![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/af/Taiwan_2009_East_Coast_ShihTiPing_Giant_Stone_Steps_Algae_FRD_6581.jpg/640px-Taiwan_2009_East_Coast_ShihTiPing_Giant_Stone_Steps_Algae_FRD_6581.jpg&w=640&q=50)
Алги
From Wikipedia, the free encyclopedia
Систематската група на алги опфаќа околу 35 000 видови, анатомско и морфолошки различно диференцирани. Алгите се еукариотски протисти. Тие се автотрофни организми, со мали исклучоци. Нивното тело е малку диференцирано и се означува како талус.
![Thumb image](http://upload.wikimedia.org/wikipedia/commons/thumb/a/af/Taiwan_2009_East_Coast_ShihTiPing_Giant_Stone_Steps_Algae_FRD_6581.jpg/640px-Taiwan_2009_East_Coast_ShihTiPing_Giant_Stone_Steps_Algae_FRD_6581.jpg)
Алгите имаат широко распространување на Земјата. Тие живеат во водна средина, најповолна за нивниот развиток, меѓутоа ги има во влажни и повремено влажни места. Освен тоа, живеат на карпи, снег, во почва, во некои растенија и животни, како и во симбиоза со габите. Алгите се космополитски организми, односно распространети се насекаде.
Размножувањето кај алгите е најразлично: бесполово (со проста делба, спори) и полово (изогамија, анизогамија, оогамија итн.).