De Guy Wagner, gebuer den 20. Abrëll 1938 an der Stad Lëtzebuerg[1], a gestuerwen de 17. Mee 2016[2],[3], war e lëtzebuergesche Schrëftsteller an Auteur.
Guy Wagner | |
---|---|
![]() | |
Gebuer |
20. Abrëll 1938 Lëtzebuerg |
Gestuerwen | 17. Mee 2016 |
Nationalitéit | Lëtzebuerg |
Aktivitéit | Schrëftsteller |
Member vun | Lëtzebuerger Schrëftstellerverband |
![]() |
Liewen
De Guy Wagner huet seng Kandheet a seng Jugend zu Beddler verbruecht, wuer en 1980 zeréckgaangen ass.
Hie war Schoulmeeschter, huet du vun 1979-1983 seng Universitéitsstudien zu Lëtzebuerg an zu Metz niewelaanscht gemaach a mat "grande distinction" ofgeschloss, war Professer am Lycée technique Mathias-Adam zu Péiteng (1976-1980) an am Lycée technique Joseph-Bech zu Gréiwemaacher (1980-1985), a schliisslech vun 1994 bis 2000 am Lycée technique des arts et métiers an der Stad Lëtzebuerg. An der Tëschenzäit huet en zu Esch-Uelzecht gelieft, wou e vun 1978 bis 1980 fir d'LSAP am Gemengerot war. Vun 1985 bis 1992 war en Direkter vum Escher Theater, deem en nei Impulser ginn huet. Zanter dem 1. Januar 2000 war en a Pensioun.
Hie war vu jonke Joren u kulturell aktiv an huet vun 1963 un an Zeitunge matgeschafft. Vun 1970 un war hie Mataarbechter am Tageblatt, war vun 1973 bis 1976 zesumme mam Mars Klein zoustänneg fir d'kulturell Bäilag Le Phare an huet vun 1995 un d'Koordinatioun vu kulturissimo gemaach. Hie war och Mataarbechter vun der Musekszäitschrëft Pizzicato an huet d'Wierkcommentairë fir d'Concerte vun de Solistes Européens Lëtzebuerg geschriwwen.
1981 war hie Matgrënner an éischte President vum Cercle Européen pour la Propagation des Arts, CEPA,[4] deen all Joer d'Summerakademie organiséiert.
Hien huet an dräi Sproochen: lëtzebuergesch, däitsch a franséisch geschriwwen a war och als Iwwersetzer bekannt.
Hien huet vum Eugène Ionesco La Cantatrice chauve, vum Jean Anouilh Antigone a vum Samuel Beckett de kompletten Theater iwwersat. 2006 ass seng Iwwersetzung vun Endspill mat vill Erfolleg am Escher Theater an der Inszenéierung vum Theaterdirekter Charles Muller kreéiert ginn.
Hien huet och mam Guy Rewenig um Stéck d'Sakgaass vum Josy Braun matgeschafft an an den Opféierunge matgespillt a war aktiv am Ensembel d'Huwwelbänk.
E war Matgrënner vum Lëtzebuerger Schrëftstellerverband an huet sech ëm deem säin Internet-Site gekëmmert.
Seng Texter goufen an nationalen an an internationalen Anthologien publizéiert.
Als Auteur huet hien 1979 zwéin éischt Präisser am Concours littéraire national mat Ee wéi deen aneren - (1980 an enger Inszenéierung vum Ed Kohl am Hei elei, kuck elei opgefouert... et gouf deemools grouss Opregung am Wort) -, a mat Aller Tage Abend (ni gespillt). Duerno krut en och nach 2004/2005 mat Winterreise. Roman, e Wierk iwwer d'Liewe vum Franz Schubert, an 2006, mat D'Enn, mäi Frënd all Kéier den éischte Präis am selwechte Concours.
![Thumb](http://upload.wikimedia.org/wikipedia/lb/thumb/a/a6/MT_GW-AK.jpg/640px-MT_GW-AK.jpg)
Hie war en enke Frënd vum Mikis Theodorakis an huet 1983 d'International Stëftung Mikis Theodorakis Filiki gegrënnt, déi de Site mikis-theodorakis.net an dräi Sproochen: englesch, franséisch, däitsch betreit. De bedeitende griichesche Komponist huet him 2001 eng Kompositioun, d'Bünemusek zu Medea, dediéiert.
Bicher
Éditions PHI:
- Mikis Theodorakis. Eine Biographie, 1983, ISBN 3-88865-020-8 (vergraff)
- Ziviler Ungehorsam, Illustratioune vum Alphonse Hutsch, 1984, ISBN 3-88865-019-4
- Luxemburger Komponisten heute, 1985, ISBN 3-88865-041-0
- Helleg Famill. Theatertrilogie, 1988, ISBN 3-88865-069-0 besteet aus Ee wéi deen aneren, Hänk dech dach nëmmen op, Dës Kéier kraacht et, an der ganzer Poleemik ëm déi dräi Stécker.
- Mikis Theodorakis. Ein Leben für Griechenland, 1995, ISBN 3-88865-125-5 (Virwuert: Mikis Theodorakis)
- Mikis Theodorakis. Une vie pour la Grèce, 2000, ISBN 2-87962-125-9 (Virwuert: Mikis Theodorakis)
- Winterreise. Roman, 2005, ISBN 2-87962-206-9
- Samuel Beckett: Theater - Waarden op de Godot, Endspill, Katastroph, Wat wou - Iwwersetzungen, 2006, ISBN 2-87962-210-7
- Notturno. Zwee Stécker fir zwou Persounen. Coll. Amphitheater, 2011, ISBN 978-2-87962-256-9
Éditions le Phare (Editpress):
- Texte um Spuren, 1978
- Emile Kirscht. Monographie d'un peintre, 1987, ISBN 2-87964-000-8
- Frère Mozart, 1991, ISBN 2-87964-013-X
- Artiste en Résidence - Pierre-Laurent Aimard à la Philharmonie, 2007, ISBN 2-87964-100-3 (kulturissimo - Le Phare) - Zesumme mam Ariel Wagner-Parker
- Doppelleben - Robert Alesch, Geistlicher und Denunziant, Samuel Beckett, Schriftsteller und Résistant. Mit einem Anhang der Erinnerung und 24 Bildern, 2015, ISBN 978-99959-37-16-4
Éditions MOL - GALERIE:
- Keng Dreem méi. MOL No. 24, 1981
- Der Herr und der Meister. 3 Kurzgeschichten um Mozart, 2006
Éditions EMA/SEL:
- Bruno Walter und Erich Wolfgang Korngold: eine lebenslange Freundschaft in sieben Etappen. 2008. Sonnerdrock (Kremer-Müller)
Amalthea Verlag, Wien/München:
- Bruder Mozart. Freimaurerei im Wien des 18. Jahrhunderts, 1996 (2. Oplo: 2003), ISBN 3-85002-502-0
Éditions Uraeus Czerwiec (Polen):
- Brat Mozart, 2001, ISBN 83-85732-85-3
Éditions Typothito, Athen:
- Mikis Theodorakis. Mia zoi gia tin Ellada, 2003, ISBN 960-402-008-0
Verlag Matthes & Seitz, Berlin:
- Korngold. Musik ist Musik, 2008, ISBN 978-3-88221-897-8
Rombach Verlag Freiburg, Berlin, Wien:
- Die Heimkehr. Vom Sterben und Leben des Gustav Mahler. Roman mit Dokumentencollage, 2011, 369 S. ISBN 978-3-7930-9665-8
- Nochmals hoffend. Roman zu Paul Klee, 2014, ISBN 978-3-7930-9750-1
Auszeechnungen
- Ungaresch Franz-Liszt-Medail fir besonnesch Verdéngschter ëm déi ungaresch Kultur (als eenzege Lëtzebuerger)
- Chevalier des Arts et des Lettres
- Bundesverdienstkreuz Erster Klasse
- Commandeur vum griichesche Uerde vum Phoenix
- 1. Laureat vum René-Oppenheimer-Präis
- Prix Henri et Madeleine Muller (2007)
- Prix du Mérite culturel de la Ville d'Esch-sur-Alzette 2010
Kuckt och
Um Spaweck
- Eegen Homepage
- Um Internet-Site vum LSV
- Um kanadesche Site Voix d'écrivains
- Wien sehen und sterben, Bespriechung vun Die Heimkehr. Vom Sterben und Leben des Gustav Mahler, Marc Fiedler, D'Lëtzebuerger Land, 2. Dezember 2011 archivéiert
Referenzen
- Luxemburger Lexikon, 1. Oplo, 2006. S. 449
- "Schrëftsteller a Publizist Guy Wagner gestuerwen." rtl.lu, 17.05.2016, 13:10:19
- Kieffer, M., 2016. Theaterautor, Intendant und Theodorakis-Biograf. Streitbar, kreativ und vielseitig. Guy Wagner gestern 78-jährig verstorben. Luxemburger Wort vum 18. Mai 2016, S. 16.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.