Corinthus

Corinthus^[1] (-i, f., Graece Κόρινθος) est urbs Graeciae, quae ad Isthmum inter Paeninsulam Peloponnesum et mediam Graeciam iacet.

Corinthus

Res apud Vicidata repertae:

Civitas: Graecia
Locus:
Numerus incolarum: 30 816
Situs interretialis
Nomen officiale: Κόρινθος

Gestio

Procuratio superior: Corinth Municipality, Commune of Korinthos

Geographia

Superficies: 102.2 chiliometrum quadratum

Coniunctiones urbium

Urbes gemellae: Lugoj, Jagodina, Volcetium, Syracusae, Abilene

Tabula aut despectus

Corinthus: situs

Historia

Locus fuit habitationis humanae aevo neolithico (ab anno c. 6 500 a.C.n.). Aevo classico Corinthus fuit urbs florens et praeclara materque coloniarum notissimarum, ut ad mare Ionium Leucadis, Corcyrae, Epidamni, Ambraciae, Apolloniae, Anactorii... necnon Potidaeae in Chalcidica^[2]. Septimo et sexto saeculo a.C.n., tempore Cypselidarum tyrannorum e quibus illustrissimus est Periander, unus e septem sapientibus Graeciae^[3], maxime floruit. Sexto saeculo ineunte Foedus Peloponnesiacum et Lacedaemoniorum societatem adiere^[4]. Dissensiones cum Corcyraeis frequentissimae fuerunt^[5] ita ut anno 433 a.C.n. cum Athenienses naves quasdam Corcyraeis auxilio misissent, Spartani indutias triginta annorum rumpere decreverunt unde bellum Peloponnesiacum ortum est. Anno 146 a.C.n., Corinthus a Romanis, Lucio Mummio duce, deleta est, sed colonia Romana ibidem anno 44 a.C.n. Gai Iulii Caesaris iussu condita est^[6]. Tunc plerique incolae liberti Romani fuere.

Templum Apollinis Corinthi situm.

Fabulae

• Medea, drama ab Euripide scriptum, Corinthi sita est.

De eccledia Catholica

• Paulus Apostolus nonnullas epistulas ad Corinthios, in Bibliis Sacris servatas, scripsit.

Via Rebellationis Nationalis Corinthi in urbe

Corinthus est sedes episcopalis titularis Ecclesiae Catholicae Romanae.

Fontes

• Herodotus, Clio 23-24 et Thalia 48-53 et Terpsichore 74-75, 92 et 95.
• Pausanias libro secundo Descriptionis Graeciae cap.1-4
• Strabo, Geographica VIII.6.20-23
• Thucydides libro primo de Bello Peloponnesiaco 13.2-5 et 24-71 et 120-124

Notae

1. A. Chiusole, Il mondo antico, moderno, e novissimo, ovvero Breve trattato (Venetiarum: G. B. Recurti, 1749)
2. Thucydides I.56.
3. Herodotus, Clio 23-24 et Thalia 48-53 et Terpsichore 92 et 95.
4. Herodotus, Terpsichore 76 et 92. Thucydides I.40 et 43.
5. Thucydides libro primo de Bello Peloponnesiaco 24-55. Herodotus, Thalia 48-53
6. Pausanias II.1.2

Bibliographia

• Harold North Fowler, Richard Stillwell et al., edd., Corinth. Princetoniae: American School of Classical Studies at Athens, 1929-
• Charles K. Williams II, Nancy Bookidis, edd., Corinth: the centenary, 1896-1996. Princetoniae: American School of Classical Studies at Athens, 2003. (Corinth, vol. 20) JSTOR

Nexus interni

• Acrocorinthus
• Isthmus Corinthius
• Canalis Corinthius

Nexus externi

Situs geographici et historici: Locus:  • GeoNames • Store norske Lexikon • Treccani • Большая российская энциклопедия

Vicimedia Communia plura habent quae ad Corinthum spectant.

Terra

Haec stipula ad geographiam spectat. Amplifica, si potes!