Донауштауф

Донауштаф (германски: Donaustauf) — гратче и општина во округот Регенсбург, Баварија, сместено на 5 км источно од истоимениот град, во подножјето на Баварската Шума. Над местото се издигаат рушевините на средновековниот замок, изграден некаде помеѓу 914 и 930 г. На блискиот рид крај реката Дунав се наоѓа впечатливиот тевтонски паметник „Валхала“ направен по пример на Партенонот во Атина. Паметникот е изграден по нарачка на баварскиот крал Лудвиг I и отворен на 18 октомври 1842 г. со цел да ги чествува великаните од историјата на германските народи^[2]

Донауштауф Donaustauf
Поглед на Донауштауф кон црквата „Св. Мартин“ од срушениот замок Поглед на Донауштауф кон црквата „Св. Мартин“ од срушениот замок
Донауштауф
Управа
Земја	Германија
Покраина	Баварија
Адм. подрач.	Горен Пфалц
Округ	Регенсбург
Општ. заед.	Донауштауф
Градоначалник	Ханс Лаубергер (ХСС)
Основни податоци
Површина	9,72 км2
Надм. височина	358 м
Население	4.236 (31 декември 2020)[1]
- Густина	436 жит/км2
Други информации
Часовен појас	CET/CEST (UTC+1/+2)
Рег. табл.	R
Пошт. бр.	93093
Повик. бр.	09403
Портал	donaustauf.de
Местоположба на Донауштауф во рамките на округот Регенсбург
Карта
Координати	49°01′44″N 12°12′29″E

Гратчето било лено во Војводството Баварија, но во 1710 г. е предадено на Регенсбуршката архиепископија. Во 1803 г. влегло во соостав на новосоздаденото Кнежевство Регенсбург, но само по 7 години ѝ е вратено на Баварија согласно Парискиот договор од 1810 г., која пак им го подарила на кнезовите на Турн и Таксис. Во 1899 г. владејачкото семејство е унапредено во војводско, добивајќи ја титулата Војводи на Верт и Донауштауф.

Во 1843 г. е изграден нов замок за Максимилијан Карл, кнезот на Турн и Таксис. Истиот е наполно уништен во пожар на 4 март 1880 г.^[3]

Населени места во општината

Општината Донауштауф се состои од седум населени места:^[4]

• Дахсберг
• Донауштауф
• Хамермиле
• Кламер
• Нојмиле
• Паркхаус
• Сулцбах на Дунав ^[5]

Поранешното место Рајфлдинг е припоено кон потесниот Донауштауф.

Галерија

• 
  Стариот замок на гравура од 1644 г.
• 
  Споменикот „Валхала“
• 
  Црквата „Св. Спас“
• 
  Црквата „Св. Архангел Михаил“
• 
  Улицата „Максштрасе“
• 
  Рушевина од замокот
• 
  Црквата „Св. Спас“ и „Валхала“. Лео фон Кленце, 1839 г.
• 
  Некогашната градска управа

Поврзано

• Горен Пфалц
• Баварска Шума
• Валхала (споменик)

Наводи

1. „Преглед на состојбата на населението“. Баварска служба за статистика и обработка на податоци. јуни 2021. (германски)
2. Adalbert Müller, 1847. Donaustauf and Walhalla. Published by G. J. Manz, Regensburg.
3. Големиот пожар во Донауштауф од 4 март 1880 г.^{[мртва врска]} (германски)
4. Донауштауф во Базата на податоци за населените места на Баварска покраинска библиотека. Баварска државна библиотека, посет. 28 ноември 2017 г (германски)
5. Порано самостојна општина, припоена кон Донауштауф на 1 мај 1978 г. согласно реформите во месната самоуправа. Извор: Statistisches Bundesamt, уред. (1983). Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. Stuttgart/Mainz: W. Kohlhammer GmbH. ISBN 3-17-003263-1.

Надворешни врски

„Донауштауф“ на Ризницата ?

• Портал на Донауштауф Архивирано на 2 јуни 2017 г. (германски)
• Информации за рушевините на замокот во Донауштауф (германски)
• Слики на Донауштауф од воздух