From Wikipedia, the free encyclopedia
Clitumnus[1][2] (Italiane: Clitunno) est parvum flumen Italiae cuius totum cursum (60 km) Umbria regio continet.
 Fons Clitumni | |
| Nomina | |
|---|---|
| Nomina Latina | Clitumnus (-i, m.) |
| Nomina Vulgaria | Clitunno |
| Geographia physica | |
| Longitudo | 60 km |
| Moles decussis | 3,5 m³/s |
| Area ex qua aqua affluit | n.n. km² |
| Fons | Pissinianum |
| Ostium | Tinia |
| Geographia politica |  Italia |
| Terrae | |
| Regiones |  Umbria |
| Provinciae | Perusina |
| Urbes principes | Mevania |
| Tabula geographica | |
Iam antiqui naturam et amoenitatem fontis fluminisque ipsius et regionis laetissima pascua praebentis perscripserunt. E. g. Iuvenalis in saturis[3] suis de tauro pingui his in pascuis nutrito scripsit. Saepicule color albus vel candidus pellium boum e fluctibus Clitumni bibentium praedicatur, ut Vergilius in laudibus suis Italiae[4] de albis gregibus scribens itemque Servius[5] testantur. De Clitumno abluente niveos unda boves etiam apud Propertium[6] legimus. Similiter et Silius Italicus in Punicis[7] suis Clitumnum affert patulis in arvis candentes gelido perfundentem flumine tauros. In epistula quadam[8] Plinius Minor hanc regionem descripsit tamquam locum amoenum.
Ita nec mirum est, si et poetae nostrae aetatis amoenitatem huius fluminis laudibus efferunt, ut e. g. Iosue Carducci anno 1876 in praeclaro carmine Alle Fonti del Clitumno, in quo legitur: "Salve, Umbria verde, e tu del puro fonte nume Clitumno!" (Italiane "Salve, Umbria viridis, et tu, puri fontis numen, Clitumne!")
 |
Vicimedia Communia plura habent quae ad Clitumnum spectant. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
