Велосипедизам на Летните олимписки игри 2012
From Wikipedia, the free encyclopedia
Велосипедизмот на Летните олимписки игри 2012 ќе се одржи на пет различни места. Местата се Лондонскиот велопарк за велодромскиот велосипедизам и BMX,[1] и Хадли Фарм во Есекс за планинскиот велосипедизам.[2] Друмските трки ќе се одржат на патека, која ќе започнува и завршува на Бакингемската палата,[3] додека пред Палатата Хемптон Корт ќе започне друмскиот хронометар. Ќе бидат одржани 18 натпревари, на кои се очекува да настапат околу 500 спортисти.
Велосипедизам на Летните олимписки игри 2012 | ||||
---|---|---|---|---|
Друмски велосипедизам | ||||
Друмска трка | мажи | жени | ||
Хронометар | мажи | жени | ||
Велодромски велосипедизам | ||||
Спринт | мажи | жени | ||
Екипен спринт | мажи | жени | ||
Кеирин | мажи | жени | ||
Екипна потера | мажи | жени | ||
Омниум | мажи | жени | ||
Планински велосипедизам | ||||
Крос-кантри | мажи | жени | ||
BMX | ||||
BMX | мажи | жени |
Велосипедизмот бил присутен на сите Летни олимписки игри од првата современа Олимпијада во 1896, заедно со атлетиката, гимнастиката, мечувањето и пливањето. Споредено со претходните олимписки игри во Пекинг се случиле многу промени во олимписката велодромска велосипедска програма. Машката и женската поединечна потера и бодовната трка и машкиот медисон ќе бидат повлечени од олимписката програма. Екипниот спринт, екипната потера и кеирин ќе бидат додадени на програмата за жени, додека омниум ќе биде нова дисциплина и кај мажите и жените.[4] Државите смееле да имаат само по еден натпреварувач во некоја дисциплина, ограничување кое било донесено да се избегне британскиот состав повторно да дојде до двојно освојување на медали во иста дисциплина, како што тоа го направиле во 2008. Слично како на Игрите во Пекинг 2008, на велосипедистичките дисциплини преовладувале Британците.