhe 100m lartësi.^[36]

Rivalitetet

Argjentina

Artikulli kryesor: Rivaliteti i futbollit Argjentinë–Uruguaji

Uruguaji ka një rivalitet jetëgjatë me Argjentinën, e cila u bë ekzistente pasi Uruguaji i mposhti ata 4–2 në finalen e parë të Kupës së Botës, e luajtur në Montevideo në vitin 1930. Si përgjigje për këtë, një keqbërës sulmoi me gurë konsulatën uruguajiane në kryeqytetin argjentinas të Buenos Aires. Rivaliteti njihet ndryshe si Clásico del Río de la Plata ose Clásico del Atlántico.^[37][38]

Ky është derbi më i luajtur në historinë e futbollit, me të dy ekipet që janë përballuar gjithsej në 193 ndeshje zyrtare, ku Uruguaji ka fituar 59, Argjentina 89 kurse 45 janë barazime.^[39]

Brazili

Uruguaji ka gjithashtu një rivalitet të vjetër me Brazilin. Ndeshja më e njohur midis dy ekipeve është finalja e Kupës së Botës 1950, ku Uruguaji mposhti vendin organizator me rezultatin 2–1 para më shumë se 200,000 spektatorëve në Stadiumin Maracanã, duke fituar trofeun e tyre të dytë të Kupës së Botës.^[13] Uruguaji ka luajtur gjithsej me Brazilin 76 ndeshje, duke fituar 21, barazuar 17 e humbur 38.^[40]

Trajnerët

Nga viti 1901 e deri në 1914, Uruguaji nuk kishte trajner dhe përzgjedhja e lojtarëve bëhej nga federata. Dy trajnerët e parë të Uruguajit ishin Jorge Pacheco dhe Alfredo Foglino, me këtë të fundit që ishte edhe lojtar. Që nga ajo kohë, 30 trajnerë të ndryshëm e kanë drejtuar Uruguajin. Trajneri aktual i kombëtares është Óscar Tabárez, i cili aktualisht është në periudhën e tij të dytë, duke e marrë detyrën në vitin 2006.^[41] Ai është trajneri me më shumë ndeshje në nivel kombëtaresh, me 202.^[42] Ai gjithashtu e ka drejtuar Uruguajin në katër edicione të Kupës së Botës (1990, 2010, 2014 dhe 2018), duke u bërë trajneri me më shumë pjesmarrje në Kupën e Botës.^[43]

Lista e trajnerëve

Óscar Tabárez, trajneri aktual i Uruguajit.

1946–1955: Juan López 1955: Juan Carlos Corazzo 1955–1957: Hugo Bagnulo 1957–1959: Juan López 1959: Héctor Castro 1959–1961: Juan Carlos Corazzo 1961–1962: Enrique Fernández 1962–1964: Juan Carlos Corazzo 1964–1965: Rafael Milans 1965–1967: Ondino Viera 1967–1969: Enrique Fernández 1969–1970: Juan Hohberg 1970–1973: Hugo Bagnulo 1974: Roberto Porta 1974–1975: Juan Alberto Schiaffino 1975–1977: José María Rodríguez 1977: Juan Hohberg 1977–1979: Raúl Bentancor

1979–1982: Roque Máspoli 1982–1987: Omar Borrás 1987–1988: Roberto Fleitas 1988–1990: Óscar Tabárez 1990–1993: Luis Cubilla 1993–1994: Ildo Maneiro 1994–1996: Héctor Núñez 1996–1997: Juan Ahuntchaín 1997–1998: Roque Máspoli 1998–2000: Víctor Púa 2000–2001: Daniel Passarella 2001–2003: Víctor Púa 2003: Gustavo Ferrín 2003–2004: Juan Ramón Carrasco 2004–2006: Jorge Fossati 2006: Gustavo Ferrín 2006–vazhdon: Óscar Tabárez

Stafi aktual

Pozicioni	Emri
Trajneri	Óscar Tabárez
Ndihmës-trajneri	Mario Rebollo
Ndihmës-trajneri Trajneri i portierëve	Celso Otero
Trajneri i fitnesit	José Oscar Herrera

Lojtarët

Skuadra aktuale

23 lojtarët e mëposhëm janë pjesë e skuadrës për Copa América 2019.^[44]
Ndeshjet dhe golat janë përditsuar më 24 qershor 2019 pas ndeshjes kundër Kilit.

Nr. Pozita Lojtari Mosha Ndeshje Gola Klubi 1 GK Fernando Muslera (1986-06-16) 16 qershor 1986 (38 vjeç) 111 0 Galatasaray 12 GK Martín Campaña (1989-05-29) 29 maj 1989 (35 vjeç) 3 0 Independiente 23 GK Martín Silva (1983-03-25) 25 mars 1983 (41 vjeç) 11 0 Libertad 2 DF José Giménez (1995-01-20) 20 janar 1995 (29 vjeç) 53 8 Atlético Madrid 3 DF Diego Godín (kapiten) (1986-02-16) 16 shkurt 1986 (38 vjeç) 130 8 Atlético Madrid 4 DF Giovanni González (1994-09-20) 20 shtator 1994 (29 vjeç) 4 0 Peñarol 13 DF Marcelo Saracchi (1998-04-23) 23 prill 1998 (26 vjeç) 4 0 RB Leipzig 17 DF Diego Laxalt (1993-02-07) 7 shkurt 1993 (31 vjeç) 19 0 Milan 19 DF Sebastián Coates (1990-07-10) 10 korrik 1990 (34 vjeç) 35 1 Sporting CP 22 DF Martín Cáceres (1987-04-07) 7 prill 1987 (37 vjeç) 92 4 Juventus 5 MF Matías Vecino (1991-08-24) 24 gusht 1991 (32 vjeç) 35 3 Internazionale 6 MF Rodrigo Bentancur (1997-06-25) 25 qershor 1997 (27 vjeç) 22 0 Juventus 7 MF Nicolás Lodeiro (1989-03-21) 21 mars 1989 (35 vjeç) 60 5 Seattle Sounders 8 MF Nahitan Nández (1995-12-28) 28 dhjetor 1995 (28 vjeç) 26 0 Boca Juniors 10 MF Giorgian De Arrascaeta (1994-06-01) 1 qershor 1994 (30 vjeç) 22 2 Flamengo 14 MF Lucas Torreira (1996-02-11) 11 shkurt 1996 (28 vjeç) 18 0 Arsenal 15 MF Federico Valverde (1998-07-22) 22 korrik 1998 (25 vjeç) 13 2 Real Madrid 16 MF Gastón Pereiro (1995-06-11) 11 qershor 1995 (29 vjeç) 9 4 PSV 9 FW Luis Suárez (1987-01-24) 24 janar 1987 (37 vjeç) 110 58 Barcelona 11 FW Cristhian Stuani (1986-10-12) 12 tetor 1986 (37 vjeç) 48 8 Girona 18 FW Maxi Gómez (1996-08-14) 14 gusht 1996 (27 vjeç) 12 2 Celta 20 FW Jonathan Rodríguez (1993-07-06) 6 korrik 1993 (31 vjeç) 16 2 Cruz Azul 21 FW Edinson Cavani (1987-02-14) 14 shkurt 1987 (37 vjeç) 113 48 Paris Saint-Germain

Rekordi në kompeticione

FIFA Kupa e Botës

  Kampionë     Finalist     Vendi i tretë    Vendi i katërt  

Rekordi në FIFA Kupën e Botës									Rekordi në Kualifikueset e FIFA Kupës së Botës
Viti	Raundi	Pozicioni	Ndsh	Fitore	Barazime	Humbje	Gsh	Gp	KPB	Ndsh	Fitore	Barazime	Humbje	Gsh	Gp	Poz
1930	Kampionë	1ri	4	4	0	0	15	3	U kualifikua si vendi organizator
1934	Refuzoi të merrte pjesë								U kualifikua si kampioni në fuqi
1938									Refuzoi të merrte pjesë
1950	Kampionë	1ri	4	3	1	0	15	5	U kualifikua automatikisht
1954	Vendi i katërt	4ti	5	3	0	2	16	9	U kualifikua si kampioni në fuqi
1958	Nuk u kualifikua								1958	4	2	1	1	4	6	2/3
1962	Faza e grupeve	13ti	3	1	0	2	4	6	1962	2	1	1	0	3	2	1/2
1966	Çerek-finale	7ti	4	1	2	1	2	5	1966	4	4	0	0	11	2	1/2
1970	Vendi i katërt	4ti	6	2	1	3	4	5	1970	4	3	1	0	5	0	1/3
1974	Faza e grupeve	13ti	3	0	1	2	1	6	1974	4	2	1	1	6	2	1/3
1978	Nuk u kualifikua								1978	4	1	2	1	5	4	2/3
1982									1982	4	1	2	1	5	5	2/3
1986	Raundi i 16-tave	16ti	4	0	2	2	2	8	1986	4	3	0	1	6	4	1/3
1990		16ti	4	1	1	2	2	5	1990	4	3	0	1	7	2	1/3
1994	Nuk u kualifikua								1994	8	4	2	2	10	7	3/5
1998									1998	16	6	3	7	18	21	7/9
2002	Faza e grupeve	26ti	3	0	2	1	4	5	2002	20	8	6	6	22	14	5/10
2006	Nuk u kualifikua								2006	20	7	7	6	24	29	5/10
2010	Vendi i katërt	4ti	7	3	2	2	11	8	2010	20	7	7	6	30	21	5/10
2014	Raundi i 16-tave	12ti	4	2	0	2	4	6	2014	18	8	5	5	30	25	5/9
2018	Çerek-finale	5ti	5	4	0	1	7	3	2018	18	9	4	5	32	20	2/10
2022	Për t'u vendosur								2022
2026									2026
Gjithsej	2 tituj	13/23	56	24	12	20	87	74	Gjithsej	154	69	42	43	218	164	5/10

*Tregon barazime ku përfshihen edhe ndeshjet me eliminim direkt që janë vendosur nga gjuajtjet e penalltive. Ngjyra e errët tregon fitore, ngjyra normale tregon humbjen.

**Ngjyra e kuqe te viza tregon që turnamenti është zhvilluar në shtëpinë e tyre.

***Uruguaji, Kili, Bolivia dhe Paraguaji u kualifikua automatikisht pas tërheqjes së Argjentinës, Ekuadorit dhe Perusë.

FIFA Kupa e Konfederatave

  Kampionë     Finalist     Vendi i tretë    Vendi i katërt  

Rekordi në FIFA Kupën e Konfederatave
Viti	Raundi	Pozicioni	Ndsh	Fitore	Barazime*	Humbje	Gsh	Gp	Skuadra
1992	Nuk u kualifikua
1995
1997	Vendi i katërt	4ti	5	3	0	2	8	6	Skuadra
1999	Nuk u kualifikua
2001
2003
2005
2009
2013	Vendi i katërt	4ti	5	2	1	2	14	7	Skuadra
2017	Nuk u kualifikua
Gjithsej	Vendi i katërt	2/11	10	5	1	4	22	13	-

Copa América

  Kampionë     Finalist     Vendi i tretë    Vendi i katërt  

Rekordi në Kampionati Amerikano Jugor
Viti	Raundi	Pozicioni	Nd	F	B*	H	Gsh	Gp
1916	Kampionë	1ri	3	2	1	0	06	01
1917	Kampionë	1ri	3	3	0	0	09	00
1919	Finalist	2ti	3	2	1	0	07	04
1920	Kampionë	1ri	3	2	1	0	09	02
1921	Vendi i tretë	3ti	3	1	0	2	03	04
1922	Vendi i tretë	3ti	4	2	1	1	03	01
1923	Kampionë	1ri	3	3	0	0	06	01
1924	Kampionë	1ri	3	2	1	0	08	01
1925	U tërhoq
1926	Kampionë	1ri	4	4	0	0	17	02
1927	Finalist	2ti	3	2	0	1	15	03
1929	Vendi i tretë	3ti	3	1	0	2	04	06
1935	Kampionë	1ri	3	3	0	0	06	01
1937	Vendi i tretë	3ti	5	2	0	3	11	14
1939	Finalist	2ti	4	3	0	1	13	05
1941	Finalist	2ti	4	3	0	1	10	01
1942	Kampionë	1ri	6	6	0	0	21	02
1945	Vendi i katërt	4ti	6	3	0	3	14	06
1946	Vendi i katërt	4ti	5	2	0	3	11	09
1947	Vendi i tretë	3ti	7	5	0	2	21	08
1949	Vendi i gjashtë	6ti	7	2	1	4	14	20
1953	Vendi i tretë	3ti	6	3	1	2	15	06
1955	Vendi i katërt	4ti	5	2	1	2	12	12
1956	Kampionë	1ri	5	4	1	0	09	03
1957	Vendi i tretë	3ti	6	4	0	2	15	12
1959	Vendi i gjashtë	6ti	6	2	0	4	15	14
1959	Kampionë	1ri	4	3	1	0	13	01
1963	U tërhoq
1967	Kampionë	1ri	5	4	1	0	13	02
Gjithsej	11 tituj	27/29	119	75	11	33	300	141

Rekordi në Copa América
Viti	Raundi	Pozicioni	Nd	F	B*	H	Gsh	Gp
1975	Vendi i katërt	4ti	2	1	0	1	1	3
1979	Faza e grupeve	6ti	4	1	2	1	5	5
1983	Kampionë	1ri	8	5	2	1	12	6
1987	Kampionë	1ri	2	2	0	0	2	0
1989	Finalist	2ti	7	4	0	3	11	3
1991	Faza e grupeve	5ti	4	1	3	0	4	3
1993	Çerek-finale	6ti	4	1	2	1	5	5
1995	Kampionë	1ri	6	4	2	0	11	4
1997	Faza e grupeve	9ti	3	1	0	2	2	2
1999	Finalist	2ti	6	1	2	3	4	9
2001	Vendi i katërt	4ti	6	2	2	2	7	7
2004	Vendi i tretë	3ti	6	3	2	1	12	10
2007	Vendi i katërt	4ti	6	2	2	2	8	9
2011	Kampionë	1ri	6	3	3	0	9	3
2015	Çerek-finale	7ti	4	1	1	2	2	3
2016	Faza e grupeve	11ti	3	1	0	2	4	4
2019	Kualifikuar
2020
2024
Gjithsej	4 tituj	17/17	77	33	23	21	99	76

Rekordet dhe statistikat

Redaktuar më 24 qershor 2019^[45]

Më shumë ndeshje

Diego Godín është lojtari me më shumë ndeshje në historinë e kombëtares.

Nr.	Lojtari	Periudha	Ndeshje	Gola
1	Diego Godín	2005–	130	8
2	Maxi Pereira	2005–2018	125	3
3	Edinson Cavani	2008–	113	48
4	Diego Forlán	2002–2014	112	36
5	Fernando Muslera	2009–	111	0
6	Cristian Rodríguez	2003–2018	110	11
	Luis Suárez	2007–	110	58
8	Diego Lugano	2003–2014	95	9
9	Martín Cáceres	2007–	92	4
10	Egidio Arévalo Ríos	2006–2017	90	0

Më shumë gola

Luis Suárez është lojtari me më shumë ndeshje në historinë e kombëtares.

Nr.	Lojtari	Periudha	Gola	Ndeshje
1	Luis Suárez	2007–	58	110
2	Edinson Cavani	2008–	48	113
3	Diego Forlán	2002–2014	36	112
4	Héctor Scarone	1917–1930	31	51
5	Ángel Romano	1913–1927	28	69
6	Óscar Míguez	1950–1958	27	39
7	Sebastián Abreu	1996–2012	26	70
8	Pedro Petrone	1923–1930	24	28
9	Fernando Morena	1971–1983	22	53
	Carlos Aguilera	1982–1997	22	64

Kapitenët fitues të Kupës së Botës

Vit	Lojtari	Periudha	Ndeshje	Gola
1930	José Nasazzi	1923–1937	41	0
1950	Obdulio Varela	1939–1954	45	9

Më shumë pjesmarrje në Kupën e Botës

Pedro Rocha është lojtari me më shumë pjesmarrje në Kupën e Botës për Uruguajin.

Emri	Pjesmarrje	Kupa Bote
Pedro Rocha	4	1962–1974
William Martínez	3	1950–1954, 1962
Julio César Cortés	3	1962–1970
Víctor Espárrago	3	1966–1974
Luis Cubilla	3	1962,1970–1974
Ladislao Mazurkiewicz	3	1966–1974
Diego Forlán	3	2002, 2010–2014
Martín Cáceres	3	2010–2018
Edinson Cavani	3	2010–2018
Diego Godín	3	2010–2018
Fernando Muslera	3	2010–2018
Maxi Pereira	3	2010–2018
Martín Silva	3	2010–2018
Luis Suárez	3	2010–2018

Më shumë gola në Kupën e Botës

Diego Forlán shënoi gjashtë gola në tre edicione, përfshirë pesë në vitin 2010.

Lojtari	Gola	Kupa Bote
Oscar Míguez	8 (5–3)	1950–1954
Luis Suárez	7 (3–2–2)	2010–2018
Diego Forlán	6 (1–5–0)	2002, 2010–2014
Edinson Cavani	5 (1–1–3)	2010–2018
Pedro Cea	5	1930
Juan Schiaffino	5 (3–2)	1950–1954
Carlos Borges	4	1954
Alcides Ghiggia	4	1950
Peregrino Anselmo	3	1930
Juan Hohberg	3	1954

Më shumë ndeshje në Kupën e Botës

Fernando Muslera është lojtari që ka luajtur më shumë herë në Kupën e Botës për Uruguajin.

Lojtari	Ndeshje	Kupa Bote
Fernando Muslera	16 (7–4–5)	2010–2018
Edinson Cavani	14 (6–4–4)	2010–2018
Diego Godín	14 (5–4–5)	2010–2018
Ladislao Mazurkiewicz	13 (4–6–3)	1966–1974
Luis Suárez	13 (6–2–5)	2010–2018
Egidio Arévalo Ríos	11 (7–4)	2010–2014
Julio César Cortés	11 (1–4–6)	1962–1970
Martín Cáceres	11 (2–4–5)	2010–2018
Diego Forlán	10 (1–7–2)	2002, 2010–2014
Maxi Pereira	10 (7–3–0)	2010–2018
Pedro Rocha	10 (2–4–1–3)	1962–1974
Luis Ubina	10 (4–6)	1966–1970

Trofe

• FIFA Kupa e Botës:
  • Kampionë: 1930, 1950
    • Vendi i katërt: 1954, 1970, 2010
• FIFA Kupa e Konfederatave:
  • Vendi i katërt: 1997, 2013
• Kampionati Amerikano Jugor / Copa América:
  • Kampionë (15): 1916, 1917, 1920, 1923, 1924, 1926, 1935, 1942,^{[note 2]} 1956, 1959, 1967, 1983, 1987, 1995, 2011
  • Finalist: 1919, 1927, 1939, 1941, 1989, 1999
  • Vendi i tretë: 1921, 1922, 1929, 1947, 1953, 1957, 2004
  • Vendi i katërt: 1989, 2001, 2007
• Lojërat olimpike verore:
  • Medalje e artë: 1924, 1928

Shënime

1. Edhe pse është ndeshja e parë e regjistuar nga të dyja ekipet e Argjentinës dhe Uruguajit, e luajtur më 16 maj 1901, kjo ndeshje nuk konsiderohet zyrtare pasi nuk është organizuar nga Federata Uruguajiane e Futbollit por nga Albion FC në fushën e sajë, "Paso del Molino". Ekipi uruguajian kishte nëntë lojtar nga ai klub dhe pjesën tjetër nga Nacional.^[1] Argjentina fitoi ndeshjen 3–2.^[2]
2. Edicion shtesë

Referime

1. "Historia del Fútbol Uruguayo" at Deportes en Uruguay
2. "Historias, curiosidades y estadísticas de la Selección, tras sus "primeros" 900 partidos", El Gráfico, 4 korrik 2012
3. Pelayes, Héctor Darío (24 shtator 2010). "ARGENTINA-URUGUAY Matches 1902–2009" (në anglisht). RSSSF. Marrë më 7 nëntor 2010.
4. "El mundialito que sonrojó a la dictadura uruguaya".
5. Luke Bradshaw (13 korrik 2018). "The Smallest Countries to Reach a World Cup Final" [Shtetet më të vogla që kanë arritur një finale të Kupës së Botës] (në anglisht). Culture Trip. Arkivuar nga origjinali më 29 tetor 2019. Marrë më 25 qershor 2019.
6. "Southamerican Championship 1916" [Kampionati Amerikano Jugor 1916] (në anglisht). RSSSF.com. Marrë më 25 qershor 2019.
7. "Southamerican Championship 1917" [Kampionati Amerikano Jugor 1917] (në anglisht). RSSSF.com. Marrë më 25 qershor 2019.
8. "Southamerican Championship 1919" [Kampionati Amerikano Jugor 1919] (në anglisht). RSSSF.com. Marrë më 25 qershor 2019.
9. "Football's debt to Uruguay" [Borxhi i futbollit ndaj Uruguajit] (në anglisht). BBC Sport. 8 prill 2002. Marrë më 27 prill 2011.
10. "History of FIFA - The first FIFA World Cup™" [Historia e FIFA-s - FIFA Kupa e Botës e parë] (në anglisht). FIFA.com. Arkivuar nga origjinali më 8 mars 2019. Marrë më 25 qershor 2019.
11. "Viti 1930: Botëror braktisjesh, Uruguaji kampion". Panorama Sport. 21 maj 2014. Marrë më 22 prill 2020.
12. "Russian spy attack: A brief history of World Cup boycotts" [Sulmi spiun rus: Një histori e shkurtër e bojkotit të Kupës së Botës] (në anglisht). BBC Sport. 13 mars 2018. Marrë më 26 qershor 2019.
13. "Botërori 1950: Uruguai bën të qajë 203 mijë tifozë në stadium". Panorama Sport. 24 maj 2014. Marrë më 26 qershor 2019.
14. "Football, football, football" [Futboll, futboll, futboll] (në anglisht). UruguayNow. Arkivuar nga origjinali më 11 shkurt 2010. Marrë më 13 maj 2010.
15. John Ley (20 nëntor 2009). "Uruguay team at World Cup 2010" [Ekipi i Uruguajit në Kupën e Botës 2010] (në anglisht). The Telegraph. Marrë më 26 qershor 2019.
16. Nabil Hassan (22 qershor 2010). "Mexico 0-1 Uruguay" [Meksika 0-1 Uruguaji] (në anglisht). BBC Sport. Marrë më 26 qershor 2019.
17. Daniel Taylor (26 qershor 2010). "World Cup 2010: Uruguay see off South Korea with Luis Suárez double" [Kupa e Botës 2010: Uruguaji mposht Korenë e Jugut me një dopietë të Luis Suárez] (në anglisht). The Guardian. Marrë më 26 qershor 2019.
18. Ian Chadband (2 korrik 2010). "Uruguay 1 Ghana 1; Uruguay win 4-2 on pens: match report" [Uruguaji 1 Gana 1; Uruguaji fiton 4-2 me penallti: raporti i ndeshjes] (në anglisht). Johannesburg: The Telegraph. Marrë më 26 qershor 2019.
19. Rachel Griffiths (7 korrik 2010). "Determined Dutch charge on" [Holandezët e vendosur vazhdojnë] (në anglisht). Sky Sports. Marrë më 26 qershor 2019.
20. Jamie Casey (10 korrik 2010). "Germany secure third place" [Gjermania siguron vendin e tretë] (në anglisht). Sky Sports. Marrë më 26 qershor 2019.
21. "Uruguaji, mbreti i ri i Amerikës". Top-Channel.tv. 25 korrik 2011. Marrë më 26 qershor 2019.
22. "Hidhet shorti i botërorit 'Brazil 2014', ja 8 grupet". Gazeta Panorama. 6 dhjetor 2013. Marrë më 26 qershor 2019.
23. Arbi Fortuzi (14 qershor 2014). ""Brazil 2014′ – Suprizon Kosta Rika, mposht 3-1 Uruguajin". Agjencia Telegrafike Shqiptare. Arkivuar nga origjinali më 26 qershor 2019. Marrë më 26 qershor 2019.
24. "Brazil 2014: Uruguaji mposht Italinë, Angli-Kosta Rikë pa gola". Zëri i Shqiptarit. Arkivuar nga origjinali më 23 qershor 2019. Marrë më 23 qershor 2019.
25. "Eliminohet edhe Italia, e "kafshon" Uruguai". Panorama Sport. 25 qershor 2014. Marrë më 23 qershor 2019.
26. "Suarez dënohet me 4 muaj, shpërthen në lot". Panorama Sport. 27 qershor 2014. Marrë më 23 qershor 2019.
27. "Rodriguez çon Uruguajin në shtëpi". TopSporti.com. 29 qershor 2014. Marrë më 26 qershor 2019.
28. "Uruguaji eliminohet nga Kupa e Amerikës". Insajderi.com. Marrë më 26 qershor 2019.
29. Adriatik Balla (1 korrik 2018). "Uruguaji mposht Portugalinë dhe kalon në çerekfinale, Ronaldo lë Botërorin mes lotësh". Sot.com.al. Arkivuar nga origjinali më 26 qershor 2019. Marrë më 26 qershor 2019.
30. "VIDEO/ Franca gjysmëfinalistja e parë e Botërorit, "Gjelat" eliminojnë Uruguajin". Newsport.al. 6 korrik 2018. Marrë më 27 qershor 2019.
31. "Franca, kampione e botës! Kroacia e mbyll me nder – FOTO/VIDEO". Top-Channel.tv. 15 korrik 2019. Marrë më 27 qershor 2019.
32. ""La historia de la Celeste"" ["Hisoria e Celestes"] (në spanjisht). Uebfaqja zyrtare e Montevideo Wanderers. Arkivuar nga origjinali më 8 tetor 2014. Marrë më 26 qershor 2019.
33. "FIFA World Cup 1962" [FIFA Kupa e Botës 1962] (në anglisht). Historical Kits. Marrë më 26 qershor 2019.
34. "Why do Uruguay have four stars on their jersey but only two World Cup wins?" [Pse Uruguaji ka katër yje në fanellën e tyre por vetëm dy Kupa Bote të fituara?] (në anglisht). Goal.com. 6 korrik 2018. Marrë më 26 qershor 2019.
35. David Goldblatt (2008). The Ball Is Round: A Global History of Soccer [Topi është i rrumbullakët: Një histori globale e futbollit] (në anglisht). Penguin. fq. 249. ISBN 1-59448-296-9.
36. "Estadio Centenario" (në anglisht). Sportskeeda.com. Marrë më 26 qershor 2019.
37. "Argentina se impone 1-0 a Uruguay en el Clásico del Río de la Plata en la Copa América" [Argjentina imponon Uruguajin 1–0 në Clásico del Río de la Plata në Copa América]. BBC Mundo (në spanjisht). BBC. 17 qershor 2016. Marrë më 27 qershor 2019.
38. Cristian Saralegui (16 qershor 2015). "Argentina ganó el clásico del Atlántico 1-0 a Uruguay" [Argjentina fiton Clásico del Atlántico 1-0 kundër Uruguajit] (në spanjisht). Laprensaaustral.cl. Arkivuar nga origjinali më 26 qershor 2019. Marrë më 27 qershor 2019.
39. "Uruguay national football team: record v Argentina" [Kombëtarja uruguajiane e futbollit: rekordi kundër Argjentinës] (në anglisht). 11v11.com. Marrë më 27 qershor 2019.
40. "Uruguay national football team: record v Brazil" [Kombëtarja uruguajiane e futbollit: rekordi kundër Brazilit] (në anglisht). 11v11.com. Marrë më 27 qershor 2019.
41. "Uruguay turn to ex-coach Tabarez" [Uruguaji rikthehet te ish trajner Tabarez] (në anglisht). CNN.com. 7 mars 2006. Marrë më 26 qershor 2019.
42. "Oscar Tabárez Uruguay's national team manager achieves world record" [Trajneri i kombëtares uruguajiane të futbollit Oscar Tabárez arrin rekordin botëror] (në anglisht). Uruguay natural. 22 nëntor 2016. Marrë më 26 qershor 2019.
43. Kristen Stephenson (17 qershor 2018). "Uruguay coach Óscar Tabárez sets first record of 2018 FIFA World Cup" [Trajneri i Uruguajit Óscar Tabárez vendos rekordin e parë të FIFA Kupës së Botës 2018] (në anglisht). Guiness World Records. Marrë më 26 qershor 2019.
44. "Plantel para la Copa América 2019" (në spanjisht). AUF. 30 maj 2019. Arkivuar nga origjinali më 7 gusht 2020. Marrë më 30 maj 2019.
45. "Uruguay - Record International Players" [Uruguaji - Rekordi ndërkombëtar i lojtarëve] (në anglisht). RSSSF.com. Marrë më 26 qershor 2019.

Lidhje të jashtme

Wikimedia Commons ka materiale multimediale në lidhje me: Kombëtarja uruguajiane e futbollit.

• Uebfaqja zyrtare
• Profili te FIFA Arkivuar 8 gusht 2020 tek Wayback Machine
• Arkiva e rezultateve 1902– te RSSS.com