From Wikipedia, the free encyclopedia
Silicon Valley eða Kísildalurinn er nafn sem er notað yfir landsvæði við syðri hluta San Francisco-flóa í Norður-Kaliforníu, Bandaríkjunum. Á þessu svæði eru margir bæir. Nafngiftin vísaði í upphafi til mikillar framleiðslu svæðisins á kísilflögum en varð að lokum samnefnari fyrir allan hátækniiðnaðinn á svæðinu.
Heitið nær yfir norðurhluta Santa Clara Valley og nærliggjandi svæði á suðurhluta San Francisco-skagans.
Blaðamaðurinn Don Hoefler notaði orðið fyrstur manna Silicon Valley 1971 sem fyrirsögn í greinaröð í tímaritinu Electronic News. Silicon („kísill“) vísar til mikils iðnaðar í kringum hálfleiðara og tölvur á svæðinu, en Valley („dalur“) vísar til Santa Clara Valley.
Heitið er nú líka notað um aðliggjandi svæði við San Francisco-flóa, þangað sem tölvuiðnaðurinn hefur flutt starfsemi sína.
Á 8. og 9. áratugnum var algengt að blaðamenn vissu ekki hvernig ætti að stafa silicon og skrifuðu það gjarnan silicone, en það er efni sem notað er í brjóstastækkanir.
Á fyrri hluta 20. aldar var lítið um hátækniiðnað á svæðinu. Margir mjög góðir háskólar voru í grenndinni en nemendur voru jafnan fljótir að flytjast í burtu eftir að þeir höfðu lokið námi. Frederick Terman prófessor við Stanford-háskóla vildi breyta þessu. Hann smíðaði áætlun sem miðaði að því að útvega nemendum áhættufjármagn gegn því að þeir yrðu um kyrrt á svæðinu. Þetta gekk vel og tveir nemendur skólans, William Hewlett og David Packard, stofnuðu fyrsta hátæknifyrirtæki svæðisins, Hewlett Packard árið 1939.
Árið 1951 var Stanford Research Park settur á fót, röð lítill iðnaðarbygginga sem voru leigðar á mjög lágu verði til tæknifyrirtækja. Árið 1954 var starfsmönnum fyrirtækja gert kleift að öðlast framhaldsmenntun meðfram námi.
Árið 1956 flutti William Shockley í bæinn Mountain View í Silicon Valley. Hann hafði verið einn af þeim sem fundu upp smárann þegar hann vann hjá Bell Labs árið 1953. Shockley stofnaði fyrirtækið Shockley Semiconductor Laboratory. Með tímanum þjáðist Shockley í æ ríkara mæli af móðursýki og beindist hún aðallega gegn starfsmönnum hans. Árið 1957 hættu 8 af færustu verkfræðingum hans og stofnuðu Fairchild Semiconducor.
Sama sagan endurtók sig nokkrum sinnum: verkfræðingar misstu stjórn á fyrirtækjum sínum og starfsmenn þeirra stofnuðu ný fyrirtæki. Þannig mynduðust út frá fyrirtækinu Fairchild Semiconductor meðal annars fyritækin AMD, Signetics, National Semiconductor og Intel.
Í byrjun 8. áratugarins voru mörg hálfleiðaraframleiðslufyrirtæki á svæðinu, tölvufyrirtæki sem notuðust við afurður þeirra fyrrnefndu og hugbúnaðarfyrirtæki sem þjónuðu báðum aðilum. Mikið framboð var af ódýru iðnaðarhúsnæði. Vöxturinn var að mestu fjármagnaður með áhættufjármagni og í almennu hlutafjárútboði Apple tölvufyrirtækisins árið 1980 náði framboð fjármagns hámarki.
Fjórir háskólar eru staðsettir í Silicon Valley.
Nokkrir aðrir háskólar eru ekki staðsettir í Silicon Valley en hafa haft þónokkur áhrif á svæðið, m.a. með því að stunda rannsóknir sem fyrirtækin hafa nýtt sér og útskrifað starfsfólk sem hafa síðan hafið störf hjá fyrirtækjum í Silicon Valley.
Í Silicon Valley eru ýmsar borgir og bæir. Í stafrófsröð eru þetta:
Meðal þeirra fyrirtækja sem nú starfa í Silicon Valley eru:
Yfirvöld á ýmsum stöðum víðsvegar um heiminn hafa tekið upp á því að bæta silicon við nafn svæðis til að skapa tengingu við Silicon Valley, laða að fjárfesta og efla hátækniiðnaðinn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.