From Wikipedia, the free encyclopedia
Lamadegaanka Kalahari, Kalahari (ingiriis: Kalahari Desert; carabi: صحراء كالاهاري; Afrikaanis: Kalahari-woestyn) waa lamadegaan, saxare-lamood, dhulqalalan iyo safaana ku yaala wadanada Koonfurta Afrika ee Nambiya, Botswana iyo Koonfur Afrika; kaasi oo fidsan baaxad dhan 900,000 kilometir labo-laaban (350,000 sq mi), isla markaana ah saxaraha 7aad ee ugu wayn aduunka iyo kan labaad ee ugu weyn qaarada Afrika. Maadaama meelo badan oo cidhifyada saxaraha Kalahari ahi tahay saxare-lamood waxay leedahay daaqsiin aad u fiican oo soo jiidatey xayawaano badan oo duurjoog iyo dabjoog intaba leh. Deegaanada lamadegaanka Kalahari waxay helaan waxyar oo roob ah wakhtiga gu'ga iyo heerkul aad u sareeya, taasi oo ka dhigtey mid ka mid ah meelaha ugu kuleylka badan oogada dhulka. Wakhtiyada abaaraha ama dhulku qalalan yahay waxay deegaanadani helaan roob dhan 110–200 millimitir (4.3–7.9 inji)[1] sanadka oo dhan, halka wakhtiga dhulku roobabka leeyahay uu helo ilaa 500 millimitir (20 inji).
| Kalahari | |
| Lamadegaan | |
Sawir hawada sare ah ee Saxaraha Kalahari ooy qaadey NASA | |
| Dalka |  Botswana  Nambiya  Koonfur Afrika |
|---|---|
| Landmarks | Botswana Deegaanka Dalxiiska, Badhtamaha Lamadegaanka Kalahari, Deegaanka Shobe, Kalahari Basin, Deegaanka Gemsbok ee Kalahari, Deegaanka Kgalagadi, Deegaanka Makgadikgadi |
| River | Webiga Cas |
| Highest point | Buuraha Brandberg 8,550 ft (2,610 m) |
| - coordinates | 21°07′S 14°33′E |
| Length | 4,000 km (2,485 mi), E/W |
| Area | 930,000 km2 (359,075 sq mi) |
| Biome | Saxare-lamood |
Magaca saxarahan waxaa uu ka yimid luuqada Taswana ee lagaga hadlo wadanka Koonfur Afrika ereyga Kgala, oo macnaheedu yahay "haraad daran", ama Kgalagadi, oo macno ahaan noqoneysa "deegaan biyo la'aan ka jirto"[2] Isku soo duuboo, dhulka hoose ee deegaanda lamadegaanka Kalahari ee loo yaqaan "Kalahari Basin" wuxuu ku fadhiyaa baaxad dhan 2,500,000 kilomitir labo-laaban (970,000 sq mi), taasi oo ku fidasan wadanada kala ah Botiswaana, Naamiibiya, Koonfur Afrika ilaa laga gaadhayo dalalka kala ah Angola, Saambiya iyo Simbaabwi.[3]Lamadegaanka Kalahari waxaa ku dhaqan noocyo badan oo xayawaan duurjoog ah ooy ka mid yihiin shimbiraha, harimacadka, libaaxa, maroodiga, halgeriga, sagaaroda iyo kuwo badan oo dugaag duurjoog hilibyacun iyo cowscun iskugu jira.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
