აბრეშუმისებრი ვოლვარიელა (ლათ. Volvariella bombycina) — სოკოს სახეობა ვოლვარიელას გვარისა, რომლის გავრცელების არეალი მოიცავს ევროპას, აზიას, ჩრდილოეთ ამერიკას, სამხრეთ ამერიკას, ავსტრალიასა და კარიბის აუზს.
აბრეშუმისებრი ვოლვალიერა | |||||||||||||||
---|---|---|---|---|---|---|---|---|---|---|---|---|---|---|---|
![]() | |||||||||||||||
მეცნიერული კლასიფიკაცია | |||||||||||||||
| |||||||||||||||
ლათინური სახელი | |||||||||||||||
Volvariella bombycina (Schaeff.) Singer, (1951) | |||||||||||||||
|
კარგი ხარისხის საჭმელ სოკოდ ითვლება. იზრდება ფოთლოვან და შერეულ ტყეებში, პარკებში, ზაფხულიდან შემოდგომამდე.
სოკო პირველად აღწერა გერმანელმა მიკოლოგმა იაკობ კრისტიან შეფერმა 1774 წელს როგორც Agaricus bombycinus. ვოლვარიელას გვარში გადაიტანა გერმანელმა მიკოლოგმა როლფ ზინგერმა 1951 წელს.[1]
სამეცნიერო სინონიმები:
აღწერა
ქუდის დიამეტრი — 5–20 სმ-მდე, ნორჩობაში ნახევარსფეროსებრ-ზარისებრი, შემდეგ ამოზნექილი და ბოლოს თითქმის გაშლილი, მშრალი. დაფარულია ხშირი, აბრეშუმისებრი ბისუსებით. მოთეთრო ან მოყვითალო.
ჰიმენოფორი — ფირფიტებიანი, ფირფიტები განიერი, ხშირი, თავიდან მოთეთროა, შემდეგ — მოვარდისფრო.
ფიხის სიგრძე — 7-19 სმ-მდე, სისქე — 1-2 სმ-მდე, ცილინდრული, მოთეთრო, ძირში გაგანიერებულია და ჩამჯდარია პარკისებრ თეთრ ან ჟანგმიწისფერ ვოლვაში.[2]
რბილობი — თეთრი, თხელი, რბილი, უმი კარტოფილის მსგავსი სუნით.[3]
სპორები — ელიფსისებური, მოვარდისფრო, გლუვი, 6,5–10x4,5–6,5 მკმ. ბაზიდიუმი — გურზისებრი, ოთხსპორიანი.
მსგავსი სახეობები
- Amanita verna
- Amanita virosa
- Volvariella pusilla
- Volvariella volvacea
- Volvariella volvacea var. nigrovolvacea
გავრცელება და ეკოლოგია
გავრცელების არეალი მოიცავს ევროპას, აზიას, ავსტრალიას, ჩრდილოეთ ამერიკას, სამხრეთ ამერიკასა და კარიბის აუზს.
საპროტროფია. იზრდება ფოთლოვან და შერეულ, იშვიათად წიწვოვან ტყეებში,[4][5] გამხმარ და დამპალ ხეებზე, პარკებში, ბაღებში, გზის პირებზე, ერთეულებად ან მცირე ჯგუფებად.
შემჩნეულია, რომ იგი შეიძლება წლების განმავლობაში გაიზარდოს ერთი და იმავე ადგილას.[6]
სეზონი — ზაფხულიდან შემოდგომამდე.
გალერეა
- სპორები
რესურსები ინტერნეტში
შეგიძლიათ იხილოთ მედიაფაილები თემაზე „აბრეშუმისებრი ვოლვარიელა“ ვიკისაწყობში.
- აბრეშუმისებრი ვოლვარიელა MycoBank-ზე (ინგლისური)
- აბრეშუმისებრი ვოლვარიელა Index Fungorum-ზე (ინგლისური)
სქოლიო
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.