ഇന്ത്യയിലെ രാഷ്ട്രീയ പ്രവർത്തകൻ From Wikipedia, the free encyclopedia
കെ.പി. രാജേന്ദ്രൻ (ജനനം: 1954 നവംബർ 3) കേരളത്തിലെ ഒരു രാഷ്ട്രീയ പ്രവർത്തകനാണ്. ഇദ്ദേഹം സി.പി.ഐ. സംസ്ഥാന എക്സിക്യൂട്ടീവ് അംഗവും എ.ഐ.ടി.യു.സി നാഷണൽ വർക്കിംഗ് കൗൺസിൽ അംഗവുമാണ്. വി.എസ്. അച്യുതാനന്ദന്റെ മന്ത്രിസഭയിൽ 2006-11 കാലഘട്ടത്തിൽ ഇദ്ദേഹം റെവന്യൂ-ഭൂപരിഷ്കരണ വകുപ്പ് മന്ത്രിയായിരുന്നു.[1] കൊടുങ്ങല്ലൂർ നിയമസഭാമണ്ഡലത്തെയാണ് ഇദ്ദേഹം ഇക്കാലയളവിൽ പ്രതിനിധീകരിച്ചിരുന്നത്.[2]
കെ.പി. രാജേന്ദ്രൻ | |
|---|---|
 | |
| കേരളത്തിലെ റെവന്യൂ-ഭൂപരിഷ്കരണ വകുപ്പ് മന്ത്രി | |
| ഓഫീസിൽ 2006–2011 | |
| വ്യക്തിഗത വിവരങ്ങൾ | |
| ജനനം | 3 നവംബർ 1954 തൃശൂർ, കേരളം, ഇൻഡ്യ |
| ദേശീയത | ഇൻഡ്യ |
| രാഷ്ട്രീയ കക്ഷി | സി.പി.ഐ. |
| പങ്കാളി | അനി |
| കുട്ടികൾ | അഞ്ജന രാജേന്ദ്രൻ, ഡോ. പാർവ്വതി രാജേന്ദ്രൻ |
| മാതാപിതാക്കൾ |
|
| വസതിs | തൃശൂർ, കേരളം, ഇൻഡ്യ |
1954 നവംബർ 3 നാണ് ഇദ്ദേഹം ജനിച്ചത്. കെ.പി. പ്രഭാകരൻ, കെ.ആർ.കാർത്യായനി എന്നിവരായിരുന്നു മാതാപിതാക്കൾ. ബി.എ., എൽ.എൽ.ബി. എന്നീ ബിരുദങ്ങൾ ഇദ്ദേഹത്തിനുണ്ട്. രാഷ്ട്രീയത്തിൽ പ്രവേശിക്കുന്നത് വിദ്യാർത്ഥിനേതാവ്, ട്രേഡ് യൂണിയ പ്രവർത്തനം എന്നിവയിലൂടെയാണ്. 1996, 2001,2006 എന്നീ വർഷങ്ങളിൽ ഇദ്ദേഹം നിയമസഭയിലേയ്ക്ക് തിരഞ്ഞെടുക്കപ്പെട്ടിട്ടുണ്ട്.[3]
കാമ്പസ് രാഷ്ട്രീയത്തിലൂടെ ആണ് സജീവ രാഷ്ട്രീയ രംഗത്തേക്ക് കെ.പി രാജേന്ദ്രൻ പ്രവേശിക്കുന്നത്. തിരഞ്ഞെടുപ്പ് രംഗത്തെ കന്നിയങ്കത്തിൽ 1991ലെ ലോക്‌സഭാ തിരഞ്ഞെടുപ്പിൽ തൃശ്ശൂർ മണ്ഡലത്തിൽ നിന്നും കോൺഗ്രസ്സിലെ പിസി ചാക്കോയോട് പരാജയപ്പെട്ടു.പിന്നീട് 1996,2001 നിയമസഭാ തിരഞ്ഞെടുപ്പുകളിൽ ചേർപ്പ് മണ്ഡലത്തിൽ നിന്നും 2006 ൽ കൊടുങ്ങല്ലൂരിൽ നിന്നും എം.എൽ.ഏ. ആയി തിരഞ്ഞെടുക്കപ്പെട്ടു. 2006ലെ ഇടത് സർക്കാരിൽ കേരളത്തിന്റെ റവന്യൂ-ഭൂപരിഷ്കരണവകുപ്പ് മന്ത്രി ആയും സ്ഥാനമേറ്റു.
2006 ൽ കേരള കർഷക കടാശ്വാസ കമ്മീഷൻ രൂപീകരിച്ചതും കേരള കടാശ്വാസ നിയമവും നെൽവയൽ തണ്ണീർ തട നിയമവും പാസ് ആയത് കെ.പി. രാജേന്ദ്രൻ റവന്യു മന്ത്രി ആയിരുന്നപ്പോഴാണ്. 2008 ൽ പാസ്സാക്കിയ നെൽവയൽ തണ്ണീർ തട നിയമം രണ്ടാം ഭൂ പരിഷ്കരണം എന്ന ഖ്യാതി നേടി.
| വർഷം | മണ്ഡലം | വിജയിച്ച സ്ഥാനാർത്ഥി | പാർട്ടിയും മുന്നണിയും | പരാജയപ്പെട്ട മുഖ്യസ്ഥാനാർത്ഥി | പാർട്ടിയും മുന്നണിയും |
|---|---|---|---|---|---|
| 1996 | ചേർപ്പ് നിയമസഭാമണ്ഡലം | കെ.പി. രാജേന്ദ്രൻ | സി.പി.ഐ., എൽ.ഡി.എഫ് | എം.കെ.അബ്ദുൽ സലാം | കോൺഗ്രസ്സ്-ഐ, യു.ഡി.എഫ്. |
| 2001 | ചേർപ്പ് നിയമസഭാമണ്ഡലം | കെ.പി. രാജേന്ദ്രൻ | സി.പി.ഐ., എൽ.ഡി.എഫ് | എം.കെ.കണ്ണൻ | സി.എം.പി , യു.ഡി.എഫ്. |
| 2006 | കൊടുങ്ങല്ലൂർ നിയമസഭാമണ്ഡലം | കെ.പി. രാജേന്ദ്രൻ | സി.പി.ഐ., എൽ.ഡി.എഫ് | ഉമേഷ് ചള്ളിയിൽ | ജെ.എസ്.എസ്., യു.ഡി.എഫ്. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
