Metropòli de Lion
From Wikipedia, the free encyclopedia
La metropòli de Lion (en francés, métropole de Lyon) es una collectivitat territoriala de l’estat francés. Es l’agropament de 59 comunas de l’arrondiment de Lion del departament de Ròse, dins la region Auvèrnhe Ròse Aups. Foguèt creada lo 1èr de genièr de 2015 a partir de la comunautat d’aglomeracion del Grand Lion. Lo caplòc n’es Lion.
L’estatut es especific que la metropòli es desenant distinta de la collectivitat territoriala dicha departament de Ròse. Los limits ancians d’arrondiment d’aquel departament son primièr modificats per far correspondre, pels servicis de l’Estat, l’arrondiment de Lion amb la metropòli. En 2017, son tornats modificats per tornar lo Sud de Ròse a la sosprefectura de Lion.
L’INSEE atribuís a la metropòli lo còde 69M.[1] I a pas de cambiament per la pòsta que garda lo còde 69 per las doas collectivitats del departament: la metropòli e lo Ròse « novèl ».
La populacion de la metropòli es de 1 354 476 abitants[2].
Per la metropòli, la collectivitat territoriala es nomenada conselh metropolitan. Aquel serà elegit, a partir de 2020, per circonscripcions[3].