From Wikipedia, the free encyclopedia
„Irreplaceable“ е песна снимена од американската Р&Б пејачка Бијонсе Ноулс вклучена во нејзиниот втор студиски албум, B'Day (2006). Песната е напишана од Бијонсе, Шафер „Не-Јо“ Смит, Еспен Линд и Амунд Бјорклунд, а е продуцирана од Stargate и самата Ноулс. Песната оригинално не била напишана за Ноулс и прво била кантри песна. „Irreplaceable“ потоа била трансформирана во поп балада со средно темпо и Р&Б влијанија. Според текстот, песната се однесува на раскинување со неверен маж и се состои од силна женска тема. Песната е издадена на 5 декември 2006 во САД како трет сингл таму, а како втор сингл во интернационалните музички маркети преку издавачката куќа Columbia Records.
| „Irreplaceable“ | |||||
|---|---|---|---|---|---|
 | |||||
| Сингл од Бијонсе | |||||
| од албумот B'Day | |||||
| Издаден | 5 декември 2006 | ||||
| Формат | ЦД сингл, музичко спуштање, макси сингл, 12" сингл | ||||
| Снимен | 2006, Sony Music Studios (Њујорк Сити, Њујорк) | ||||
| Жанр | Р&Б, поп | ||||
| Должина | 3:47 | ||||
| Издавачка куќа | RCA | ||||
| Композитор | Бијонсе Ноулс, Шафер Смит, Микел С. Ериксен, Тор Ерик Хермансен, Еспен Линд, Амунд Бјорклунд | ||||
| Продуцент | Stargate, Бијонсе Ноулс, Ne-Yo (ко-продуцент) | ||||
| Хронологија на синглови на Бијонсе | |||||
| |||||
„Irreplaceable“ била генерално добро-прифатена од музичките критичари, а некои од нив дури ја нарекле и најнезаборавната песна на албумот и додале дека ова песна успеала да ја поврати „совршеноста“ на деби синглот на Бијонсе „Crazy in Love“. Во 2009, Pitchfork Media и Роулинг Стоун ја рангирале песната на списокот на најдобри песни од 2000-та деценија. „Irreplaceable“ ја освои наградата Soul Train Music Award во 2007 за најдобар Р&Б/соул сингл и наградата од 2007 Nickelodeon Kid's Choice Award за најдобра песна. Синглот бил номиниран и за песна на годината на Греми Наградите од 2008, а исто така и за песна на годината на шоуто за награди VH1 Soul Vibe.
„Irreplaceable“ постигнал светски комерцијален успех. Песната исто така станала вториот најдобро продаван сингл на Ноулс за време на нејзината соло кариера (по „Crazy in Love“), а и најуспешниот сингл од B'Day. Синглот се задржал во првите места на табелата Билборд Хот 100 во САД десет последователни недели. Со мулти-платинска сертификација, „Irreplaceable“ станал најдобро продаваниот сингл во 2007 и дваесет и петтата најуспешна песна на табелата на најуспешни песни од 2000-тите во САД. Синглот ги поминал впечатоците на 200 милионската публика кон крајот на 2006, додека друг сингл на Ноулс, „Check on It“ (2005), го постигнал истиот успех наредната година. Со тоа, Ноулс станала втората женска пејачка која го постигнала тоа во САД, веднаш по Мараја Кери. „Irreplaceable“ се искачил на првото место во Австралија на четвртото место во Обединетото Кралство како и меѓу првите 20 ширум европските музички маркети.
Музичкото видео било режирано од Ентони Мендлер и во него за првпат е прикажана изведбата не женскиот бенд на Ноулс наречен Suga Mama. Видеото се нашло на албумот од 2007, B'Day Anthology Video Album и видео уредување било направено за „Irreemplazable“, шпанската верзија на песната. Видеото ѝ донело на Ноулс награда за видео на годината на наградите Black Entertainment Television (BET) од 2007, а бил номинирано и за видео на годината за време на MTV видео музичките награди во 2007. Песната била промовирана од Ноулс со неколку настапи во живо, вклучувајќи ги и настапите на The Ellen DeGeneres Show и Американските музички награди од 2007. Песната исто така била дел од изведуваните песни на The Beyoncé Experience во Лос Анџелес и на нејзината светска турнеја I Am... Tour. Американското друштво на композитори, автори и издавачи (ASCAP) ја препознало песната како една од најизведуваните песни во 2008 на ASCAP Поп музичките награди.
„Irreplaceable“ оригинално не била направена за Ноулс туку за Крисет Мишел.[1][2] Норвешкиот продукциски тим Stargate и американскиот Р&Б-поп пејач-текстописец Не-Јо пишувале за нејзиниот втор студиски албум B'Day, но Тор Ерик Хермансен од Stargate кажал дека „тие можеби не отидоа во насоката во која ја правеа песната“.[1] Тонот оригинално не се поврзувал со гласот на Ноулс и Не-Јо го напишал текстот од машка перспектива, кој изјавил дека текстот не се однесувал не негово лично искуство. Напишана како кантри песна, тој за време на сесиите помислил дека треба да ја испее некој кантри-ориентиран пејач како Шанаја Твејн и Фејт Хил.[1][3] Кога Не-Јо ги слушнал како за првпат ја изведуваат песната помислил дека звучи како кантри вестерн песна, но потоа кога биле додадени и тапани во музиката, таа добила Р&Б вибрација и Не-Јо сакал да сними Р&Б-кантри вестерн песна.[3]
 |
Понекогаш се случува да мислиш за одреден артист и го ставаш во оваа кутија, песната мора да биде или на овој или на тој начин и тогаш ти си обично затворен за нешто што се случило пред три години.“ | |
Кога тимот работел со него, тие ја снимиле песната со машки вокали. Сепак тие помислиле дека женскиот вокал е посоодветен,[1] и Не-Јо исто така сметал дека тоа е зајакнување ана некоја жена кога го пее.[4] Додека Ноулс работела на материјал за B'Day откако го снимила Dreamgirls, таа била задоволена со демото од песната кое ѝ било презентирано.[1] Ноулс побарала песната да биде малку изменета, а под таа измена влегло додавањето на тапани, вокалните аранжмани и повисоки ноти отколку на демото.[1] Еспен Линд и Амунд Бјорклунд, од норвешкиот продукциски тим Espionage, ја напишале акордната структура и го додале делот со гитари.[5] Песната била инжинирана од Џим Каруана, а миксот го правел Џејсон Голдстејн во Sony Music Studios во Њујорк.[5]
Откако сесиите за „Irreplaceable“ завршиле, Хермансен рекол дека „сите се почувствувале како да доловиле нешто специјално и Бијонсе праведно ја направила песната“. За време на интервју, Не-Јо рекол, „Бијонсе имаше работи кои сакаше да ги извади од своите гради“,[6] а кажал и дека успеал да напише песна со која може да се поврзе некоја жена, но сепак песната да остане со темата на албумот.[7]
Песната довела до контроверзија околу пишувањето. Не-Јо зборувал со MTV за да ја расчисти забуната: „Очигледно Бијонсе била на некое шоу и токму пред да излезе песната рекла, 'Јас го напишав ова за моите девојки' и песната дошла. ... Песната е пишувана со помошник. Јас го напишав текстот, јас го напишав сиот текст. Бијонсе ми помогна со мелодиите и хармониите и вокалниот аранжман и тоа ја прави да биде пишувана со помошник. Тоа значи дека мојот придонес и нејзиниот придонес ја направија песната тоа што е.“[8] Во 2011 Не-Јо открил дека ја напишал песната за себеси, но помислил дека би била подобра за Ноулс. Подоцна зажалил што ѝ ја дал нејзе.[9] Кога неговите коментари се појавиле на интернет, некои обожаватели помислиле дека се работи за дискриминација на Ноулс.[10] Неколку часа подоцна тој го расчистил недоразбирањето на Твитер пишувајќи:
„Добро пријателе. Прати ми линк каде имам кажано ШТО БИЛО омаловажувачки за Бијонсе, ТЕ МОЛАМ! Умирам да го слушнам тоа [...] Само што слушнав аудио каде јас наводно ја омаловажувам Бијонсе. ДАЛИ СТЕ СИТЕ СЕРИОЗНИ!?! Дали сте слушнале некогаш што имам кажано!?! Кажав дека оригинално ја напишав песната за себе. Тоа е вистина, па СЕКАКО јас оригинално не планирав да ја дадам некому. БЕШЕ ЗА МЕНЕ. Кога сфатив како песната изгледа испеана од маж, тогаш одлучив да ја предадам. КАКО ТОА ПРЕТСТАВУВА ОМАЛОВАЖУВАЊЕ НА БИЈОНСЕ!?! Таа ја зеде песната и ја направи хит, НИКОЈ не може да го одрече тоа [...] Бијонсе ми е пријателка. Сите кои не се доволно ПАМЕТНИ за да разберат што навистина сакав да кажам нека одат по ЃАВОЛИТЕ.[10]
 |
„Irreplaceable“ користи инструментација од 808, акустична гитара и виолончело, а комбинација од поп, балада, кантри и Р&Б жанрови. |
| Проблеми со пуштањето? Помош. | |
„Irreplaceable“ е поп балада во средно темпо со Р&Б влијанија.[11] Напишана во Бе-дур тоналитет,[12] темпото на песната е во вообичаено време и има 88 отчукувања во минута.[12] Гласот на Ноулс во песната се движи меѓу две и половина октави, од B♭2 до E♭5.[12] Додека повеќето песни во албумот се агресивни и со побрзо темпо, нејзиниот глас во „Irreplaceable“ е потивок и побавен.[13] „Irreplaceable“ користи нежна акустична гитара,[14] следејќи го акордот B♭5-F5-Cm7-E♭6/9.[12] Хермансен и Ериксен комбинирале класична прогресија на акустичната гитара, модерен 808 тапан и виолончела.[1] Ал Шипли од Stylus Magazine забележал дека гитарските акорди во „Irreplaceable“ биле ископирани и во синглот од 2007 „Hate That I Love You“ на барбадоската Р&Б пејачка Ријана, песна ко-продуцирана од Stargate и Не-Јо.[15] Роб Шефилд од Роулинг Стоун забележал дека синглот на американскиот Р&Б пејач Крис Браун наречен „With You“, а продуциран од Stargate ги содржел истите елементи.[16] Тој напишал дека „Stargate пробуваа само повторно да ја истакнат 'Irreplaceable“,[16] додека во Билборд магазинот кажале дека „навалуваат малку премногу тешко“ на песната.[17]
Бил Лемб од About.com коментирал дека женското подобрување кое претставува тема на „Irreplaceable“ има сличности со централниот концепт на новелот од 1995 наречен Waiting to Exhale од Тери МекМилан.[18] Од друга страна, Џим ДеРогатис од Chicago Sun-Times забележал дека „Irreplaceable“ носи сличности со баладите испеани од Витни Хјустон во 1990-тите[19] додека Спенс Д. од IGN кажал дека песната ја црпела инспирацијата од претходната работа на Арета Френклин поради неколку варијации во зборовите и октавите.[13] Според текстот, „Irreplaceable“ се однесува на жена која раскинала со своето момче бидејќи открила дека ја изневерува и стиховите се сметаат како изјава за независност.[14] Лемб забележал дека песната има силен текст „со непогрешлива точка во врска со женската издржливост“.[18] Според Сара Родман од The Boston Globe, Ноулс комбинира „душевна болка, смелост и бес“ додека му кажува на мажот дека тој е далеку од незаменлив[20] и дека нејзиниот нов маж ќе стигне неколку минути подоцна.[21] Хермансен кажал дека „тоа е песна во која уживаат луѓе од сите возрасти“,[1] додека Ноулс кажала дека е „малку искрена“.[22] Кога давала интервју за песната, таа кажала: „Ние не можеме да ја заборавиме својата моќ и корисност. И понекогаш ... толку сте вљубени, што го заборавате тоа. И понекогаш се чувствувате како да не сте ... ценети. И ... понекогаш тие забораваат дека можат да бидат заменети.“[22]
Стиховите на песната се конструирани во форма стих-пред-рефрен-рефрен.[12] Почнувајќи со гитара, Ноулс го пее почетниот дел: „To the left, to the left“ (налево, налево),[23] повторувајќи го тактот трипати,[24] а потоа дополнува: „Everything you own in a box to the left“ (сè што поседуваш е во кутијата налево).[14] Во седмиот такт таа го пее првиот стих, карајќи се со нејзиното момче за рамнодушноста во нивната врска и кажувајќи му да си замине. Потоа следи делот пред рефренот и рефренот: „You must not know [a]bout me (мора да не знаеш за мене) [...] I can have another you by tomorrow (можам да имам друг како тебе до утре)/ I could have another you in a minute (можам да имам друг како тебе за една минута)[...] Don’t you ever for a second get to thinking (немој ни за секунда да помислиш)/ You’re irreplaceable (дека си незаменлив)... “.[14] Ноулс потоа преминува во вториот стих кажувајќи дека нејзиното момче ја изневерува.[14] Потоа се случува истата шема како во првиот стих која води до рефренот. Кон крајот Ноулс го пее завршниот дел, каде што му кажува на својот дечко: „Многу е лесно да те заменам...“.[14] Таа го повторува почетниот дел и рефренот во многу повисок регистар со што ја нагласува ранливата сензибилност на текстот.[21] На крајот завршува со рефренот.[14]
За време на продукцијата на „Irreplaceable“, Хермансен помислил дека песната нема да биде прикажувана на радијата поради нејзините акустични гитари и сметал дека песната е многу поп-ориентирана. Хермансен не очекувал „Irreplaceable“ да биде вклучена во каков било жанр. Покрај неговите предвидувања, песната станала многу успешна на урбаните табели; била пуштана во Њујорк и на кантри-заснованите радио станици.[1] Кратко по издавањето на Irreplaceable“, Ноулс им кажала на MTV News:
Јас ја сакам 'Irreplaceable.' Мислам дека е важно да ги имате тие песни. Ми доаѓаа многу луѓе насолзени, велејќи, 'повторно доживеав раскинување. Ако не беше песната немаше да бидам доволно сила за да не се јавам. Јас немаше да знам колку вредам.' Среќна сум што сум дел од тие изјави.
Следејќи го водечкиот сингл од B'Day „Déjà Vu“ (2006), „Irreplaceable“ била издадена како вториот сингл во интернационалните маркети преку Columbia Records. Две сингл верзии биле издадени во Обединетото Кралство на 26 октомври 2006: стандарден ЦД сингл, кој ја содржи верзијата од албумот на песната и миксот на песната „Ring the Alarm“ од Freemasons; и подобрено ЦД, кое ја содржи албум верзијата, три ремикса на „Ring the Alarm“ и музичко видео од „Ring the Alarm“.[25] 12" сингл бил издаден во истата држава наредната недела.[25] Во Австралија, макси сингл бил издадена на 5 декември 2006 и содржел две албум верзии и два ремикса на „Déjà Vu“.[26] Две недели подоцна бил овозможен и ремикс на песната од Маурис Џошуа во Австралија.[27] Во Обединетото Кралство, „Irreplaceable“ служел како трет сингл на B'Day, следејќи го „Ring the Alarm“ (2006).[1] Синглот бил издаден на 5 декември 2006 и ја содржел албум верзијата како и инструменталната верзија на песната.[28] Ноулс снимила шпанска верзија на песната наречена „Irreemplazable“ и била вклучена во вториот диск на делукс верзијата на B'Day издаден на 12 јуни 2007.[29] EP албум наречен Irreemplazable бил издаден во САД на 28 август 2007[30] а на 10 септември 2007 во Обединетото Кралство.[31] EP албумот ја содржи „Irreemplazable“ и Norteña ремикс од „Irreplaceable“, „Amor Gitano“, три верзии од „Beautiful Liar“, ремиксот на Тимбаланд од „Get Me Bodied“ со Волтио, и „Oye“, шпанската верзија на „Listen“.[30][31] „Песната се појавила и во компилациониот албум издаден на 25 март 2011 наречен Songs for Japan, кој бил издаден за помош на земјотресот од 2011 во регионот Тохоку.[32]
|
Пристапот на Бијонсе кон скршеноста на срцето секогаш беше буквална, нејзините зборови и нејзините чувства со проучена застареност кои понекогаш се тешки за верување, а не пак да се поврзеш со нив. 'Irreplaceable' е првата песна во која Бијонсе се лаже самата себеси, а начинот на кој нејзиниот глас совршено ја изневерува таа лага (откривајќи откажувачко треперење во нејзината горна усна на текстот) истовремено ја прави неа најсофистицирана и најчесна нејзина изведба до денес.“ | |
—Тим Фини од Pitchfork Media зборува за темата на „Irreplaceable“.[33] | ||
Додека повеќето песни на B'Day се со побрз ритам, „Irreplaceable“ била добро прифатена од критичарите поради нејзината гитарска мелодија. Бил Лемб од страницата About.com го пофалил Stargate за „едноставната, поп-ориентирана продукција“,[18] и ја ранкирал на четвртото место на списокот на најдобрите Р&Б песни од 2006.[34] Во преглед на магазинот Entertainment Weekly, Џоди Роузен рекла дека песната е „светлечка песна и не наликува на ништо што Бијонсе изведувала“.[35] Сара Родман од The Boston Globe напишала дека песната е „нежна, но лесно зафатлива“,[21] а Бил Лемб ја нарекол „прекрасно, нежно веење на аранжманот на Stargate“.[36] Спенс Абот од мрежната страница IGN забележал дека „Irreplaceable“, заедно со „Resentment“, „одат кон потрадиционална Р&Б вибрација“ за разлика од другите песни на албумот и кажал дека тоа би направило „издвојување на песната ако била снимена одделно од другите песни на албумот“.[13]
Роџер Фридмен од Fox News Channel ја нарекол „Irreplaceable“ паметна балада и најзапомливата песна на целиот албум. Тој исто така рекол дека песната има најголем потенцијал за да ги „привлече брзо обожавателите“ и дека е „единствената песна на B'Day која би посакал да ја пееш“.[37] Ова е исто така повторено од Мајк Џозеф од PopMatters кој кажал дека песната има значително посилни пишувачки способности отколку претходните песни кои Ноулс ги одбрала за албумот.[23] Тим Фини од Pitchfork Media го пофалил целокупното производство на „Irreplaceable“, нарекувајќи ја најдобрата песна и „најголемото исплаќање“ на албумот.[33]
Лемб ја сместил „Irreplaceable“ на нивната страница како една од најсилните песни на албумот и забележал дека е „предмет на женска сила и независност“.[18] Тој ја ранкирал песната на третото место на списокот на топ 100 поп песни од 2006[38] додека Марк Едвард Неро од About.com ја ранкирал како деветта најдобра Р&Б песна од 2006, пишувајќи: „Оваа песна е составена од модерна класика. Сите кои ја мразат Бијонсе треба да се движат 'налево, налево.'“[39] Инди-ориентираното мрежно место Pitchfork Media's Ryan Schreiber ја нарекол песната „најсофистицираната“ и нејзиниот „најискрен настап до денеска“.[40] Бери Шварз од Stylus Magazine напишал дека „Irreplaceable“ ја повторил „блиската совршеност [на „Crazy in Love“] и ги содржи нејзините најискрени емоционални вокали до денеска, содржи еднакви ранети, вознемирени, налутени, кривични и антипатични делови“.[41]
Во 2009, Pitchfork Media's Ryan Schreiber ја ранкирал песната на 183 место на списокот на топ 500 песни на деценијата.[42] Бил Лемб од About.com ја ранкирал песната на деветнаесеттото место на списокот на топ 100 поп песни од деценијата во 2000-тите, пишувајќи: „Елементот кој ја прави 'Irreplaceable' на Бијонсе да одекнува повеќепати е тоа што предметот кој е за женската сила е во сржта на целиот нејзин албум B'Day како и во песната. 'Irreplaceable' ќе потсетува многу слушачи на централните концепти од Waiting to Exhale (1995) од Тери Мекмилан кој останува културно мерило 15 години по неговото издавање.“[43] Роулинг Стоун ја ранкирал песната на шеесеттото место на нивниот список на 100 најдобри песни од 2000-тите.[44] „Irreplaceable“ ја освоил наградата Soul Train Music Award во 2007 за најдобар Р&Б/соул сингл, жеснки,[45] и во 2007 ја освоил Nickelodeon Kid's Choice Award наградата за омилена песна.[46] Синглот бил номиниран на Греми Наградите од 2008 за снимено дело на годината,[47] како и за песна на годината на шоуто за награди VH1 Soul Vibe.[48] Песната била доделена меѓу првите пет најголеми изведени песни во 2008 година на ASCAP Поп Музички Награди.[49]
Песната „Irreplaceable“ се искачила на различни табели ширум светот и станала најуспешниот сингл издаден од B'Day. Синглот за првпат се искачил на Билборд Хот 100 табелата во САД на 4 ноември 2006 на осумдесет и седмото место.[50] „Irreplaceable“ се искачувал на табелите брзо поради тешкиот ерплеј и ја добил сертификацијата за најдобар ерплеј освојувач бидејќи останал шест последователни недели почнувајќи од декември 2006.[51][52] Три недели по неговото издавање, му помогнал на B'Day повторно да влезе во првите десет на табелата Билборд 200.[1] Синглот се искачил на првото место на 16 декември, со што станал четвртиот број-еден сингл на Ноулс како соло артист,[53] и нејзиниот втор број-еден сингл во 2006, следејќи го „Check on It“ со Slim Thug. Синглот поиминал десет последователни недели на врвот,[51][54] а потоа бил заменет од синглот на канадската пејачка Нели Фуртадо, „Say It Right“ на 24 февруари 2007.[55] Овој подвиг бил постигнат и во 2006 година откако синглот од 2005 на Кање Вест и Џејми Фокс, „Gold Digger“ останал десет недели на врвот.[55] „Irreplaceable“ исто така го срушил девет-неделниот рекорд на поранешниот сингл на Ноулс „Baby Boy“, но не успеал да го сруши единаесет-неделниот рекорд на синглот од 2000 на нејзината поранешна група Destiny's Child наречен, „Independent Women Part I“.[55] На списокот на број-еден синглови од женски текстописци, „Irreplaceable“ ѝ донел трето место на Ноулс, победувајќи ги американските пејачки Џенет Џекосн и Керол Кинг и израмнувајќи ја со Дајан Ворем со девет број-еден синглови. Ноулс добила три пишувачки кредити за една година со што станала единствената жена која го постигнала тоа по Кинг во 1971 и Кери во 1991.[56] Синглот останал на табелата триесет недели,[54] и добил 2x Платина од Снимачката индустриска асоцијација на Америка на 20 јули 2007.[57] Исто така дополнително добил 3x платина за Master Ringtones на 27 јули 2007. Според Mediabase и Nielsen Broadcast Data Systems, „Irreplaceable“ ги поминал впечатоците на 200 милионската публика на 11 декември 2006.[58] Претходниот сингл на Ноулс, „Check on It“ (2005) го постигнал истиот успех на 31 јануари 2006.[58] Ноулс станала вториот женски артист кој го постигнал ова во САД по двата синглови на Мараја Кери, „We Belong Together“ (2005) и „Shake It Off“ (2005) кои според Mediabase ги поминале впечатоците на 200 милионската публика во 2005.[58] „Irreplaceable“ останал единаесет недели на првото место на Хот 100 Ерплеј табелата во САД.[59] Шпанската верзија на песната, „Irreemplazable“ се искачила на табелите, заземајќи го четвртото место на табелата Хот Латински Песни.[60] EP албумот Irreemplazable се појавил на второто место на Латински Поп Албуми, на третото место на Топ Латински Албуми, на четириесет и првото место на Топ Р&Б/Хип-Хоп Албуми и на 105 место на Билборд 200.[61][62] „Irreplaceable“ бил најдобар сингл во САД во 2007, искачувајќи се на првото место на Топ Хот 100 Хитови.[63][64] Од септември 2009, синглот достигнал повеќе од 2,697,000 дигитални спуштања во САД.[65] Во февруари 2010, Снимачката Индустриска Асоцијација на Америка го вброила „Irreplaceable“ како најпродаваниот мастер рингтон од 2000-тите од женски соло артист.[66]
„Irreplaceable“ се искачил добро и на интернационалните табели. Во Океанија, „Irreplaceable“ за првпат се искачил на осмото место на австралиската ARIA табела за синглови, а потоа останал три последователни недели на првото место со што станал првиот број-еден хит на Ноулс во тој регион. „Irreplaceable“ добил платинска сертификација од ARIA со 70,000 продадени копии.[67] Синглот се појавил двапати на годишните табели на ARIA рангиран на дваесет и третото место во 2006,[68] и четириесет и второто место во 2007.[69] „Irreplaceable“ за првпат се искачил на табелата за синглови во Нов Зеланд на 6 ноември, а потоа на првото место и останал на табелата осумнаесет недели. Синглот исто така останал 13 недели на второто место во Индонезија. „Irreplaceable“ се искачил на четвртото место во Обединетото Кралство, а во топ 15 ширум земјите во Европа.[54] Покрај тоа што останал на 4 место во Обединетото Кралство, синглот поминал 12 недели во топ 20, а целосно поминал 25 недели на различни места на табелата со што станал петтиот најдолго искачуван сингл на Ноулс „Crazy in Love“ и „Déjà Vu“, но помалку од нејзините понови хитови како „If I Were a Boy“, „Single Ladies (Put a Ring on It)“, „Halo“ и „Sweet Dreams“. На табелата UK iTunes, „Irreplaceable“ е момоментално најспуштаната песна која не е од албумот I Am... Sasha Fierce и сè уште се искачува табелата топ 30 од Р&Б/Соул песни.[70]
Музичкото видео за „Irreplaceable“ било режирано од Антони Мандлер, кој исто така помогнал во режирањето на „Get Me Bodied“. Во видеото исто така е прикажана изведбата на женскиот бенд на Ноулс, Suga Mama, кој исто така се појавил и во музичкото видео за „Green Light“. Моделот кој го глуми нејзиното поранешно момче во видеото е Боби Роуч кој исто така имал улога на полициски офицер во видеото за „Ring the Alarm“, а исто така настапувал со Џеј-Зи и Ноулс на нивната изведба на шоуто од 2006, Fashion Rocks.[71] Видеото се нашло на B'Day Anthology Video Album во 2007 и видео уредување било продуцирано за „Irreemplazable“. Делот од видеото во кој Ноулс танцува пред стаклена врата е инспириран од филмот за Џејмс Бонд.[72] Подоцна на јануари 2008, „Irreemplazable“ бил прикажан на MiTRL, а видео одбројување имало на двојазичниот канал MTV Tr3s.[73]
Музичкото видео ја следи приказната од песната. „Таа ми рече да ги спакувам сите мои работи и ме избрка - видеото започнува така“, рекол Роуч.[71] Започнува со Ноулс која ги стружи ноктите во тишина, додека нејзиниот поранешен партнер ги собира неговите работи и се подготвува да замине бидејќи Ноулс така му наредила. Кон средината на видеото, Ноулс го следи нејзиното поранешно момче надвор од куќата и се потпира на Jaguar XK од 2007. Таа почнала да го милува претенциозно, само за да дознае дали го интересираат работите кои таа ги купила за него. Тој ги напушта нејзе и колата и заминува со такси. Помеѓу овие сцени Ноулс е прикажана како се гледа во огледало; става кармин, носи големи витлери и здолниште. Кон крајот на видеото таа пее заедно со нејзиниот женски бенд, Suga Mama. Завршува со поздравот на нејзиниот нов дечко на предната врата.
На Black Entertainment Television (BET) Наградите, Ноулс освоила награда за видео на годината за „Irreplaceable“, награда за која бил номиниран и синглот „Beautiful Liar“.[74][75] Било номинирано за видео на годината и на 2007 MTV Видео Музички Награди,[76] но наградата отишла кај синглот на Ријана, „Umbrella“.[77] На Soul Train Music Awards од 2007, видеото било номинирано за Мајкл Џексон награда за најдобро Р&Б/Соул или рап музичко видео, но наградата отишла кај нејзиниот маж, раперот Џеј-Зи за видеото за песната „Show Me What You Got“.[45][78]
Песната била изведувана во неколку јавни појавувања на Ноулс. Шетајќи околу сцената со светло мини здолниште, таа ги отворила Американски Музички Награди од 2006 изведувајќи ја „Irreplaceable“.[79] Ноулс исто така изведувала на The Ellen DeGeneres Show на 5 септември 2006.[80] Американскиот кантри бенд Sugarland, кој бил познат по тоа што ги преработувал песните на Ноулс во неговите настапи во живо, бил придружен од неа за време на изведбата на кантри верзијата на „Irreplaceable“ на Американските Музички Награди од 2007.[81][82] Поради нејзините настапи во живо на „Irreplaceable“ на наградните церемонии и телевизиските емисии, песната била дел од сет-списокот на The Beyoncé Experience во Лос Анџелес и на I Am... Tour за време на различни допирања во Odyssey Arena во Северна Ирска, the O2 Arena во Лондон, Атина во Грција и Сиднеј во Австралија.[83] На 5 август 2007, Ноулс ја изведувала песната во Madison Square Garden во Менхетен.[84][85] Песната „Irreplaceable“ завршила ноќта, но пред тоа, таа ѝ кажала на публиката дека последните два часа кои ги пеела биле за нив и дега дошло време тие да пејат за неа.[84] Затоа целата сала го пеела првиот стих од песната; „To the left, to the left (налево, налево)/ Everything you own in a box to the left (сè што поседуваш е во кутијата налево) / In the closet, that's my stuff (во плакарот се моите работи)/ Yes, if I bought it, please don't touch (да, ако ги имам купено јас, те молам не ги допирај).“[84] Ноулс подоцна продолжила довршувајќи ја песната.[84] Џон Парелс од Њујорк Тајмс ја пофалил ефикасноста на настапот, кажувајќи: „Бијонсе нема потреба од одвлекување на вниманието од нејзиното пеење, кое може да биде воздушесто или металично, насолзено или опасно, скорострелно со продолжени слогови. Но, таа беше во постојано движење, во костими [...]“.[85]
Во Лос Анџелес, Ноулс имала целосна изведба на песната. Била извршена без резервни танчери и без инструменти во живо. Кога концертот завршувал, Ноулс ѝ дала на публиката да пее станувајќи грациозна позната личност, покажувајќи на поединечни обожаватели во публиката велејќи им : „Те гледам!“ опишувајќи ги нивните алишта или знаците кои ги држеле, давајќи впечаток дека изведувачот станува набљудувач. Потоа ја довршила песната сама. „Irreplaceable“ служела како затворачка песна на нејзината турнеја од 2007, The Beyoncé Experience. Оригинално била изведувана кон крајот на турнејските датумите, но била пренесена кога Ноулс се оддала на етапата во САД.[86] Кога Ноулс ја изведувала песната во Санрајс, Флорида на 29 јуни 2009, носела трико од сјајно злато. Додека пеела зад неа и нејзиниот бенд се појавувале слики од маси кои се превртуваат.[87] Ноулс била придружена од нејзините два тапанари, перкусионист, дувачка секција, 3 резервни вокалисти наречени the Mamas и водечки гитарист, Биби Мекгил.[88] Снимката од изведбата на Стејплс Центар, Лос Анџелес била вклучена на ДВД-то во The Beyoncé Experience Live! (2007),[89] и на делукс изданието од I Am... World Tour (2010).[90] Во мај 2007, песната била искористена во последната сцена од „When the Chickens Come Home to Roost“, првата сезона од CW/BET серијата Играта.[91]
|
|
Кредитите се преземени од B'Day.[5]
|
|
Неделни табели
|
Табели кон крајот на годината
Табели кон крајот на декадата
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
