lëtzebuergeschen Herpetolog From Wikipedia, the free encyclopedia
De Robert Thorn, gebuer de 24. August 1925 an der Stad Lëtzebuerg, an do gestuerwen den 23. November 2012, war e lëtzebuergeschen Herpetolog.
Robert Thorn | |
---|---|
Gebuer | 24. August 1925 |
Gestuerwen | 23. November 2011 |
Nationalitéit | Lëtzebuerg |
Aktivitéit | Herpetolog |
![]() |
De Robert Thorn, dee virdrun Offizéier an der belscher Handelsmarine war, huet vun 1955 u bis zu senger Preretraite am Joer 1982 als Employé bei der Arbed geschafft. Hie war um Schluss vu senger Carrière « Chef comptabel » am Sëtz vun der Arbed an der Stad.
De R. Thorn, dee vu Jonktem u Molchen a Salamandere geziicht huet, war en unerkannten Herpetolog. Säi Buch « Les Salamandres d'Europe, d'Asie et d'Afrique du Nord », deem seng Préface vum Jean Rostand geschriwwe gouf, mat deem de R. Thorn a privatem Kontakt stoung, huet hien international bekannt gemaach. Eng zweet, zesummen mam Jean Raffaëlli revidéiert a komplettéiert Editioun, ass 2001 ënner dem Titel « Les Salamandres de l'Ancien Monde » erauskomm.
De Robert Thorn war e « Correspondant » vum Muséum national d'histoire naturelle vu Paräis an e « Collaborateur scientifique » vum lëtzebuergeschen naturhistoresche Musée. Hie war « Membre correspondant » vun der Section des sciences vum Institut grand-ducal.
De R. Thorn huet sech awer net nëmme fir Lurchen intresséiert. Esou huet hien 1993 de Léopold Reichling op d'Entdeckung vum Far Trichomanes speciosum an der Géigend vun der Petite Suisse opmierksam gemaach, wou si dann zesummen no der Planz gesicht a se duerno experimentell geziicht hunn.[1]
Als Unerkennung fir säin Asaz fir de Naturschutz krut de R. Thorn de Präis Hëllef fir d'Natur 1999, deen him den 11. Februar 2000 iwwerreecht gouf.
2004 gouf hie Commandeur vum Ordre de Mérite du Grand-Duché de Luxembourg.[2]
Am Abrëll 2005 krut hien d'«Professer-Dr.-Edmond-Klein-Medail» am Vermeil vum Veräin AAT - Garten- und Teichfreunde Luxemburgs.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.