From Wikipedia, the free encyclopedia
„Single Ladies (Put a Ring on It)“ е песна од американската пејачка Бијонсе Ноулс. Издадена е преку Columbia Records со „If I Were a Boy“ како дупла А-страна и водечки сингл од нејзиниот трет студиски албум, I Am... Sasha Fierce, на 12 октомври, 2008. Песните биле издадени за да го демонстрираат контрастот меѓу двете спротивставени личности на Ноулс. „Single Ladies“ била инспирирана од тајниот брак на Ноулс и Џеј-Зи во април, 2008.
| „Single Ladies (Put a Ring on It)“ | |||||
|---|---|---|---|---|---|
 | |||||
| Сингл од Бијонсе | |||||
| од албумот I Am... Sasha Fierce | |||||
| Страна А | „If I Were a Boy“ | ||||
| Издаден | октомври 12 2008 | ||||
| Текстописец | Бијонсе Ноулс, Кук Харел, Кристофер Стјуарт, The-Dream | ||||
| Формат | ЦД сингл, музичко спуштање, | ||||
| Снимен | 2008, Бум Бум Собата (Бурбанк, Калифорнија) | ||||
| Жанр | Р&Б, денс-поп | ||||
| Должина | 3:13 | ||||
| Издавачка куќа | Columbia | ||||
| Продуцент | Кристофер Стјуарт, The-Dream | ||||
| Хронологија на синглови на Бијонсе | |||||
| |||||
| Музичко видео | |||||
| „Single Ladies (Put a Ring on It)“ на YouTube | |||||
Компонирана од Кристофер Стјуарт, The-Dream, Кук Харел и Ноулс, „Single Ladies“ е денс-поп и Р&Б песна со денсхал и баунс влијанија, а текстот наведува на брак. „Single Ladies“ добила позитивни критики за нејзиниот привлечен ритам и темата за женско подобрување; некои критичари забележале случajни сличности со синглот на Ноулс од 2007, „Get Me Bodied“. Песната била именувана како најдобар сингл од 2008 од неколку медиуми; Роулинг Стоун ја рангирал песната на првото место на списокот на Најдобри 100 Синглови од 2008. „Single Ladies“ освоил многу награди, вклучувајќи ги Песна на Годината на 52рите Греми Награди.
„Single Ladies“ бил комерцијално добро прифатен сингл во САД и се искачил на првото место на Билборд Хот 100. Добил четвородупла платинеста сертификација од Снимачката Индустриска Асоцијација на Америка (RIAA), со продадени 4.2 милиони дигитални спуштања во САД.[1] Бил успешен и интернационално; „Single Ladies“ се искачил во првите десет песни на табелите за синглови во Австралија, Бразил, Канада, Ирска, Италија, Нов Зеланд, Холандија, Шпанија и Обединетото Кралство. Синглот добил мулти-платинеста сертификација во многу од овие држави. Од ноември, 2009, „Single Ladies“ продал повеќе од 6.1 милиони копии ширум светот.[2]
Видеото за песната, режирано од Џејк Нава, е снимено во црно-бела техника. Добило голем успех, благодарение на кореографијата која била инспирирана од „Мексикански Доручек“, рутина од 1969 направена од Боб Фосе. Танцувачката рутина на „Single Ladies“ предизвикала многу имитации и пародии од мажи и жени ширум светот, вклучувајќи ги Претседателот во САД Барак Обама и поп пејачите Џастин Тимберлејк и Џо Џонас. Според Торонто Стар, музичкото видео ја започнало „првата поголема танцувачка лудост“ на интернет ерата.[3] Видеото освоило неколку награди, вклучувајќи Видео на Годината на МТВ Видео Музичките Награди од 2009. Песната била промовирана од Ноулс неколкупати за време на нејзините настапи во живо и на телевизиски емисии како Шоуто на Елен ДеГенрес, на церемонии за награди и на нејзината светска I Am... Турнеја. „Single Ladies“ била преработена од Кети Пери и многу други и била искористена во многу телевизиски емисии и други медиуми.
„Single Ladies (Put a Ring on It)“ била напишана од Бијонсе Ноулс, The-Dream, Кук Харел и Кристофер Стјуарт, а продуцирана од The-Dream и Стјуард.[4] Јајсен Џошуа и Дејв Пенсадо го правеле миксингот на песната со помош на Ренди Урбански и Ендру Вуепер.[4] Сепојавува на вториот диск од I Am... Sasha Fierce бидејќи Ноулс го покажува своето алтер его, Саша Фирс, во песната.[5] The-Dream откриел дека неговата главна инспирација за песната била свршувачката на Ноулс со Џеј-Зи.[6] Нивната свадба, одржана во април, 2008, на почетокот била тајна.[7] „Single Ladies“ била снимена подоцна истиот месец во студио наречено Бум Бум Собата во Бурбанк, Калифорнија.[4][6] Според Стјуарт, песната била „единствената јавна изјава дека [Ноулс и Џеј-Зи] се венчале...кога отидовме во студиото таа немаше ниту прстен, ниту нешто друго и поради тоа тие сè уште ја криеја [венчавката]. Оттука Дрим го доби концептот“.[6] Зборувајќи за бракот, The-Dream рекол, „Помислив дека е предмет за кој многу жени сакаат да зборувааат, дека ние мажите се плашиме да се врзаме“.[6] Во интервју со Билборд, Ноулс ги објаснила причините поради кои ја снимила песната:
„Јас секогаш прбував да избирам песни и синглови кои се дел од поп културата, дел од работите за кои луѓето се страсни и сакаат да разговараат за нив. 'Single Ladies (Put a Ring on It)' е забрзана песна која е смепна. Но, исто така тоа е нешто што жесните го прават секојдневно.“[8]
Одбрани да бидат двата водечки синглови од I Am... Sasha Fierce, „Single Ladies (Put a Ring on It)“ и „If I Were a Boy“ биле издадени еден по друг за да го демонстрираат концептот на двобојот меѓу двете личности на Ноулс.[9] Ова ја засилило темата на албумот, што се постигнало со ставање на баладите и побрзите песни на различни дискови.[10] Синглот за првпат бил шрикажан на радијата во САД на 8 октомври, 2008;[11] „Single Ladies“ исто така бил прикажан не мејнстрим радијата во Њујорк, Power 105.1.[12] Двата сингла биле испратени до современите ритмички радија на 12 октомври, 2008,[13] и „Single Ladies“ бил исто така испратен до урбаните радија истиот ден.[14] Песната била издадена како дупла A-страна со „If I Were a Boy“ на 7 ноември, 2008 во Австралија,[15] Нов Зеланд,[16] и Германија.[17] Денс ремиксовите на песната биле овозможени во САД на 10 февруари, 2009,[18] и во Европа на 16 февруари, 2009.[19] „Single Ladies“ не бил оригинално издаден како сингл во Обединетото Кралство; сепак, песната станала многу популарна таму и се искачила меѓу првите десен на Бритнаската Табела за Синглови според спуштањата на песната од албумот.[20] На 16 февруари бил издаден ЦД сингл со денс ремиксови за дигитално спуштање.[21][22]
 |
|
| Проблеми со пуштањето? Помош. | |
„Single Ladies (Put a Ring on It)“ е забрзана[9] денс-поп и Р&Б песна,[23] поставена во вообичаено време.[24] „Single Ladies“ користи денсхал и баунс влијанија;[6][25] користи и баунс-засновани удари со раце.[26][27] Според листот со музика објавен на Musicnotes.com од Alfred Music Publishing, песната е напишана во скалата Е-дур со брз ритам од 96 удари во минута. Вокалите на Ноулс се протегаат од F♯33 до D5.[24] Има базична акордна прогресија од Em–C–Em во стиховите и Em–C–Am–C–Am во рефренот.[24] „Single Ladies“ содржи музички сличности со синглот од 2007 на Ноулс „Get Me Bodied“; Енди Келман од Allmusic ја нарекол „Single Ladies“ еден вид на „враќање“ на таа песна.[28]
„Пораката на песната е збунувачка: девојка само што се разделила од лош маж оди да го слави тоа со нејзината екипа. Таа си наметнува нов маж, но стариот сè уште ја гледа и песната е наменета на него. 'Ако го сакаш тогаш треба да ставиш прстен на него,' е музичката идеја на песната и текстот открива дека тоа е она што пејачката навистина го сака: момчето да стане принц и да ја грабне, носејќи ја до 'иднина, бесконечност и подалеку' ... Шармантниот Принц останал таму како втората главна личност во романтичната комедија, додека Бијонсе го остава новото момче—и ритамот и позадинските пејачки—ја понесуваат надвор од нејзините нозе.“
Во „Single Ladies“, Ноулс ја нагласува својата поагресивна сензуална страна, нејзиното алтер его „Саша Фирс“.[30] Шесната била споредувана со песните од училишните дворови,[31][32] и биле наречени идни „позадински вокали“.[33] Рефренот содржи неколку музички идеи.[27] Даниел Брокман од The Phoenix го забележала користењето на „матни заменки“ како заменката „тоа“ која има флагрантна сличност со хитот на Ноулс од 2005 „Check on It“.[34] Придружена со роботски звуци, многу од отворачките линии на песната се во вид на повик и на одговор,[29][35] и Ноулс и Ноулс покажува значителен износ на став во нејзиниот глас.[20]
Грег Кот од Chicago Tribune почувствувал дека текстот прикажува ситуации по раскинување,[36] забележувајќи ги линиите на музичката идеја: „Ги исплакував моите солзи три долги години / Не можеш да ми се лутиш мене / Ако го сакаш тоа треба да ставиш прстен на него“.[29][36] Во песната Ноулс ѝ нуди поддршка ма жема која штотују заврпила со лоша врска;[37] Ен Пауерс од Лос Анџелес Тајмс забележала дека темата на песната се однесува на женско подобрување како продолжување на онаа на „Irreplaceable“ (2006).[29] Според Дејли Мејл, Ноулс „ги повикува жените да им раскинат на своите момчиња ако тие не ги запросат“.[38] Триш Крафорд од Торонто Стар го нарекол тонот на песната „силен и за женско подобрување“,[3] додека другите музички критичари го забележале апело на Ноулс до нејзините обожаватели да бидат независни жени.[29][39]
„Single Ladies“ добил позитивни одговори од музичките критичари, кои ја пофалиле привлечната музичка идеја и темата за женско подобрување. Енди Келман од Allmusic забележал дека песната е една од оние кои се одделуваат од I Am... Sasha Fierce и забележал сличности со „Get Me Bodied“.[28] Михеланџело Матос од The A.V. Club напишал дека песната е „прекрасна, со сјајна продукција, добра музичка идеја и битови кои ќе траат со недели.“[40] Алексис Петридис од The Guardian рекла дека песната е „навистина возбудувачка.“[32] Ник Левин од Digital Spy напишал дека Ноулс „служи како чесен појас“ и ја пофалил продукцијата на Стјуарт и The-Dream, а посебо за ритамот на песната.[20] Колин Мекгуир од PopMatters ја пофалил „Single Ladies“ како една од најдобрите денс песни на Ноулс.[25] Во прегледот на I Am...Sasha Fierce, Дерил Стердан од Jam! рекол дека песната е вредна за сингл и напишал дека е „тон што всуштност звучи како Бијонсе.“[27]
Леја Гренблат од списанието Entertainment Weekly напишала дека „Single Ladies“ е „висок хибрид од лирско збогување“.[41] Даниел Брокман од The Phoenix го пофалил користењето на зборот „тоа“ и напишал дека техниката „ја сумира поделбата на музичките личности многу повеќе од дуплиот диск [на албумот].“[34] Нана Екуанамед од The Village Voice ја одбрала песната како една од најдобрите на албумот.[35] Ен Пауерс од Лос Анџелес Тајмс бил импресиониран од продукцијата на песната и го пофалил рефренот на песната. „Повќе од која било женска пејачка, Ноулс ја разбира фанки уметноста на ритмичкото пеење и ова е еден пример,“ додал Пауерс.[29] Спенс Д. од IGN Music ја опишал „Single Ladies“ како „Карибски талент и славење кое ќе ги натера слушачите да ракоплескаат и да ги кршат враттовите.“[42] За разлика од него, Мариел Консепшон од магазинот Билборд не бил импресиониран од песната нарекувајќи ја „стандардна“.[43] Адам Матера од The Observer коментирал дека „Single Ladies“ и „Diva“, третиот сингл од I Am... Sasha Fierce, може да стане извор за инспирација на транвеститите, додека другите може да ги остави збунети.[39]
Роулинг Стоун ја нарекол „Single Ladies (Put a Ring On It)“ најдобра песна од 2008 и напишал, „Ритамот, благодарени на The-Dream и Трики Стјуарт, е неодлоив и темпераментен, вокалната идеја е бурна и виртуозна.“[44] Дополнително магазинот ја рангирал „Single Ladies“ второто место на списокот на најдобри песни од 2000-тите во анкета на читателите од 2009,[45] и критичарите на Роулинг Стоун ја сместиле песната на педесеттото место на списокот на 100 Најдоби Песни на Декадата.[46] „Single Ladies“ била сместена на второто место на списокот на MTV „Најдобрите Песни од 2008“; Џејмс Монтгомери ја нарекол „хиперактивна и супер наоружана на начин за кој мислев дека е невозможен. Песната е епска и секси, па дури и малку тажна.“[47] „Апсолутно шансите Бијонсе да издаде ваков сингл повторно се нула“ заклучил Монтгомери.[47] Критичарот од Тајм Џош Тирангиел, кој ја нарекол песната „смешно заразна“, ја рангирал како седма најдобра песна од 2008.[48] „Single Ladies“ била сместена на првото место за Песна на Годината од Fuse TV во 2008.[49] Се појавила н шестото место на списокот од критичарите на Eye Weekly за Најдобра Песна од 2008.[50] Марк Едвард Неро од About.com ја рангирал на шестото место за најдобра Р&B песна од 2008.[51] Сара Родман, пишувајќи за The Boston Globe, nја нарекла „Single Ladies“ четвртата „најодолива песна“ на деценијата и изјавила, „Детето на иднината комбинираше трикоа со свршувачки-станувајќи едно секси парче. Видеото направи цел свет фа танцува и да се вее преку Јутуб.“[52] Песната била најдобра песна од 2000тата деценија на Black Entertainment Television.[53]
„Single Ladies“ добила многу награди и номинации по нејизиното издавање. Добила Песна на Годината, Најдобра Р&Б Песна, и Најдобра Женска Р&Б Вокална Изведба на 52рите Греми Награди.[54] Освоила награда за „Омилена Песна“ на 2009 Kids' Choice Awards,[55] „Песна на Годината“ на 2009 Soul Train Music Awards,[56] и „Најдобра Р&Б Песна“ на 2009 Teen Choice Awards.[57] Песната добила номинации во категориите за „Најдобра Песна“ на 2009 NAACP Фотографски Награди[58] и за „Снимка на Годината“ на 2009 Premios Oye! Наградите.[59] Била номинитана за „Снимка на Годината“ на 2009 Soul Train Музичките Награди,[56] „Награда за Избор на Гледачите“ на 2009 BET Awards,[60] „Најдобра Р&Б/Урбана Денс Песна“ на 2009 Интернационални Денс Музички Награди,[61] и „Светски Најдобар Сингл“на 2010 Светски Музички Награди.[62]
На 13 декември, 2008, „Single Ladies“ станала петтиот соло број-еден сингл на Ноулс на табелата Билборд Хот 100,[63] изедначувајќи ја со Паула Абдул и Дијана Рос на петтото место на списокот на женски артисти со најмногу број-еден хитови.[64] Синглот за првпат се искачил на седумдесет и второто место на Билборд Хот 100 на 1 ноември, 2008.[65] На 6 декември, 2008, шесната се издигнала од дваесет и осмото место на второто место на Хот 100 табелата, што било предизвикано од првото искачување на табелата Хот Дигитални Песни, продавајќи 204,000 дигитални спуштања.[66] „If I Were a Boy“ бил на третото место на Хот 100 табелата истата недела и со тоа Ноулс станала седмиот женски артист во САД кој имал две песни на првите пет позиции.[67] Следната недела, „Single Ladies“ стигнал до првото место на Хот 100 табелата, продавајќи 228,000 диигитални примероци.[63] Песната останала на врвот четири непоследователни недели.[68] Во четвртата недела, дигиталните спуштања на песната се зголемиле за 157 проценти, продавајќи 382,000 копии—неговата најдобра недела на продажби.[68] На 15 јануари, 2009, песната се поместила на првото место на Хот 100 Ерплеј табелата 147.3 милиони имресии од слушачите таа недела.[69] Поминала дванаесет недели на првото место на табелата Хот Р&Б/Хип-Хоп Песни.[70] „Single Ladies“ исто така го зазела врвот на табелите за Поп Песни[71] и Хот Денс Клуб Песни,[72] и го преминала второто место на Поп 100 табелата.[73] Песната допила четири-дупла сертификација од Снимачката Индустриска Асоцијација на Америка (RIAA),[74] со 4.2 милиони дигитални продажби во САД од август, 2010.[1]
Интернационално, песната за првпат влегла во табелата за Канадски Хот 100 песни на осумдесет и првото место на 29 ноември, 2008.[75] На 24 јануари, 2009, деветтата помината недела на табелата, се поместила на второто место и тоа станало нејзината највисока позиција;[76] подоцна добила дупла платинеста сертификација од Канадската Музичка Индустриска Асоцијација (CRIA).[77] Во Британија, „Single Ladies“ се искачила на седмото место и поминала седумдесет и две недели на табелата.[78] Се искачила на првото место на ОК Р&Б Табелата, поместувајќи ја „If I Were a Boy“ од тоа место.[79] „Single Ladies“ подоцна добила златна сертификација од Британската Фонографска Индустрија (BPI).[80] На ирската табела песната се искачила на четвртото место и поминала дваесет недели на табелата, додека на јапонската табела стигнала до дваесет и петтото место.[81] Во Австралија, највисоката позиција на „Single Ladies“ била петтата на ARIA Табелите,[82] и добила тродупла платинска сертификација од Австралиската Музичка Индустриска Асоцијација (ARIA).[83] Синглот се искачил и на второто место на Новозеландската табела,[82] и добил платинеста сертификација од Музичката Индустриска Асоцијација на Нов Зеланд (RIANZ).[84] „Single Ladies“ се појавила на неколку табели во Европа, а највисоката позиција на табелата за Европски Хот 100 Синглови била дваесеттата.[85] Се искачила меѓу првите десет во Холандија, Италија и Шпанија и меѓу првите четириесет на двете Белгиски територии (Фландрија и Валонија), како и во Унгарија, Норвешка, Шведска и Швајцарија.[82][86] Од ноември, 2009, „Single Ladies“ продала 6.1 милиони копии ширум светот.[2]
Музичкото видео за „Single Ladies“ било снимено веднаш по „If I Were a Boy“ за да се прикаже концептот на спротивните личности на Ноулс.[30] Видеото добило помало внимание отколку „посјајното и подоброто видео“ за „If I Were a Boy“.[87] Снимањето на видеото траело дванаесет часа.[8] Двете видеа се снимени во црно-бела техника во Њујорк и биле режирани од Џејк Нава, со кого Ноулс работела на нејзините претходни музички видеа вклучувајќи ги и оние за „Crazy in Love“ и „Beautiful Liar“.[88] Кореографијата на „Single Ladies“ ја правеле Френк Гатсон и ЖаКел Најт.[30][89] Ноулс за првпат го прикажала видеото на емисијата Total Request Live на MTV на 13 октомври, 2008.[9] Видеата исто така биле вклучени на ремикс албумот на Ноулс со видеографија наречен Above and Beyoncé,[90] како и на платинското издание на I Am... Sasha Fierce.[91]
Ноулс ѝ кажала на Симон Возик-Левинсон од The Sunday Times дека инспирацијата зад видеото била рутината на Боб Фозе од „Мексикански Доручек“ (1969) прикажана на Шоуто на Ед Суливан во кое е прикажана жената на Фозе, Гвен Вердон, како танцува со уште две жени.[92]
|
|
Кредитите преземени од долните забелешки на албумот I Am... Sasha Fierce.[4]
|
|
Неделни табели
|
Годишни табели
Декадни табели
|
| Држава | Датум | Формат | Куќа |
|---|---|---|---|
| САД | 12 октомври, 2009 | Ритмичко современо радио[13] Урабно современо радио[14] |
Columbia, Music World |
| Австралија[15] | 7 ноември, 2008 | ЦД сингл, дигитално спуштање | Sony BMG |
| Нов Зеланд[16] | |||
| Германија[17] | |||
| САД[18] | 10 февруари, 2009 | Денс ремиксови | Columbia, Music World |
| Австрија[130] | February 16, 2009 | Sony Music | |
| Белгија[94] | |||
| Канада[131] | |||
| Данска[132] | |||
| Финска[133] | |||
| Франција[134] | |||
| Ирска[135] | |||
| Италија[136] | |||
| Мексико[137] | |||
| Холандија[138] | |||
| Норвепка[139] | |||
| Португалија[140] | |||
| Шпанија[141] | |||
| Шведска[19] | |||
| Швајцарија[142] | |||
| Обединето Кралство[21][143] | Columbia, Music World | ||
| Обединето Кралство[22] | ЦД сингл | RCA Records |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
