Зебниц

Зебниц (германски: Sebnitz) — град во округот Саксонска Швајцарија-Источни Рудни Планини, во сојузната покраина Саксонија, Германија.

Зебниц
Зебниц во зима Зебниц во зима
Зебниц
Управа
Земја	Германија
Покраина	Саксонија
Округ	Саксонска Швајцарија-Источни Рудни Планини
Општ. заед.	Зебниц
Градски единици	5
Градоначалник	Мајк Рук
Основни податоци
Површина	88,09 км2
Надм. височина	379 м
Население	9.522 (31 декември 2022)[1]
- Густина	108 жит/км2
Други информации
Часовен појас	CET/CEST (UTC+1/+2)
Рег. табл.	PIR
Пошт. бр.	01851–01855
Повик. бр.	035971
Портал	www.sebnitz.de
Местоположба на градот Зебниц во рамките на округот Саксонска Швајцарија-Источни Рудни Планини
Карта
Координати	50°58′N 14°17′E

Географија

Градот Зебниц се наоѓа во долината на реката истоимената река и нејзината странична долина помеѓу 250 и 460 метри надморска височина, помеѓу планините на Саксонска Швајцарија и Лужичките Гори. Топографски, самиот град се наоѓа во западниот дел на Лужичките Гори. Бидејќи природниот регион Саксонска Швајцарија е многу блиску, пејзажот околу градот е многу разновиден. Локалниот рид околу Зебниц е Танцплан, кој е на чешка територија.

Како единици на градот, освен самиот град, се и Шенбах (припоена во 1935), Хајнерсдорф (припоена во 1920), Хертигсвалде (припоена во 1950) и Хинтерхермсдорф (припоена во 1998). Хитерхермсдорф се наоѓа 5 километри југоисточно од Зебниц. Бидејќи е одвоена од остатокот на Зебниц со општината Кирничтал, таа создава енклава.

Историја

Зебниц бил првпат споменат во документ од 1223/1241 кој бил наменет за границата помеѓу кралството Бохемија и бискупијата Мајсен. Во 1451 бил првпат споменат како град. Новото градско собрание било изградено во 1714/1715, но било уништено со бројни други градби, меѓу нив и училиштето, во пожар во 1854. Околу 1900 Зебниц станал центар на производството на вештачки цвеќиња. Од 1952 до 1994, градот бил административен центар на округот Зебниц. Зебниц бил домаќин на фестивалот „Tag der Sachsen“ (Ден на Саксонија) во 2003.

Сообраќај

Железничката станица Зебниц е опслужувана од Städtebahn Sachsen, која одржува линии на секои два часа помеѓу Пирна, Нојштат во Саксонија, Зебниц и Бад Шандау.

Наводи

1. „Тековно население по општини во 2022 г.“. Статистичка служба на Саксонија. 2024. (германски)