SETI-Institut

De SETI-Institut (SETI= Search for Extraterrestrial Intelligence) ass eng regierungsfräi Organisatioun ouni Gewënnzweck, déi sech mat der Sich no intelligentem ausserierdesche Liewe befaasst.^[1] E gouf den 20. November 1984 als privat allgemeng nëtzlech Entreprise gegrënnt a gëtt vu ville Sponsoren ënnerstëtzt. Dozou gehéieren z. B. d'NASA, awer och Entreprisë wéi Hewlett Packard. Den Haaptsëtz ass zu Mountain View am Santa Clara County.

Zil vum SETI-Institut ass d'Fuerschen, d'Verstoen an d'Erkläre vum Urspronk vun der Natur a vum Liewen am Universum. Dofir gi Radioteleskope benotzt. Ufanks 2011 hat d'Institut aus Geldnout d'Fuerschung mam Allen Telescope Array missen ënnerbriechen.^[2] Am November 2011 konnt d'Fuerschung mam ATA weiderfueren, nodeem eng weider Finanzéierung vu private Sponsoren a vum Air Force Space Command koum.^[3],[4]

De SETI-Institut mécht beim Projet NEOShield mat.

Kuckt och

Portal Astronomie

• SETI@home
• Astrobiologie

Um Spaweck

• Websäit vun der Organisatioun
• (en) SETI Institute Lectures bei YouTube
• SETI Institute Weekly Colloquium ofgeruff de 27. September 2013

Referenzen

1. Frequently Asked Questions seti.org, ofgeruff den 12. Mäerz 2012
2. Allen Telescope Array forced offline seti.org
3. US-Militär sponsert Alien-Jäger spiegel.de
4. The Allen Telescope Array: SETI's Next Big Step skyandtelescope.com, ofgeruff den 22. Februar 2012.