From Wikipedia, the free encyclopedia
Déi 97. Editioun vum Tour de France gouf 2010 vum 3. bis de 25. Juli gefuer. D'Course hat eng total Distanz vun 3.642 Kilometer. 197 Coureure sinn an 22 Ekippen un den Depart gaangen, 170 dovun hunn et och iwwer d'Zillinn gepackt.
Gewonne gouf den Tour, grad wéi deen d'Joer virdrun, vum Spuenier Alberto Contador. Zweete gouf den Andy Schleck, drëtten de Russ Denis Menschow.
De 6. Februar 2012 huet den Tribunal Arbitral du Sport zu Lausanne an engem Urteel de Contador fir 2 Joer wéinst Doping gespaart, an him ë. a. den Titel vum Gewënner vum Tour de France 2010 oferkannt. Domat ass den Andy Schleck annerhalleft Joer duerno als Vainceur 'nogerëtscht'.
De brittesche Sprinter Mark Cavendish huet fënnef Etappe gewonnen, an der Lutte ëm de gréngen Trikot gouf hien awer just den Zweeten hanner dem Italieener Alessandro Petacchi.
Beschte Grimpeur gouf de Fransous Anthony Charteau, viru sengem Landsmann Christophe Moreau an dem Andy Schleck.
De wäissen Trikot vum beschte jonke Coureur hat den Andy Schleck zanter der siwenter Etapp an e sollt en, wéi déi zwee Joer virdrun, och net méi hierginn.
De Präis vum Super combatif goung un de Fransous Sylvain Chavanel.
Als beschten Ekipp huet sech d'Team RadioShack erausgestallt.
Um Programm stoungen néng Flaachetappen, véier Etappe mat Hiwwelen a sechs Biergetappen, dorënner der dräi mat Biergarrivée.
Ongewéinlech war beim Tour 2010, datt et ausser beim Prolog just nach een Eenzelzäitfuere gouf. En Ekippenzäitfuere war iwwerhaapt net virgesinn.
Haart Kritik un den Organisateure gouf et, well verschidde Strecken och iwwer Pavé gefouert hunn, wou vill Coureure gefall sinn, dorënner och de Fränk Schleck, dee sech dobäi d'Schlësselbeen gebrach huet.
Cyclist | Land | Ekipp | Zäit | ||
---|---|---|---|---|---|
an | 91 h 58 min 48 sek | ||||
Andy Schleck | Lëtzebuerg | Team CSC-Saxo Bank | + | 39 sek | |
Denis Menschow | Russland | Rabobank | + | 2 min 31 sek | |
Samuel Sánchez | Spuenien | Euskaltel-Euskadi | + | 3 min 40 sek | |
Jurgen Van den Broeck | Belsch | Omega Pharma-Lotto | + | 6 min 54 sek | |
Robert Gesink | Holland | Rabobank | + | 9 min 31 sek | |
Ryder Hesjedal | Kanada | Garmin-Transitions | + | 10 min 15 sek | |
Joaquim Rodríguez | Spuenien | Team Katjuscha | + | 11 min 37 sek | |
Roman Kreuziger | Tschechesch Republik | Liquigas-Doimo | + | 11 min 54 sek | |
Christopher Horner | USA | Team RadioShack | + | 12 min 02 sek | |
Luis León Sánchez | Spuenien | Caisse d'Épargne | + | 14 min 21 sek | |
Rubén Plaza | Spuenien | Caisse d'Épargne | + | 14 min 29 sek | |
Levi Leipheimer | USA | Team RadioShack | + | 14 min 40 sek | |
Andreas Klöden | Däitschland | Team RadioShack | + | 16 min 36 sek | |
Nicolas Roche | Irland | ag2r La Mondiale | + | 16 min 59 sek | |
Alexander Winokurow | Kasachstan | Astana | + | 17 min 46 sek | |
Thomas Lövkvist | Schweden | Team Sky | + | 20 min 46 sek | |
Kevin De Weert | Belsch | Quick Step | + | 21 min 54 sek | |
John Gadret | Frankräich | ag2r La Mondiale | + | 24 min 04 sek | |
Carlos Sastre | Spuenien | Cervélo TestTeam | + | 26 min 37 sek | |
Daniel Moreno | Spuenien | Omega Pharma-Lotto | + | 29 min 38 sek | |
Christophe Moreau | Frankräich | Caisse d'Épargne | + | 34 min 1 sek | |
Lance Armstrong | USA | Team RadioShack | + | 39 min 20 sek | |
Bradley Wiggins | Vereenegt Kinnekräich | Team Sky | + | 39 min 24 sek | |
Sandy Casar | Frankräich | FDJ | + | 45 min 52 sek |
Tour de France |
1903 | 04 | 05 | 06 | 07 | 08 | 09 | 10 | 11 | 12 | 13 | 14 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 2000 | 01 | 02 | 03 | 04 | 05 | 06 | 07 | 08 | 09 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 |
Commons: Tour de France 2010 – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.