![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/30/Mein_Kampf_dust_jacket.jpeg/640px-Mein_Kampf_dust_jacket.jpeg&w=640&q=50)
Mein Kampf
From Wikipedia, the free encyclopedia
Mein Kampf (ísl. Barátta mín) er ritverk eftir Adolf Hitler, einræðisherra Þýskalands og foringa Nasistaflokksins, sem kom fyrst út árið 1925. Bókin er í senn bæði sjálfsævisaga og stefnuyfirlýsing. Í henni tvinnar Hitler saman sjálfsævisögulegum staðreyndum og hugmyndafræði sinni um þýska þjóðernisstefnu.
![]() | |
Höfundur | Adolf Hitler |
---|---|
Land | Þýskaland |
Tungumál | Þýska |
Útgefandi | Franz Eher Verlag |
Útgáfudagur | 18. júlí 1925; fyrir 98 árum (1925-07-18) |
Framhald | Zweites Buch (aldrei gefin út) |
![Thumb image](http://upload.wikimedia.org/wikipedia/commons/thumb/d/d2/Minha_Luta_-_Mein_Kampf_-_Adolf_Hitler.jpg/640px-Minha_Luta_-_Mein_Kampf_-_Adolf_Hitler.jpg)
Hitler skrifaði bókina með hjálp ritara síns, Rudolfs Hess, á meðan hann sat í fangelsi í Landsberg í Bæjaralandi árið 1924, en þangað var hann sendur vegna þátttöku sinnar í bjórkallarauppreisninni árið áður. Fyrsta bindið (Eine Abrechnung) kom fyrst út þann 18. júlí árið 1925 og það síðara árið 1926 (Die Nationalsozialistische Bewegung).
Upphaflega valdi Hitler nafnið Fjögur og hálft ár [af baráttu] gegn lygum, heimsku og hugleysi (þýska: Viereinhalb Jahre [des Kampfes] gegen Lüge, Dummheit und Feigheit) en útgefandi hans, Max Amann, stytti það niður í Mein kampf, eða Baráttan mín.
Bókin seldist vel. Um 287.000 eintök höfðu selst þegar nasistar náðu völdum í Þýskalandi árið 1933. Bókin rauk út eftir það og á árinu 1933 voru yfir milljón eintök prentuð. Upplagið var orðið 5,2 milljónir á 11 tungumálum árið 1939.[1] Árið 1943 höfðu yfir 10 milljón eintök verið prentuð af bókinni. Bókin er bönnuð í Austurríki og Rússlandi.[2][3]
Valdir kaflar úr bókinni hafa verið þýddir á íslensku og gefnir út á bók.
Hitler skrifaði 200 blaðsíðna handrit að framhaldsbók árið 1928, sem hefur verið kölluð Zweites Buch eða „Önnur bókin,“ en hún var aldrei gefin út.