Etnia

Una etnia (del grèc: ἔθνος, ethnos^[1]) es un grop d'umans que presentan una comunitat de caractères de civilizacion,^[2] e que s'identifican entre eles segon lors afinitats recipròcas.^[3] L'apartenéncia a una etnia es doncas ligada a lors caracteristicas culturalas, lingüisticas, socialas, antropologicas, istoricas, geograficas o religiosas.^[4][5]

Al sens estreit, lo mot etnia pòt designar una comunitat de locutors amb la meteissa lenga mairala. Dins aquel cas, cal rampelar tanben l'omogeïnitat culturala d'un grop sociolingüistic.^[6] Una etnia non es l'Estat nacional —que non cal confondre amb la nocion d'«Estat nacion»―, e pòt èsser egalament format d'una diversitat d'etnias. Per exemple, la nacion francesa, al sens istoric e institucional, conten divèrsas etnias dins son territòri nacional.^[7]