![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/6b/Political_map_of_Central_Africa_mk.svg/langmk-640px-Political_map_of_Central_Africa_mk.svg.png&w=640&q=50)
Централна Африка
From Wikipedia, the free encyclopedia
Централна Африка е средиштен регион во Африка во кој влегуваат Бурунди, ДР Конго, Руанда, Централноафриканската Република и Чад.
![Thumb image](http://upload.wikimedia.org/wikipedia/commons/thumb/6/6b/Political_map_of_Central_Africa_mk.svg/640px-Political_map_of_Central_Africa_mk.svg.png)
![Thumb image](http://upload.wikimedia.org/wikipedia/commons/thumb/0/01/Political_map_of_Central_Africa_according_UN_mk.svg/640px-Political_map_of_Central_Africa_according_UN_mk.svg.png)
Средна Африка (како географски подрегион на ООН) е сличен географски поим кој ги опфаќа Ангола, Габон, Екваторска Гвинеја, Камерун, ДР Конго, Република Конго, Саун Томе и Принсип, Централноафриканската Република и Чад.[1] Сите држави во оваа област на ООН, заедно со другите што обично се сметаат за дел од централна Африка (вкупно 11), ја сочинуваат Економската заедница на централноафриканските држави (ECCAS).[2]
Централна Африка ги опфаќа териториите што, главно, му припаѓаат на сливот на реката Конго. Таа опфаќа дел од внатрешниот слив на езерото Чад и непосредниот слив на Атлантскиот Океан. Се простира во екваторскиот појас, така што се одликува со типична екваторска клима, со високи температури (25°С) и голема влажност. Има густа речна мрежа и разновиден растителен свет, главно претставен со непрегледни прашуми и савани, и разновиден животински свет - слонови, мајмуни, птици, влекачи и инсекти.