Spellemannprisen 2006

Spellemannprisen 2006 blei delt ut i Chateau Neuf i Oslo laurdag 27. januar 2007. Vamp blei kåra til Årets spellemann, og Åge Aleksandersen, Bjørn Eidsvåg og Sissel Kyrkjebø fekk heidersprisen frå juryen dette året. Dei fekk prisen for den langvarige karrieren deira og prisen blei overrokke av finansminister Kristin Halvorsen. I forkant av utdelinga framførte dei tre songen til Erik Bye; «Anna Lovinda». Bransjeprisen gjekk til Stargate som har markert seg som låtskrivarar og produsentar for norske og internasjonale artistar.

Prisutdelinga blei overført direkte på TV 2 og blei leia av Harald Rønneberg og Thomas Numme. Dette var den 35. Spellemannpris-utdelinga og dette året var det ein ny rekord i nummeret på påmeldte bidrag. Då påmeldingsfristen gjekk ut, var det 608 påmeldingar (inkluderer alle sjangerklassane og musikkvideo). Førre rekord var på 568 bidrag frå Spellemannprisen 2005.

Prisen for «årets musikkvideo» blei delt ut dagen før, fredag 26. januar, på programmet Fredag på TV 2 og gjekk til Marit Larsen. Prisen blei overrekt av den internasjonalt kjente musikkvideoregissøren Reinert Olsen (kjent som «Ray Kay») på link frå Hollywood.

Vinnarar

Klasse	Artist	Tittel
Kvinneleg artist	Marit Larsen	Under the Surface
Mannleg artist	Thomas Dybdahl	Science
Popgruppe	Minor Majority	Reasons To Hang Around
Elektronika	Lindstrøm	It's a Feedelity Affair
Samtidsmusikk	Grex Vocalis og KORK	Arne Nordheim: Draumkvedet
Rock	120 Days	120 Days
Blues	Rita Engedalen	Heaven ain't Ready for Me Yet
Country	Ila Auto	If You Keep Pickin' it Might Never Heal
Metal	Enslaved	Ruun
Hip hop	Darkside of the Force	El dia de los puercos
Folkemusikk/gammaldans	Kvarts	Steinsprang
Danseorkester	Scandinavia	Alle mann til pumpene
Jazz	Atomic	Happy New Ears!
Klassisk musikk	Marianne Thorsen/TrondheimSolistene	Mozart: Violin Concertos
Viser	Lars Bremnes	Hjertekaptein
Open klasse	Hanne Hukkelberg	Rykestrasse 68
Barneplate	Jul i Svingen (Diverse artister)	Jul i Svingen
Årets nykomar	120 Days	120 days
Årets hit	Espen Lind, Kurt Nilsen, Alejandro Fuentes og Askil Holm	«Hallelujah»
Årets musikkvideo	Marit Larsen	«Don't Save Me»
Årets spellemann	Vamp
Bransjepris	Stargate
Heidersprisen frå juryen	Åge Aleksandersen, Bjørn Eidsvåg og Sissel Kyrkjebø

Kjelder

• Nettstaden ifpi.no Arkivert 2007-06-13 ved Wayback Machine.

---

• Denne artikkelen bygger på «Spellemannprisen 2006» frå Wikipedia på bokmål, den 8. juni 2009.