Historiae Alexandri (Clitarchus)
From Wikipedia, the free encyclopedia
Historiae Alexandri (Graece Περὶ Ἀλέξανδρον ἱστορίαι) fuit opus a Clitarcho, historici Dinonis Colophonii filio, scriptum seu de vita Alexandri Macedonis seu de rebus ab aulicis eius gestis et visis. Hoc opus in libros duodecim vel plures divisum, hodie deperditum, citaverunt Athenaeus in Deipnosophistis, Plinius in Naturali historia, aliique. Fragmenta fere 30 nominatim supersunt; censetur et alias res ab historicis Alexandri Magni recentioribus narratas ex opere Clitarchi haustas fuisse.
Ex opere Onesicriti, titulo Quomodo Alexander educatus sit, per Clitarchum, nobis venit historia de Alexandri cum Thalestria Amazonum regina amoribus (F 15).[1] e Clitarcho venit narratio de palatio Persepolitano suadente Thaide meretrice incenso (F 11).[2]
Hic index fragmentorum ex editione Felicis Jacoby trahitur:
- FGrHist 137 F 1 (e libro I): de penuria Thebanorum: Athenaeus, Deipnosophistae 148d
- 2 (e libro IV): de Sardanapalo: Athenaeus, Deipnosophistae 530a
- 3 (e libro V): de Myrrhae mytho: Stobaeus, Florilegium 4.20.73
- 4 (e libro V): de obsidibus Lacedaemoniis: Harpocration s.v. ὁμηρεύοντας
- 5 (e libro X): de tiara: Scholia in Aristophanis Aves 487
- 6 (e libro XII): de gymnosophistis: Diogenes Laertius, Vitae philosophorum 1.6
- 7: de epocha expeditionis Alexandri: Clemens Alexandrinus, Stromateis 1.139[3]
- 8: de proelio Issico: Cicero, Epistulae ad familiares 2.10.3
- 9: de Crono a Phoenicibus adorato: Scholia in Platonis Rem publicam 337A; Photius, Lexicon s.v. Σαρδόνιος γέλώς
- 10: de Babylone: Diodorus Siculus, Bibliotheca historica 2.7.3-4; Ioannes Tzetzes, Chiliades 9.569
- 11: de palatio Persepolitano suadente Thaide meretrice incenso: Athenaeus, Deipnosophistae 576d
- 12: de maribus mediae Asiae: Plinius, Naturalis historia 6.36[4]
- 13: de geographia mediae Asiae: Strabo, Geographica 11.1.5
- 14: de tenthredone insecto: Demetrius, De elocutione 304; Ioannes Tzetzes, Chiliades 7.49, 11.832
- 15: de Alexandri cum Thalestride Amazonum regina amoribus: Plutarchus, Vita Alexandri 46[5]
- 16: de Amazonibus: Strabo, Geographica 11.5.4
- 17: de Nysa monte: Scholia in Apollonii Rhodii Argonautica 2.904
- 18: de serpentibus Indiae: Aelianus, De natura animalium 17.2
- 19: de simiis Indiae: Aelianus, De natura animalium 17.25[6]
- 20: Strabo, Geographica 15.1.69
- 21: de catrea ave Indiae: Aelianus, De natura animalium 17.23
- 22: de orione ave Indiae: Aelianus, De natura animalium 17.22
- 23: de populis Indiae macrobiis: Plinius, Naturalis historia 7.28-29
- 24: de Ptolemaeo ad oppidum Sudracarum pugnante: Curtius, Historiae 9.5.21
- 25: de Indis regni Sambi occisis: Curtius, Historiae 9.8.15
- 26: de aestu: Strabo, Geographica 7.2.1
- 27: de Oritis pisces comedentibus: Plinius, Naturalis historia 7.30
- 28: de rupe salsa Indiae: Strabo, Geographica 5.2.6
- 29: de insulis maris Rubri: Plinius, Naturalis historia 6.198
- 30: de Glycera meretrice: Athenaeus, Deipnosophistae 586c
- 31: de legatione Romanorum: Plinius, Naturalis historia 3.57[7]
- 32: de sacerdotibus Martis: P.Oxy. 2.218 col. 2[8]
- 33: de Xerxe: Plutarchus, Vita Themistoclis 27.1
- 34: de Themistocle: Cicero, Brutus 42-43
- 35: de audacia: Stobaeus, Florilegium 4.12.13
- 36: Suda s.v. ἔχετον
- 37 (dubium): Phlegon Trallianus, Miracula 4-5
- 38-52: series apophthegmatum "Clitarcho" attributorum, huic libro haud idoneorum
Oportet addere fragmenta sine nomine Clitarchi tradita:
- de flumine Hypani: Curtius, Historiae 9.1.35 et Diodorus Siculus, Bibliotheca historica 17.93.1, ubi Clitarchus Onesicrito fonte scripserit[9]
Notae
Bibliographia
Nexus interni
Nexus externi
Wikiwand - on
Seamless Wikipedia browsing. On steroids.