Lion
una comuna francesa / From Wikipedia, the free encyclopedia
Lion (prononciat /lju/; en francés Lyon [ljɔ̃], en arpitan: Liyon [ʎɔ̃]) es una vila de França, a l'èst, e es lo capluòc de la region d'Auvèrnhe Ròse Aups, de la Metropòli de Lion e del departament de Ròse. Es la tresena vila de França amb 513 275 abitants. L'aglomeracion de Lion, poblada de 1 354 476 abitants, es la segonda de França. Es traversada per Ròse e Sòna.
Lyon (fr) Lugdunum (la) | |
Nòstra-Dòna de Fourvière, Plaça de Terreaux (Font Bartholdi e Ostal de la comuna), sarras del Pargue de la Tête d'Or, Plaça nautica dins lo quartièr de Confluéncia sus la Saòna, Carrièra Saint Jean (Lion Vièlh), Ribas de Ròse e Pont Lafayette, panorama urban sul quartièr d'afar de la Part-Dieu lo jorn de la fèsta dels lums (Plaça Bellecour al primièr plan). | |
Nom oficial | Lyon (fr) |
---|---|
Entitat | comuna francesa |
Eponim | Lugdunum |
Administracion | |
Estat | França |
Division territoriala francesa | França metropolitana |
Region francesa | Auvèrnhe Ròse Aups |
Collectivitat territoriala francesa amb estatut especial | Metropòli de Lion |
Capitala de | Metropòli de Lion, Ròse-Aups, Ròse, arrondiment de Lion, Auvèrnhe Ròse Aups, circonscripcion del departament de Ròse, Gàllia lugdunenca e zona de defensa e seguretat Sud-Èst |
Politica | |
• Cònsol màger | Grégory Doucet (2020–) |
Geografia | |
Coordenadas | 45° 45′ 32″ N, 4° 50′ 29″ E |
Superfícia | 47,87 km²[1] |
Banhat per | Ròse Sòna lac de la Tête d'Or |
Limitròf amb | Villeurbanne La Mulatière Vénissieux Bron Champagne-au-Mont-d'Or Caluire e Cuire Collonges-au-Mont-d'Or Tassin-la-Demi-Lune Saint-Fons Francheville Sainte-Foy-lès-Lyon Saint-Cyr-au-Mont-d'Or Saint-Didier-au-Mont-d'Or Écully Oullins (–2023) Pierre-Bénite (–2023) Oullins-Pierre-Bénite (fr) (2024–) |
Altitud mejana | 173 m |
Fus orari | UTC+01:00 (ora estandard) UTC+02:00 (ora d'estiu) |
Demografia | |
• Totala | 522 250[2] ab. (1 de genièr de 2021 ) |
• Densitat | 10 909,76 ab./km² |
Entitat d'estatistica | aira de concentracion de Lion unitat urbana de Lion |
Istòria | |
Anterior | Vaise, Saint-Rambert-l'Île-Barbe, La Guillotière, La Croix-Rousse e Lugdunum |
Autras informacions | |
Còdi postal | 69001, 69002, 69003, 69004, 69005, 69006, 69007, 69008 e 69009 |
Embessonatges | Jerico Curitiba Alèp ../... 30+ |
Sit web | lyon.fr |
Sos abitants son apelats amb lo gentilici lionés -esa. Lion a una situacion de caireforc geografic, al nòrd del corredor rodanenc que corrís de Lion a Marselha. Situada entre lo Massís Central a l'oèst e los Alps a l'èst, la vila de Lion ocupa una posicion estrategica dins la circulacion nòrd-sud en Euròpa. Anciana capitala de las Gàllias del temps de l'Empèri roman, Lion es lo sèti d'un arquevescat que lo sieu titulari portava lo títol de primat de las Gàllias. Lion venguèt una vila de comerci e una plaça financièra de primièr òrdre a la Renaissença. Sa prosperitat economica foguèt portada successivament per la sedariá, puèi per l'aparicion de las industrias especialament textilas, quimicas, e pus recentament, per l'industria de l'imatge.
Lion, istoricament vila industriala, aculhiguèt al sud de la vila nombrosas industrias petroquimicas long de Ròse, nomenat lo corredor de la quimia. Après la partença e la barradura de las indústrias textilas, Lion s'es progressivament recentrada sus los sectors d'activitat de tecnicas de punta, talas que la farmacia e las biotecnologias. Lion es tanben la segonda vila estudianta de França, amb quatre universitats e plusors grandas escòlas. Enfin, la vila a conservat un patrimòni arquitectural important anant de l'epòca romana al sègle XX en passar per la Renaissença e, per exemple, los quartièrs del Lion Vièlh, de la còla de Fourvière, de la peninsula e de las pendas de la Croix-Rousse son marcats sus la lista del patrimòni mondial de l'UNESCO.