De Raymond Roman Thierry Polański, gebuer Liebling den 18. August 1933 zu Paräis, ass e franséisch-polnesche Filmregisseur a -produzent, Dréibuchauteur a Schauspiller.
| Roman Polański | |
|---|---|
 | |
| Gebuertsnumm | Raymond Thierry Liebling |
| Pseudonym | Romek |
| Gebuer |
18. August 1933 Paräis |
| Nationalitéit | Polen, Frankräich |
| Aktivitéit | Filmregisseur, Schauspiller, Filmproduzent, Dréibuchauteur, Schrëftsteller, Charakterschauspiller, Filmschauspiller, Theaterregisseur, Regisseur |
| Member vun | Académie des beaux-arts |
| Famill | |
| Bestuet mat | Barbara Lass, Emmanuelle Seigner |
| Kanner | Morgane Polanski |
 | |
De Polański ass de Jong vu polnesch-jiddeschen Elteren. 1937 ass d'Famill vu Paräis op Kraków geplënnert. Zwee Joer drop huet mam Iwwerfall op Polen duerch Nazi-Däitschland den Zweete Weltkrich ugefaang, an d'Famill gouf am Krakauer Ghetto agespaart. Nodeem seng Mamm a säi Papp vun do a KZer deportéiert goufen, huet de Polański seng formativ Joren a Fleegefamille verbruecht, an den Holocaust iwwerlieft, andeems en eng falsch Identitéit ugeholl a säi jiddesch Originne verstoppt huet.
Dem Polański säin éischte Spillfilm, Nóż w wodzie (Knife in the Water) (1962), deen en a Polen gedréint huet, gouf fir den Oscar fir Beschten auslännesche Film nominéiert. Nodeems hien e puer Joer a Frankräich gelieft hat, ass hien a Groussbritannien geplënnert, wou hien seng éischt dräi engleschsproocheg Spillfilmer gedréint huet: Repulsion (1965), Cul-de-sac (1966), an The Fearless Vampire Killers (1967). 1968 ass hien an d'USA gaangen, wou hie mam Horrorfilm Rosemary's Baby direkt grousse Succès an Unerkennung fonnt huet. Dono huet hien Macbeth (1971) an England a Chinatown (1974) zu Hollywood opgeholl. Zu sengen weidere Filmer, déi vun der Kritik gelueft goufen, zielen Le locataire (1976), Tess (1979), The Pianist (2002), fir deen hien den Oscar fir dee Beschte Regisseur an eng Gëlle Palm krut, The Ghost Writer (2010), Venus in Fur (2013), a J'accuse (2019). Nieft dem schonn ernimmten Oscar krut de Polański och zwéi British Academy Film Awards, zéng Césaren, zwéi Golden Globe Awards an ee Gëllene Bier.
1969 gouf dem Polański seng schwanger Fra, d'Schauspillerin Sharon Tate, zesumme mat véier Frënn vun de Membere vun der Manson Family ëmbruecht.
1977 gouf de Polański festgeholl wéinst Drogen a Vergewaltegung vun engem 13 Joer ale Meedchen. Deen Dag virum Urteel ass hien aus den USA an Europa geflücht, wou hie weider geschafft huet.
Filmographie
- 1962: Nóż w wodzie
- 1965: Repulsion
- 1966: Cul-de-sac
- 1967: The Fearless Vampire Killers
- 1968: Rosemary's Baby
- 1971: Macbeth
- 1972: What?
- 1974: Chinatown
- 1976: The Tenant
- 1979: Tess
- 1986: Pirates
- 1988: Frantic
- 1992: Bitter Moon
- 1994: Death and the Maiden
- 1999: The Ninth Gate
- 2002: The Pianist
- 2005: Oliver Twist
- 2010: The Ghost Writer
- 2011: Carnage
- 2013: La Vénus à la fourrure
- 2017: D'après une histoire vraie
- 2019: J'accuse
Um Spaweck
| Commons: Roman Polański – Biller, Videoen oder Audiodateien |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
