![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cc/Ficus_drupacea.jpg/640px-Ficus_drupacea.jpg&w=640&q=50)
കല്ലാൽ
From Wikipedia, the free encyclopedia
ആൽ കുടുംബത്തിലെ പശ്ചിമഘട്ടതദ്ദേശവാസിയായ ഇടത്തരം മരമാണ് കല്ലാൽ (ശാസ്ത്രീയനാമം: Ficus drupacea). Ficus mysorensis എന്ന പര്യായവും ഉണ്ട്.[1] കല്ലരയാൽ, കാട്ടരയാൽ, ചേല എന്നൊക്കെ പേരുകളുണ്ട്[2]. പാറകളുടെ ഇടയിലും കൽപ്രദേശങ്ങളിലും കാണുന്നതിനാലാണ് കല്ലാൽ എന്ന പേര് വന്നത്. ബർമ്മ, ശ്രീലങ്ക, ദക്ഷിണേന്ത്യ എന്നിവിടങ്ങളിലാണ് കൂടുതലായി കല്ലാൽ ഉള്ളത്.
കല്ലാൽ | |
---|---|
![]() | |
കല്ലാലിന്റെ ഇലകൾ | |
ശാസ്ത്രീയ വർഗ്ഗീകരണം | |
കിങ്ഡം: | |
(unranked): | |
(unranked): | |
(unranked): | |
Order: | |
Family: | |
Genus: | |
Species: | F. drupacea |
Binomial name | |
Ficus drupacea Thunb. | |
Synonyms | |
|
ദീർഘവൃത്താകൃതിയിലുള്ള ഇലകൾക്ക് ശരാശരി 15 സെന്റിമീറ്റർ നീളവും 10സെന്റിമീറ്റർ വീതിയുമുണ്ട്. ഇളം ശാഖകളിലും തളിരിലയുടെ അടിവശത്തും തവിട്ടുനിറത്തിലുള്ള രോമം പോലുള്ള നാരുകൾ കാണാം. ഞെട്ടിയില്ലാത്ത പൂങ്കുലയും ദീർഘവൃത്താകൃതിയിൽ ഓറഞ്ചുനിറത്തിലുള്ള കായയുമാണ് കല്ലാലിന്റേത്. മരത്തൊലിക്ക് ഔഷധഗുണമുണ്ട്[3].
ഇത് പ്രധാനമായും തമിഴ്നാട്ടിൽ കണ്ടുവരുന്നു. ഫലം ഹൃദയത്തിനും ഇലകളും തടിയും കരളിനും ത്വക്കിനും ഔഷധമാണ്.[4] 800 മീറ്റർ വരെ ഉയരമുള്ള പാറ നിറഞ്ഞ മലഞ്ചെരിവുകളിലും നദീതീരങ്ങളിലും കാണുന്നു.[5]