Heartstopper

Heartstopper eru breskir unglingaþættir sem hófu göngu sína vorið 2022 á Netflix. Þættirnir eru byggðir á samnefndum vefteiknimyndasögum eftir Alice Oseman en hún skrifar einnig handritið.

Heartstopper
Tegund	Unglingaþættir
Byggt á	Heartstopper teiknimyndasögunum eftir Alice Oseman
Handrit	Alice Oseman
Leikstjóri	Euros Lyn
Leikarar	Kit Connor Joe Locke William Gao Yasmin Finney Corinna Brown Kizzy Edgell Tobie Donovan Rhea Norwood Jenny Walser Sebastian Croft Cormac Hyde-Corrin Fisayo Akinade Chetna Pandya Stephen Fry Olivia Colman Leila Khan Jack Barton Bradley Riches Nima Taleghani
Tónskáld	Adiescar Chase
Upprunaland	Bretland
Frummál	Enska
Fjöldi þáttaraða	3
Fjöldi þátta	24
Framleiðsla
Framleiðandi	Zorana Piggott
Framleiðsla	See-Saw Films
Útsending
Upprunaleg sjónvarpsstöð	Netflix
Sýnt	22. apríl 2022 –
Tenglar
IMDb tengill

Sagan fjallar aðallega um unglingsstrákinn Charlie Spring (Joe Locke) sem er samkynhneigður og verður ástfanginn af bekkjarfélaga sínum Nick Nelson (Kit Connor). Aðrar persónur koma við sögu eins og Tao (William Gao), Elle (Yasmin Finney), Tara (Corinna Brown) og Darcy (Kizzy Edgell).

See-Saw Films keypti sjónvarpsréttinn að Heartstopper árið 2019 og Netflix keypti dreifingarréttinn árið 2021. Tökur fóru fram í apríl til júní það ár. Eitt helsta einkenni þáttana er notkun á ýmsum einföldum formum, s.s. hjörtu og laufblöð, í teiknimyndastíl. Það gefur þáttunum ákveðið stílbragð en þessi teiknimyndaform eru notuð til að magna upp tilfinningar persónanna og eru bein tenging við teiknimyndasögurnar.

Fyrstu þáttaröð Heartstopper var streymt á Netflix þann 22. apríl 2022. Þættirnir fengu strax gríðarlega góð viðbrögð frá gagnrýnendum og hlutu sérstakt lof fyrir góða framsetningu á hinsegin karakterum. Aðeins tveimur dögum eftir að þættirnir fóru í sýningu voru þeir komnir á topp tíu lista Netflix yfir vinsælustu bresku þáttaraðirnar. Heartstopper er einnig með 100% í einkunn frá gagnrýnendum á Rotten Tomatoes síðunni.

Fyrsta þáttaröðin hlaut fimm Emmy verðlaun í desember 2022, þ.e. sem besta unglingaþáttaröðin, besta handrit og besta leikaraval. Auk þess hlaut Kit Connor verðlaun fyrir besta leik í aðalhlutverki og Olivia Colman verðlaun fyrir besta gestahlutverk.

Þann 20. maí 2022 var tilkynnt að 2. og 3. sería væru á leiðinni. Þann 3. ágúst 2023 var svo annarri seríu streymt á Netflix og hefur sú fengið gríðarlega jákvæð viðbrögð eins og fyrri serían. Þann 3. október 2024 var þriðju seríunni streymt. Alice Oseman hefur staðfest að Heartstopper mun hafa fjórar seríur, en ekki er vitað hvenær 4. serían kemur út.

Persónur

Aðalpersónur

• Kit Connor: leikur Nick Nelson, vinsæli strákurinn í Truham Grammar skólanum sem spilar með ruðningsliði skólans.
• Joe Locke: leikur Charlie Spring, hann er ári yngri en Nick og spilar á trommur í skólahljómsveitinni. Charlie var nýlega þvingaður til þess að koma út úr skápnum sem samkynhneigður.
• William Gao: leikur Tao Xu, besti vinur Charlie sem hefur gríðarlegan áhuga á kvikmyndum.
• Yasmin Finney: leikur Elle Argent, vinkona Charlie, Tao og Isaac. Hún er trans stelpa og hefur nýlega fengið að ganga í stúlknaskólann Higgs.
• Corinna Brown: leikur Tara Jones, Higgs nemandi sem vingast við Elle.
• Kizzy Edgell: leikur Darcy Olsson, kærasta Tara og vinkona Elle.
• Tobie Donovan: leikur Isaac Henderson, hlédrægur vinur Charlie, Tao og Elle. Hann er mikill lestarhestur og sést nánast alltaf með bók í hönd.

Aukapersónur

• Jenny Walser: leikur Tori Spring, eldri systir Charlie.
• Sebastian Croft: (sería 1 og 2) leikur Ben Hope, hann á í leynilegu ástarsambandi við Charlie en er sjálfur mjög djúpt inní skápnum.
• Cormac Hyde-Corrin: leikur Harry Greene, strákur í ruðningsliðinu sem er með mikla hinsegin fordóma.
• Rhea Norwood: leikur Imogen Heaney, vinkona Nick sem er hrifinn af honum.
• Fisayo Akinade: leikur Nathan Ajayi, listakennari sem gefur Charlie oft ýmis ráð.
• Chetna Pandya: sem frk. Singh, ruðningsþjálfarinn.
• Olivia Colman: leikur Sarah Nelson, móðir Nick
• Jack Barton: (sería 2) leikur David Nelson, eldri bróðir Nick.
• Leila Khan: (sería 2) leikur Sahar Zahid, ný stelpa í Higgs skólanum sem verður vinkona Tara, Darcy og Elle.
• Nima Taleghani: (sería 2) leikur Youssef Farouk, strangur kennari sem fer sem fararstjóri ásamt hr. Ajayi til Parísar.
• Bradley Riches: (sería 2, gestaleikari í seríu 1) leikur James McEwan, strákur í Truham sem er skotinn í Isaac.
• Araloyin Oshunremi: leikur Otis Smith, vinur Nick úr ruðningsliðinu.
• Evan Ovenell: leikur Christian McBride, vinur Nick úr ruðningsliðinu.
• Ashwin Viswanath: leikur Sai Verma, vinur Nick úr ruðningsliðinu.
• Georgina Rich: leikur Jane Spring, mamma Charlie og Tori.
• Joseph Balderrama: leikur Julio Spring, pabbi Charlie og Tori.
• Momo Yeung: leikur Yan Xu, mamma Tao.
• Alan Turkington: leikur Hr Lange, sögukennari og umsjónarkennari Nick og Charlie.
• Bel Priestley: (sería 2) leikur Naomi, transstelpa í listaskólanum sem Elle sækir um í.
• Ash Self: (sería 2) leikur Felix, nemandi í listaskólanum sem Elle sækir um í.
• Thibault de Montalembert: (sería 2) leikur Stéphane Fournier, Pabbi Nick og David sem er franskur, fyrrverandi eiginmaður Sarah.
• Stephen Fry: ljáir rödd sína sem skólastjórinn Barnes.
• Hayley Atwell: (sería 3) leikur Diane, móðursystir Nick og David.
• Eddie Marsan: (sería 3) leikur Geoff, sálfræðingur Charlie.
• Jonathan Bailey: (sería 3) leikur Jack Maddox, sagnfræðingur sem Charlie heldur mikið upp á.
• Annette Badland: (sería 3) leikur Ivy Olsson, amma Darcy.
• Darragh Hand: (sería 3) leikur Michael Holden, vinur Tori.

Söguþráður

Fyrsta sería

1. þáttur "Meet"

Hinn hlédrægni Charlie, sem er fastur í leynilegu ástarsambandi með Ben, verður skotinn í ruðningsstjörnu skólans Nick. Hann ákveður því að ganga í ruðningsliðið þvert á ráðleggingar vina sinna.

2. þáttur "Crush"

Elle gengur brösulega að aðlagast nýjum skóla á meðan Charlie og Tao eru sannfærðir um að Nick sé gagnkynhneiðgur. Nick byrjar að efast um kynhneigð sína.

3. þáttur "Kiss"

Í afmælispartýi hjá Harry trúir Tara Nick fyrir leyndarmáli. Nick deilir tilfiningum sínum með Charlie og samband þeirra verður nánara.

4. þáttur "Secret"

Charlie og Nick ákveða að halda sambandi sínu leyndu þar sem Nick er enn inni í skápnum. Imogen, vinkona Nick, býður honum á stefnumót.

5. þáttur "Friend"

Nick þarf að velja á milli þess að fara á stefnumót með Imogen eða í afmæli Charlie. Tao heitir því að vernda Charlie frá Nick og dónalegu ruðningsstrákunum.

6. þáttur "Girls"

Tara og Darcy opinbera samband sitt á samfélagsmiðlum, en Tara er ekki tilbúin fyrir allt áreitið sem því fylgir. Vinahópurinn reynir að fá Tao og Elle til að viðurkenna tilfinningar sínar.

7. þáttur "Bully"

Nick og Tao lenda í slagsmálum við Harry. Charlie er hræddur um að hann sé að flækja líf Nick og spenna myndast milli vinana Charlie og Tao.

8. þáttur "Boyfriend"

Á íþróttadegi í skólanum er Charlie á barmi þess að segja upp sambandi sínu við Nick. Tao og Elle eiga einstakt augnablik saman.

Önnur sería

1. þáttur "Out"

Samband Nick og Charlie verður alvarlegra og Nick veltir fyrir sér hvernig hann eigi að koma útúr skápnum fyrir Imogen sem reynist erfiðara en hann gerði sér grein fyrir. Elle reynir að daðra við Tao.

2. þáttur "Family"

Einkunnir Charlie hafa versnað eftir að hafa byrjað með kærasta þannig að foreldrar hans setja fyrir honum strangari reglur. Tao verður afbrýðissamur þegar Elle eignast nýja vini. Eldri bróðir Nick ber enga virðingu fyrir einkalífi hans.

3. þáttur "Promice"

Nick reynir að koma útúr skápnum fyrir ruðningsvinum sínum í próflokapartýi. Tao skipurleggur hið fullkomna stefnumót. Samband Tara og Darcy verður óþæginlegt.

4. þáttur "Challenge"

Í skólaferðalagi í París reyna Nick og Charlie að halda sambandi sínu leyndu. Elle og Tao bæta samband sitt í ferð á listasafn. Imogen stendur upp í hárinu á Ben.

5. þáttur "Heat"

Orðrómur fer að berast milli skólafélagana þegar Charlie vaknar upp með sogblett. Hópurinn heimsækir frægustu staði Parísar og fleiri en eitt leyndarmál kemst upp á yfirborðið.

6. þáttur "Truth/Dare"

Á síðasta degi skólaferðalagsins kynnir Nick Charlie fyrir frönskum pabba sínum. Elle og Tao opinbera samband sitt. Sannleikurinn kemur í ljós í partýi sem er uppfullt af óvæntum atburðum.

7. þáttur "Sorry"

Elle heldur stórum fréttum leyndum frá Tao. Ben þrýstir á Charlie að fyrirgefa sér. Isaac opnar sig fyrir James. Nick býður Charlie í vandræðalegt fjölskylduboð.

8. þáttur "Perfect"

Vinahópurinn kemur saman til að halda viðburðaríkan skóladansleik. En þegar það vantar einn í hópinn virka hlutirnir ófullkomnir.

Þriðja sería

1. þáttur "Love"

Vinahópurinn fer saman á ströndina. Charlie langar að segja Nick að hann elski hann en á í erfiðleikum með að finna bestu stundina. Nick er líka með hluti sem hann þarf að ræða um við Charlie. Tao planar rómantískt sumar.

2. þáttur "Home"

Nick er í sumarfríi á Menorca en hefur sífellt meiri áhyggjur af Charlie sem versnar með hverjum deginum. Isaac fynnst hann verða útundan nú þegar Tao og Elle eru orðin par.

3. þáttur "Talk"

Skólinn byrjar á ný eftir sumarfrí. Tao saknar Elle þar sem hún er nú komin í nýjan skóla. Charlie planar óvænt afmælis partý fyrir Nick sem hefur áfram miklar áhyggjur af kærastanum sínum.

4. þáttur "Journey"

Charlie kemst í meðferð vegna átröskunar og hefur langt ferli í leit að bata. Nick tekst á við fjarveru Charlie með því að skrifa í dagbók. Tao tekur upp myndband til að gleðja Charlie meðan hann þarf að vera fjarri vinum sínum.

5. þáttur "Winter"

Jólin reynast Charlie og Tori erfið og aðrir fjölskyldumeðlimir þeirra hjálpa ekki til. Tao og Elle ræða kynlíf. Það eru glæringar í loftinu á gamlárskvöld.

6. þáttur "Body"

Myndlist Elle verður "viral" á samfélagsmiðlum sem veldur því að henni bíðst viðtal í útvarpsþætti. Charlie segir Nick að hann sé tilbúinn til þess að færa samband þeirra á næsta stig. Tara fær kvíðakast.

7. þáttur "Together"

Skólaárið er að klárast og nemendurnir eru byrjaðir að spá í framtíðinni. Charlie og Nick ströggla við að finna stund einir saman.

8. þáttur "Apart"

Nick og stelpurnar fara í bílferð um England til þess að skoða háskóla. Nick þarf að fara að ákveða hvort hann sæki háskóla í Kent til að vera nálægt Charlie eða hvort hann fari í háskóla sem er lengra í burtu. Hljómsveit Sahar spilar á sumarhátíð.