Mauritània
From Wikipedia, the free encyclopedia
Mauritània[1] es un Estat independent situat au nòrd-oèst d'Africa dins lo sud-oèst de Sahara. Es enviroutat per Senegau, Mali, Argeria e lo Sahara Occidentau e a un important litorau dubèrt sus l'ocean Atlantic. Es un país eissit de la colonizacion francesa car sei frontieras son aquelei d'una division administrativa creada per administrar una region desertica poblada de nomadas au sen de l'Africa Occidentala Francesa. Sa capitala es lo pòrt de Nouakchott que foguèt fondat per lo poder coloniau après la descubèrta de minas de fèrre dins la region dins leis ans 1950. Lo gentilici es mauritan, -ana[2].
| |||
Devisa nacionala arabi: شرف إخاء عدل francés: Honneur, Fraternité, Justice | |||
Lenga oficiala | arabi | ||
capitala populacion (an) |
Nouakchott 588 195 abitants (2000) | ||
President | Mohamed Ould Ghazouani | ||
Primièr ministre | Mohamed Ould Bilal | ||
Superfícia | 1 030 700 km² | ||
Populacion | 4 244 878 (2023) | ||
Independéncia - Jorn |
(de França) 28 de novembre de 1960 | ||
Moneda | Ouguiya | ||
Ora | UTC+0 | ||
Imne nacional | Imne nacionau de Mauritània | ||
Còde telefonic | + 222 |
Mauritània es poblada per d'etnias araboberbèras e negras que forman una societat musulmana fòrça ierarquizada. Es dominada per lei « Maures Blancs », aperaquí 30 % de la populacion, que tènon la màger part dei poders politics, economics e militars. Lo drech es dirèctament inspirat per la charia e 99 % deis estatjants son considerats coma musulmans sunitas. Una particularitat importanta de Mauritània es la persisténcia de l'esclavatge en despiech de plusors temptativas d'abolicion.