![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/de/Comparison_mean_median_mode.svg/langla-640px-Comparison_mean_median_mode.svg.png&w=640&q=50)
Medietas
From Wikipedia, the free encyclopedia
Valor medius exspectatus, vel medietas,[1] in statistica est numerus quo distributiones statisticae singulo effinguntur valore. Cuius signum usitatum μ (mu) est.
![Thumb image](http://upload.wikimedia.org/wikipedia/commons/thumb/d/de/Comparison_mean_median_mode.svg/320px-Comparison_mean_median_mode.svg.png)
Exempli gratia, si habes copiam numerorum (2, 4, 6, 8, 10), medius horum numerorum valor arithmeticus est (2 + 4 + 6 + 8 + 10)/5 = 6. Sed si copia est (2, 3, 4, 6, 20), μ = 7, et si copia est (1, 1, 6, 7, 7), μ = 4.4.
Plus exacte, valor medius exspectatus est primum momentum centrale distributionis probabilisticae, cum medietas apud subcopiam exemplorum e populatione extractam computetur.
Alicubi in re mathematica habemus alios valores medios: valor medius arithmeticus, valor medius geometricus, valor medius harmonicus; magnitudo centralis est notio similis.
Multa sunt genera medietatum, quae ita subdividi solent:
- Medietates analyticae eae appellantur, quae adhibendis operationibus computentur cunctis characteris valoribus consideratae distributionis;
- Medietates laxae, ad quas computandas soli subcopiae valorum operationes illae adhibentur. In eis insunt medietates positionis, tamquam mediana et quantilia.
Exempli gratia, medietas arithmetica analytica est, sed quantile est laxum. Cum solorum characterum quantitativorum distributionibus analyticae adhibeantur medietates, medietatibus positionis etiam characteribus qualitativis ordinatis utimur.